ಮಾಸ್ಕೊ: ಅಂಡರ್‌ಪಾಸ್‌ಗೆ ನುಗ್ಗಿದ ಬಸ್; 5 ಸಾವು

ಮಾಸ್ಕೊ, ಡಿ. 25: ಪಶ್ಚಿಮ ಮಾಸ್ಕೊದಲ್ಲಿ ಸೋಮವಾರ ಪಾದಚಾರಿ ಅಂಡರ್‌ಪಾಸ್‌ನೊಳಗೆ ಬಸ್ಸೊಂದು ನುಗ್ಗಿದ್ದು, ಐವರು ಮೃತಪಟ್ಟಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ.

ತಾಂತ್ರಿಕ ಸಮಸ್ಯೆ ಸೇರಿದಂತೆ ಈ ಘಟನೆಯ ಸಂಭಾವ್ಯ ಕಾರಣಗಳ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದರು.

 ‘‘ಬಸ್ ಚಾಲಕ ಬಸ್ಸನ್ನು ಚಲಾಯಿಸಲು ಆರಂಭಿಸುತ್ತಿದ್ದಂತೆಯೇ ಅದು ತನ್ನ ದಿಕ್ಕನ್ನು ಬದಲಿಸಿತು ಹಾಗೂ ಪಾದಚಾರಿ ಅಂಡರ್‌ಪಾಸ್‌ಗೆ ನುಗ್ಗಿತು’’ ಎಂದು ಪೊಲೀಸರ ಹೇಳಿಕೆಯೊಂದು ತಿಳಿಸಿದೆ.

ಚಾಲಕನನ್ನು ಬಂಧಿಸಿ ತನಿಖೆ ನಡೆಸಲಾಗುತ್ತಿದೆ.