ಫಾರ್ಚೂನ್ 50 ಶ್ರೇಷ್ಠ ಜಾಗತಿಕ ನಾಯಕರ ಪಟ್ಟಿಯಲ್ಲಿ ಕೇಜ್ರಿವಾಲ್, ಪ್ರಧಾನಿ ಮೋದಿಗಿಲ್ಲ ಸ್ಥಾನ

ನವದೆಹಲಿ : ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ಫಾರ್ಚೂನ್ ಮ್ಯಾಗಜೀನ್ ಬಿಡುಗಡೆಮಾಡಿದ ಶ್ರೇಷ್ಠ 50 ಜಾಗತಿಕ ನಾಯಕರುಗಳ ಪಟ್ಟಿಯಲ್ಲಿ ಸ್ಥಾನ ಪಡೆದ ಏಕೈಕ ಭಾರತೀಯ ನಾಯಕರಾಗಿದ್ದು ಈ ಪಟ್ಟಿಯಲ್ಲಿ 42ನೇ ಸ್ಥಾನ ಪಡೆದಿದ್ದಾರೆ. ಆಶ್ಚರ್ಯವೆಂದರೆ ವಿಶ್ವದ ಪ್ರಭಾವಶಾಲಿ ನಾಯಕರೆಂದೇ ತಿಳಿಯಲಾಗಿರುವ ಭಾರತದ ಪ್ರಧಾನಿ ನರೇಂದ್ರ ಮೋದಿ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿಲ್ಲ.

ಫಾರ್ಚೂನ್ 50 ಪಟ್ಟಿಯಲ್ಲಿ ಪ್ರಥಮ ಸ್ಥಾನ ಅಮೆಝಾನ್ ಸಿಇಒ ಜೆಫ್ ಬೆಝೋಸ್ ಪಡೆದಿದ್ದರೆ, ದಕ್ಷಿಣ ಕ್ಯಾರೋಲಿನಾದ ಇಂಡಿಯನ್-ಅಮೆರಿಕನ್ ಗವರ್ನರ್ ನಿಕ್ಕಿ ಹೇಲೆ 17ನೇ ಸ್ಥಾನ ಹಾಗೂ ಇನ್ನೊಬ್ಬ ಇಂಡಿಯನ್ ಅಮೆರಿಕನ್ ರೇಶಮ್ ಸೌಜಾನಿ 20ನೇ ಸ್ಥಾನ ಪಡೆದಿದ್ದಾರೆ.
ಕೇಜ್ರಿವಾಲ್ ಇತ್ತೀಚೆಗೆ ಏರುತ್ತಿರುವ ದೆಹಲಿಯ ಮಾಲಿನ್ಯ ಮಟ್ಟವನ್ನು ಇಳಿಸಲು ಸಮ-ಬೆಸ ಟ್ರಾಫಿಕ್ ಪದ್ಧತಿಯನ್ನು ಜಾರಿಗೊಳಿಸಲು ನಡೆಸಿದ ಪ್ರಯತ್ನವನ್ನು ಫಾರ್ಚೂನ್ ಪ್ರಶಂಸಿಸಿದೆ.
‘‘ತನ್ನಹುದ್ದೆಯನ್ನು ಅಪಾಯಕ್ಕೊಡ್ಡಿ ಮಾಲಿನ್ಯದ ವಿರುದ್ಧ ಹೋರಾಡಿದ ನವದೆಹಲಿ ‘ಸರಕಾರಿ ಅಧಿಕಾರಿ’ ;ಮಧ್ಯಪೂರ್ವ ವಲಸಿಗರನ್ನು ತಮ್ಮ ನಗರಕ್ಕೆ ಸ್ವಾಗತಿಸಿ ಅದರ ಆರ್ಥಿಕತೆ ಹಾಗೂ ಅವರ ಭವಿಷ್ಯವನ್ನು ಬೆಳಕಾಗಿಸಿದ ಇಟಾಲಿಯನ್ ಮೇಯರ್’’- ಇದು ಕೇಜ್ರಿವಾಲ್ ಹಾಗೂ ಈ ಪಟ್ಟಿಯಲ್ಲಿ 40ನೇ ಸ್ಥಾನ ಪಡೆದ ಇಟಲಿಯ ಪಟ್ಟಣ ರಿಯಾಸ್ ಇದರ ಮೇಯರ್ ಡೊಮೆನಿಕೊ ಲುಕಾನೋರನ್ನುಫಾರ್ಚೂನ್ ಬಣ್ಣಿಸಿದ ರೀತಿ.
ಫಾರ್ಚೂನ್ ಪಟ್ಟಿಯಲ್ಲಿ ಕಾಣಿಸಿಕೊಂಡಿರುವ ಇತರ ನಾಯಕರೆಂದರೆ ಜರ್ಮನ್ ಚಾನ್ಸಲರ್ ಏಂಜಲಾ ಮರ್ಕೆಲ್ (2), ಮ್ಯಾನ್ಮಾರ್‌ನ ಪ್ರಜಾಪ್ರಭುತ್ವ ಪರ ನಾಯಕಿ ಔಂಗ್ ಸಾನ್ ಸೂ ಕ್ಯಿ (3), ಅಮೆರಿಕಾದ ಗಗನಯಾತ್ರಿ ಸ್ಕಾಟ್ ಕೆಲ್ಲಿ ಹಾಗೂ ರಷ್ಯಾದ ಗಗನಯಾತ್ರಿ ಮಿಖಾಯಿಲ್ ಕೊನೀಂಕೋ (22), ಐಎಂಎಫ್ನಿರ್ದೇಶಕಿ ಕ್ರಿಸ್ಟೀನ್ ಲಗಾರ್ಡೆ(36), ಬಿಲ್ &ಮೆಲಿಂಡಾ ಗೇಟ್ಸ್ಫೌಂಡೇಶನ್ಸಿ-ಇಒ ಮತ್ತು ಜಂಟಿ ಅಧ್ಯಕ್ಷರಾದ ಮೆಲಿಂಡಾ ಗೇಟ್ಸ್ ಮತ್ತು ಸುಸನ್ ಡೆಸ್ಮಂಡ್ ಹೆಲ್ಮನ್ನ್(41), ಕೆನಡಾದ ಪ್ರಧಾನಿ ಜಸ್ಟಿನ್ ಟ್ರೂಡಿಯೋ(48) ಹಾಗೂ ಭೂತಾನಿನ ಪ್ರಧಾನಿ ಟ್ಶೆರಿಂಗ್ ಟೋಗ್ಬೆ (50).