ಕೇಜ್ರಿವಾಲ್ರನ್ನು ಫಾಲೋ ಮಾಡಿದ ಮೋದಿ!: ಕೃತಜ್ಞತೆ ಸಲ್ಲಿಸಿದ ಕೇಜ್ರಿ
Update: 2016-03-25 12:10 IST
ಹೊಸದಿಲ್ಲಿ, ಮಾರ್ಚ್25: ಪ್ರಧಾನಮಂತ್ರಿ ನರೇಂದ್ರ ಮೋದಿ ಟ್ವಿಟರ್ನಲ್ಲಿ ದಿಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ರನ್ನು ಫಾಲೋ(ಅನುಸರಿಸಲು) ಪ್ರಾರಂಭಿಸಿದ್ದಾರೆಂದು ವರದಿಗಳು ತಿಳಿಸಿವೆ. ಪ್ರಧಾನಿಗೆ ಇದಕ್ಕಾಗಿ ಕೃತಜ್ಞತೆಗಳನ್ನು ಕೇಜ್ರಿವಾಲ್ ಸಲ್ಲಿಸಿದ್ದಾರೆ.
ಈ ನಡುವೆ ಕೇಜ್ರಿವಾಲ್ ಸರಕಾರ ಮತ್ತು ಕೇಂದ್ರ ಸರಕಾರಗಳೊಳಗೆ ಅತ್ಯುತ್ತಮ ಬಾಂಧವ್ಯವನ್ನು ನಿರೀಕ್ಷಿಸಲಾಗುತ್ತಿದೆ. ಗುರುವಾರ ಮೊದಲು ಕೇಜ್ರಿವಾಲ್ ಆನಂತರ ಉಪಮುಖ್ಯಮಂತ್ರಿ ಟ್ವಿಟರ್ ಮೂಲಕ ಪ್ರಧಾನಿಗೆ ಹೋಳಿ ಶುಭಾಕಾಂಕ್ಷೆಗಳನ್ನು ಕೋರಿದ್ದರು.
ಆನಂತರ ಮೋದಿಕೂಡ ಈ ವಿಧಾನವನ್ನು ಅನುಸರಿಸಿದ್ದಾರೆ. ಆದ್ದರಿಂದ ಕೇಜ್ರಿವಾಲ್ ಟ್ವೀಟ್ ಮಾಡಿ ನನ್ನನ್ನು ಫಾಲೋ ಮಾಡಿದ್ದಕ್ಕಾಗಿ ನರೇಂದ್ರ ಮೋದಿಜಿ ನಿಮಗೆ ಧನ್ಯವಾದ ಮತ್ತು ಹೋಳಿ ಶುಭಾಕಾಂಕ್ಷೆಗಳು. ಇಂದು ಕುಂದುಕೊರತೆಗಳನ್ನು ಮರೆಯುವ ದಿನವಾಗಿದೆ. ಕೇಂದ್ರ ಮತ್ತು ದಿಲ್ಲಿಸರಕಾರದ ನಡುವೆ ಭವಿಷ್ಯದಲ್ಲಿ ಉತ್ತಮ ಸಮನ್ವಯ ಸಾಧ್ಯವಾಗಲಿಯೆಂದು ನಿರೀಕ್ಷಿಸುತ್ತೇನೆಂದು ಹೇಳಿದ್ದಾರೆ