ಯಾದಗಿರಿ: ಯುಜಿಡಿ ತ್ಯಾಜ್ಯ ಸಂಸ್ಕರಣಾ ಘಟಕ ಸ್ಥಳಾಂತರಿಸಲು ಆಗ್ರಹಿಸಿ ಧರಣಿ

ಯಾದಗಿರಿ: ಗ್ರಾಮದ ಸಮೀಪದಲ್ಲಿ ಕೈಗೊಳ್ಳಲಾಗುತ್ತಿರುವ ಒಳಚರಂಡಿ ತ್ಯಾಜ್ಯ ಶುದ್ಧೀಕರಣ ಘಟಕ ಕಾಮಗಾರಿಗೆ ಗ್ರಾಮಸ್ಥರು ವಿರೋಧ ವ್ಯಕ್ತಪಡಿಸಿ ಕೂಡಲೇ ಘಟಕವನ್ನು ಗ್ರಾಮದಿಂದ ದೂರಕ್ಕೆ ಸ್ಥಳಾಂತರಿಸುವಂತೆ ಆಗ್ರಹಿಸಿ ಜಯ ಕರ್ನಾಟಕ ಸೇನೆ ಜಿಲ್ಲಾ ಘಟಕದ ನೇತೃತ್ವದಲ್ಲಿ ತಾಲೂಕಿನ ಎಂ. ಹೊಸಳ್ಳಿ ಗ್ರಾಮಸ್ಥರು ಪ್ರತಿಭಟನೆ ನಡೆಸಿದರು.

ನಗರದ ಜಿಲ್ಲಾಧಿಕಾರಿಗಳ ಕಚೇರಿ ಮುಂಭಾಗದಲ್ಲಿ ಮಾತನಾಡಿದ ಜಯ ಕರ್ನಾಟಕ ಸೇನೆ ಜಿಲ್ಲಾದ್ಯಕ್ಷ ಮಲ್ಲಿಕಾರ್ಜುನ ಜಲ್ಲಪ್ಪನೋರ್, ಯಾದಗಿರಿ ತಾಲೂಕಿನ ಎಂ. ಹೊಸಳ್ಳಿ ಗ್ರಾಮದ ಸಮೀಪದಲ್ಲೇ ತ್ಯಾಜ್ಯ ಶುದ್ಧಿಕರಣ ಘಟಕ ನಿರ್ಮಾಣ ಮಾಡುತ್ತಿರುವುದಕ್ಕೆ ಗ್ರಾಮಸ್ಥರು ಈಗಾಗಲೇ 4-5 ವರ್ಷಗಳಿಂದಲೇ ವಿರೋಧ ಮಾಡುತ್ತಲೇ ಬಂದಿದ್ದರೂ ಸರ್ಕಾರ ಹಾಗೂ ನಗರಸಭೆಯವರು ರೈತರ ಗ್ರಾಮಸ್ಥರ ಅಳಲಿಗೆ ಕಿವಿಗೊಡದೇ ಈದೀಗ ಕಾಮಗಾರಿ ಮತ್ತಮ್ಮೆ ಮುಂದುವರೆಸುತ್ತಿರುವುದು ಸರಿಯಲ್ಲ. ಮುಂಬರುವ ದಿನಗಳಲ್ಲಿ ಉದ್ದೇಶಿತ ಯುಜಿಡಿ ತ್ಯಾಜ್ಯ ಶುದ್ಧಿಕರಣ ಘಟಕ ಗ್ರಾಮದ ಮಧ್ಯದಲ್ಲಿ ಸೇರುವ ಸಾಧ್ಯತೆ ಇದೆ. ಅಲ್ಲದೇ ಈ ಘಟಕ ಗ್ರಾಮದ 100 ಮೀಟರ್ ಅಂತರದಲ್ಲಿಯೇ ಹೊಸ ಲೇಔಟ್ ಗಳು ಆಗುತ್ತಿವೆ. ಇದರಿಂದ ಗ್ರಾಮದ ಸಮೀಪ ಪ್ಲಾಂಟ್ ಆಗುವುದರಿಂದ ಜನರ ಆರೋಗ್ಯ, ಪರಿಸರ ಹಾಗೂ ಜನ ಜೀವನದ ಮೇಲೆ ಪ್ರಭಾವ ಬೀರಲಿದೆ ಎಂದರು.

ಸಮಸ್ಯೆಯ ಗಂಭೀರತೆಯನ್ನು ಅರಿತು ಕೂಲಂಕಶ ವರದಿ ತರಿಸಿಕೊಂಡು ಕೂಡಲೇ ತ್ಯಾಜ್ಯ ಸಂಸ್ಕರಣಾ ಘಟಕವನ್ನು ಗ್ರಾಮದಿಂದ ಅನತಿ ದೂರದಲ್ಲಿರುವ ಸರ್ಕಾರಿ ಸ್ವಾಮ್ಯದ ಸರ್ಕಾರಿ ಗೈರಾಣ ಜಮೀನಿಗೆ ಸ್ಥಳಾಂತರಿಸಿ ಅನುಕೂಲ ಮಾಡಿಕೊಡಬೇಕು. ಇಲ್ಲವಾದಲ್ಲಿ ನಿತ್ಯ ವಿಷಗಾಳಿ ಸೇವಿಸುವ ಬದಲಿಗೆ ಡಿಸಿ ಕಚೇರಿ ಮುಂದೆ ವಿಷ ಸೇವಿಸಬೇಕಾಗುತ್ತದೆ ಎಂದು ಮಹಿಳೆಯರು ಆಕ್ರೋಶ ವ್ಯಕ್ತಪಡಿಸಿದರು.

ಮಲ್ಲಿಕಾರ್ಜುನ ಜಲ್ಲಪ್ಪನೋರ್ ಮನವಿ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಸೈದಾಪೂರ ವಲಯ ಅಧ್ಯಕ್ಷ ವೀರೇಶ ಸಜ್ಜನ್ ಕಡೇಚೂರು, ಭೀಮರಡ್ಡಿ ಪೊಲೀಸ್ ಪಾಟೀಲ್, ಬಾಲಪ್ಪ ಟುಬಾಕ್, ಮಲ್ಲರಡ್ಡಿ ಕಾಮರಡ್ಡಿ, ಯಂಕಪ್ಪ ದೊರೆ, ಭರತೇಶ ಪೊ.ಪಾ., ಗುರುಲಿಂಗಯ್ಯ ಸ್ವಾಮಿ, ಭೀಮರಡ್ಡಿ ರಾಜೊಳ್ಳಿ, ಮಲ್ಲು ಚಟ್ನಳ್ಳಿ, ವಿಶ್ವನಾಥರಡ್ಡಿ ಪೊಪಾ., ಜಯರಾಂ ನಾಯ್ಕರ್, ಹೀರಾನಾಯ್ಕ, ದೇವಿಂದ್ರಪ್ಪ ನಾಟೇಕರ್, ಬಸವರಾಜ ಹೊಸಳ್ಳಿ, ಮಹಾದೇವಪ್ಪ, ಕಾಶಪ್ಪ ಜಿನಿಕೇರಿ, ಯೇಸುಮಿತ್ರ ಆಶನಾಳ. ಮಲ್ಲಿಕಾರ್ಜುನ್ ಬಬಲಾದ್, ಶ್ರೀಶೈಲ, ಪಾಂಡು ಅರಕೇರಿ, ಚಂದ್ರು ಕಡೆಚೂರು, ಹುಸೇನಪ್ಪ ಕಡೆಚೂರ್. ಮಣಿ ಸೈದಾಪುರ್, ಸಿದ್ದರಾಮ್ ಹಳೀಗೇರಿ, ಅಂಜು ಚಾಮನಾಳ, ರಫೀಕ್ ಮಸ್ಕನಹಳ್ಳಿ, ಬಂಗಾರಪ್ಪ, ಕರಿಯಪ್ಪ ತಳವಾರ್ ಇನ್ನಿತರರು ಇದ್ದರು.