ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್ ನೇಮಕಾತಿ; ಯಾರು ಅರ್ಜಿ ಸಲ್ಲಿಸಬಹುದು?

ನೇಮಕಾತಿಯ ಮೂಲಕ ಒಟ್ಟು 23 ಟ್ರೈನಿ ಇಂಜಿನಿಯರ್-I ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತಿದೆ.

ಭಾರತದ ಪ್ರಮುಖ ರಕ್ಷಣಾ ಮತ್ತು ಎಲೆಕ್ಟ್ರಾನಿಕ್ಸ್ ಕ್ಷೇತ್ರದ ಸಂಸ್ಥೆಗಳಲ್ಲಿ ಒಂದಾದ ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್ (BEL) 2026ನೇ ಸಾಲಿನ ಹೊಸ ನೇಮಕಾತಿ ಅಧಿಸೂಚನೆಯನ್ನು ಪ್ರಕಟಿಸಿದೆ. ಈ ನೇಮಕಾತಿಯ ಮೂಲಕ ಒಟ್ಟು 23 ಟ್ರೈನಿ ಇಂಜಿನಿಯರ್-I ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತಿದೆ. ಹುದ್ದೆಗಳಿಗೆ ಪೂರ್ವಾನುಭವದ ಅಗತ್ಯವಿಲ್ಲ. ಆಸಕ್ತ ಅಭ್ಯರ್ಥಿಗಳು ಈ ಕೆಳಗಿನ ಲಿಂಕ್ ಬಳಸಿ ಅರ್ಜಿ ಸಲ್ಲಿಸಬಹುದು:

https://jobapply.in/bel2026kotdwarte/default.aspx?msg=Invalid Session/Post Selected...

ಪ್ರಮುಖ ದಿನಾಂಕಗಳು

• ಅರ್ಜಿ ಸಲ್ಲಿಕೆ ಆರಂಭ: 12 ನವೆಂಬರ್ 2026

• ಅರ್ಜಿ ಸಲ್ಲಿಸಲು ಕೊನೆಯ ದಿನ: 26 ನವೆಂಬರ್ 2026

• ಲಿಖಿತ ಪರೀಕ್ಷೆ: 13 ಡಿಸೆಂಬರ್ 2026 (ರವಿವಾರ)

ಪ್ರಮುಖ ಮಾಹಿತಿ

• ನೇಮಕಾತಿ ಸಂಸ್ಥೆ: ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್ (BEL)

• ಹುದ್ದೆಯ ಹೆಸರು: ಟ್ರೈನಿ ಇಂಜಿನಿಯರ್-I

• ಒಟ್ಟು ಹುದ್ದೆಗಳು: 23

• ಉದ್ಯೋಗ ಸ್ಥಳ: ಕೋಟ್ದ್ವಾರ, ಉತ್ತರಾಖಂಡ

• ವೇತನ ಶ್ರೇಣಿ: ತಿಂಗಳಿಗೆ 40,000 ರೂ. – 50,000 ರೂ.

ಹುದ್ದೆಗಳ ವಿವರ ಮತ್ತು ಮೀಸಲಾತಿ

ಒಟ್ಟು 23 ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಲಾಗಿದೆ.

ವಿಭಾಗ ಒಟ್ಟು ಹುದ್ದೆಗಳು ಮೀಸಲಾತಿ ವಿವರ

ಎಲೆಕ್ಟ್ರಾನಿಕ್ಸ್ 16 UR-04, EWS-01, OBC-NCL-07, SC-02, ST-02

ಮೆಕ್ಯಾನಿಕಲ್ 05 UR-01, OBC-NCL-01, SC-01, ST-02

ಕಂಪ್ಯೂಟರ್ ಸೈನ್ಸ್ 02 UR-02

ಅರ್ಹತೆ ಮತ್ತು ವಯೋಮಿತಿ

• ವಿದ್ಯಾರ್ಹತೆ: ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಸಂಬಂಧಿತ ವಿಭಾಗಗಳಲ್ಲಿ ಪೂರ್ಣಾವಧಿ B.E./B.Tech/B.Sc. (4 ವರ್ಷದ ಕೋರ್ಸ್) ಇಂಜಿನಿಯರಿಂಗ್ ಪದವಿಯನ್ನು ಪಾಸ್ ಕ್ಲಾಸ್ನೊಂದಿಗೆ ಉತ್ತೀರ್ಣರಾಗಿರಬೇಕು.

• ವಯೋಮಿತಿ (2026ರ ನವೆಂಬರ್ 1ಕ್ಕೆ ಅನ್ವಯವಾಗುವಂತೆ): ಸಾಮಾನ್ಯ ಮತ್ತು EWS ಅಭ್ಯರ್ಥಿಗಳಿಗೆ ಗರಿಷ್ಠ 28 ವರ್ಷಗಳು. OBC-NCL ಅಭ್ಯರ್ಥಿಗಳಿಗೆ 3 ವರ್ಷ, SC/ST ಅಭ್ಯರ್ಥಿಗಳಿಗೆ 5 ವರ್ಷ ಮತ್ತು PwBD ಅಭ್ಯರ್ಥಿಗಳಿಗೆ ಹೆಚ್ಚುವರಿ 10 ವರ್ಷಗಳ ವಯೋಮಿತಿ ಸಡಿಲಿಕೆ ಇದೆ.

ವೇತನ ಮತ್ತು ಸೇವಾ ಅವಧಿ

• ಸೇವಾ ಅವಧಿ: ಆರಂಭದಲ್ಲಿ 2 ವರ್ಷಗಳ ಅವಧಿಗೆ ನೇಮಕ ಮಾಡಿಕೊಳ್ಳಲಾಗುವುದು ಮತ್ತು ಕಾರ್ಯಕ್ಷಮತೆಯ ಆಧಾರದ ಮೇಲೆ ಗರಿಷ್ಠ 3 ವರ್ಷಗಳವರೆಗೆ ವಿಸ್ತರಿಸಬಹುದು.

• ಮಾಸಿಕ ವೇತನ: ಮೊದಲ ವರ್ಷ 40,000 ರೂ., ಎರಡನೇ ವರ್ಷ 45,000 ರೂ. ಮತ್ತು ಮೂರನೇ ವರ್ಷಕ್ಕೆ ವಿಸ್ತರಿಸಿದರೆ 50,000 ರೂ. ಸಂಚಿತ ವೇತನ ನೀಡಲಾಗುವುದು.

• ಇತರ ಭತ್ಯೆಗಳು: ವಿಮೆ, ಸಮವಸ್ತ್ರ ಮತ್ತು ಪಾದರಕ್ಷೆ ವೆಚ್ಚಗಳಿಗಾಗಿ ವಾರ್ಷಿಕ 12,000 ರೂ. ಹೆಚ್ಚುವರಿ ಭತ್ಯೆ ಸಿಗಲಿದೆ. ಕಠಿಣ ಪ್ರದೇಶಗಳಲ್ಲಿ ನಿಯೋಜನೆಗೊಂಡರೆ ಮೂಲ ವೇತನದ ಶೇ. 10ರಷ್ಟು ಹೆಚ್ಚುವರಿ ಭತ್ಯೆ ನೀಡಲಾಗುವುದು.

• ಬಡ್ತಿ ಅವಕಾಶ: 2 ವರ್ಷಗಳ ನಂತರ ಉತ್ತಮ ಕಾರ್ಯಕ್ಷಮತೆ ತೋರಿದವರನ್ನು ಪ್ರಾಜೆಕ್ಟ್ ಇಂಜಿನಿಯರ್-I (Project Engineer-I) ಹುದ್ದೆಗೆ ಪರಿಗಣಿಸಲಾಗುತ್ತದೆ.

ಅರ್ಜಿ ಶುಲ್ಕ

• ಯುಆರ್, ಇಡಬ್ಲ್ಯೂಎಸ್, ಒಬಿಸಿ (ಎನ್ಸಿಎಲ್) ಅಭ್ಯರ್ಥಿಗಳಿಗೆ: 177 ರೂ.

• SC, ST ಮತ್ತು PwBD ಅಭ್ಯರ್ಥಿಗಳಿಗೆ: ಅರ್ಜಿ ಶುಲ್ಕವಿಲ್ಲ.

• ಪಾವತಿ ವಿಧಾನ: ಆನ್ಲೈನ್.

ಆಯ್ಕೆ ಪ್ರಕ್ರಿಯೆ

ಪೂರ್ವ ನೋಂದಣಿ: ಆಸಕ್ತ ಅಭ್ಯರ್ಥಿಗಳು https://jobapply.in ಲಿಂಕ್ ಮೂಲಕ 2026ರ ನವೆಂಬರ್ 12ರಿಂದ ನವೆಂಬರ್ 26ರ ರಾತ್ರಿ 11:59ರೊಳಗೆ ಕಡ್ಡಾಯವಾಗಿ ಆನ್ಲೈನ್ನಲ್ಲಿ ನೋಂದಾಯಿಸಿಕೊಳ್ಳಬೇಕು.

ಲಿಖಿತ ಪರೀಕ್ಷೆ: ಅರ್ಹ ಅಭ್ಯರ್ಥಿಗಳಿಗೆ 2026ರ ಡಿಸೆಂಬರ್ 13ರಂದು (ರವಿವಾರ) ಉತ್ತರಾಖಂಡದ BEL ಕೋಟ್ದ್ವಾರ ಘಟಕದಲ್ಲಿ ಬೆಳಿಗ್ಗೆ 8 ಗಂಟೆಗೆ ಲಿಖಿತ ಪರೀಕ್ಷೆ ನಡೆಯಲಿದೆ. 90 ನಿಮಿಷಗಳ ಈ ಪರೀಕ್ಷೆಯಲ್ಲಿ 100 ಪ್ರಶ್ನೆಗಳಿದ್ದು, ಪ್ರತಿ ತಪ್ಪು ಉತ್ತರಕ್ಕೆ 0.25 ಋಣಾತ್ಮಕ ಅಂಕವಿರುತ್ತದೆ.

ಅರ್ಜಿ ಸಲ್ಲಿಸುವುದು ಹೇಗೆ?

1. ಮೊದಲಿಗೆ BEL ಅಧಿಕೃತ ಅಧಿಸೂಚನೆಯನ್ನು ಡೌನ್ಲೋಡ್ ಮಾಡಿಕೊಂಡು ಸಂಪೂರ್ಣವಾಗಿ ಓದಿಕೊಳ್ಳಿ.

2. ನಂತರ ಆನ್ಲೈನ್ ಅರ್ಜಿ ಸಲ್ಲಿಸುವ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

3. ಅರ್ಜಿ ನಮೂನೆಯಲ್ಲಿ ಕೇಳಿರುವ ವೈಯಕ್ತಿಕ ಮಾಹಿತಿ, ಶೈಕ್ಷಣಿಕ ಅರ್ಹತೆ ಹಾಗೂ ಇತರ ವಿವರಗಳನ್ನು ಸರಿಯಾಗಿ ಭರ್ತಿ ಮಾಡಿ.

4. ಅಗತ್ಯವಿರುವ ದಾಖಲೆಗಳು, ಭಾವಚಿತ್ರ ಮತ್ತು ಸಹಿಯನ್ನು ಅಪ್ಲೋಡ್ ಮಾಡಿ.

5. ನಿಮ್ಮ ವರ್ಗಕ್ಕೆ ಅನ್ವಯಿಸುವ ಅರ್ಜಿ ಶುಲ್ಕವನ್ನು ಆನ್ಲೈನ್ ಮೂಲಕ ಪಾವತಿಸಿ.

6. ಕೊನೆಯಲ್ಲಿ ಅರ್ಜಿಯನ್ನು ಮತ್ತೊಮ್ಮೆ ಪರಿಶೀಲಿಸಿ Submit ಬಟನ್ ಮೇಲೆ ಕ್ಲಿಕ್ ಮಾಡಿ.

7. ಭವಿಷ್ಯದ ಬಳಕೆಗಾಗಿ ಸಲ್ಲಿಸಿದ ಅರ್ಜಿಯ ಪ್ರಿಂಟ್ ಅಥವಾ PDF ಪ್ರತಿಯನ್ನು ಉಳಿಸಿಕೊಳ್ಳಿ.

ಸಂದರ್ಶನ/ಆಯ್ಕೆ ಪ್ರಕ್ರಿಯೆಯ ಸ್ಥಳ:

ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್, 246149, ಪೌರಿ ಗರ್ವಾಲ್ (ಉತ್ತರಾಖಂಡ).