ಕೇರಳ ಸಿಪಿಎಂ ಶಾಸಕನ ವಿರುದ್ಧ ಲೈಂಗಿಕ ಕಿರುಕುಳ ಆರೋಪ

ಪಾಲಕ್ಕಾಡ್, ಸೆ.4: ಶೋರ್ನೂರ್ ಸಿಪಿಎಂ ಶಾಸಕ ಪಿ.ಕೆ. ಶಶಿ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಕೇಳಿಬಂದಿದ್ದು, ಯಾವ ತನಿಖೆಗೂ ತಾನು ಸಿದ್ಧ ಎಂದು ಶಶಿ ಹೇಳಿದ್ದಾರೆ.

ಮಾಧ್ಯಮಗಳ ಮೂಲಕ ತನ್ನ ವಿರುದ್ಧ ದೂರುಗಳಿರುವ ಬಗ್ಗೆ ತಿಳಿಯಿತು. ಸಿಪಿಎಂ ತನಿಖೆ ನಡೆಸಲಿ. ಈ ಪ್ರಕರಣದಲ್ಲಿ ಪಕ್ಷವು ತನಿಖೆ ನಡೆಸಲಿದೆ ಎಂದು ಶಾಶಕ ಶಶಿ ಹೇಳಿದ್ದಾರೆ.

ರಾಜಕೀಯ ಸಂಚು ಇದು. ತನ್ನ ರಾಜಕೀಯ ಜೀವನದಲ್ಲಿ ಇಂತಹ ಆರೋಪವನ್ನು ಇದೇ ಮೊದಲ ಸಲ ಕೇಳುತ್ತಿದ್ದೇನೆ. ರಾಜಕೀಯ ಜೀವನವನ್ನು ನಾಶಪಡಿಸಲು ಯತ್ನಿಸುತ್ತಿರುವವರು ಈ ಸಂಚಿನ ಹಿಂದೆಯಿದ್ದಾರೆ ಎಂದು ಅವರು ಹೇಳಿದ್ದಾರೆ.

ಶಾಸಕರ ವಿರುದ್ಧ ಡಿವೈಎಫ್‍ಐ ಮಹಿಳಾ ನಾಯಕಿಯೊಬ್ಬರು ದೂರು ನೀಡಿದ್ದಾರೆ. ಮಣ್ಣಾರ್‍ಕ್ಕಾಡ್ ಪಾರ್ಟಿ ಕಚೇರಿಯಲ್ಲಿ ಶಾಸಕ ಶಶಿ ತನಗೆ ಕಿರುಕುಳ ನೀಡಲು ಯತ್ನಿಸಿದ್ದಾರೆ ಎಂದು ಪಾಲಿಟ್‍ ಬ್ಯೂರೋ ಸದಸ್ಯೆ ಬೃಂದಾ ಕಾರಟ್‍ ರಿಗೆ ದೂರು ನೀಡಲಾಗಿದೆ.