ಫೆಲೆಸ್ತೀನ್ ಪ್ರಧಾನಿಯ ಬೆಂಗಾವಲು ವಾಹನಗಳ ಮೇಲೆ ಬಾಂಬ್ ದಾಳಿ

ಗಾಝಾ ಪಟ್ಟಣ (ಫೆಲೆಸ್ತೀನ್), ಮಾ. 13: ಮಂಗಳವಾರ ಗಾಝಾ ಪಟ್ಟಿಯ ಭೇಟಿಗೆ ಬಂದ ಫೆಲೆಸ್ತೀನ್ ಪ್ರಧಾನಿ ರಮಿ ಹಮ್‌ದಲ್ಲಾರ ವಾಹನಗಳ ಸಾಲನ್ನು ಗುರಿಯಾಗಿಸಿ ಬಾಂಬ್ ದಾಳಿ ನಡೆಸಲಾಗಿದೆ.

ದಾಳಿಯಲ್ಲಿ ಫೆಲೆಸ್ತೀನ್ ಪ್ರಧಾನಿಗೆ ಗಾಯವಾಗಿಲ್ಲ. ಆದರೆ, ಇತರ ಏಳು ಮಂದಿ ಅಲ್ಪಸ್ವಲ್ಪ ಗಾಯಗಳೊಂದಿಗೆ ಪಾರಾಗಿದ್ದಾರೆ.

ಫೆಲೆಸ್ತೀನ್ ಪ್ರಧಾನಿಯ ವಾಹನಗಳ ಸಾಲು ಗಾಝಾ ಪಟ್ಟಿಯನ್ನು ಪ್ರವೇಶಿಸುತ್ತಿರುವಂತೆಯೇ ಸ್ಫೋಟ ಸಂಭವಿಸಿದೆ ಎಂದು ಭದ್ರತಾ ಮೂಲವೊಂದು ತಿಳಿಸಿದೆ.

ಗಾಝಾ ಪಟ್ಟಿಯ ಆಡಳಿತವು ಹಮಾಸ್ ನಿಯಂತ್ರಣದಲ್ಲಿದೆ.