ಗಿರ್ ಅರಣ್ಯದಲ್ಲಿ 11 ಸಿಂಹಗಳ ಸಾವು

ಅಹ್ಮದಾಬಾದ್: ಸೆ.21: ಗುಜರಾತ್ ಗಿರ್ ಅರಣ್ಯ ಪ್ರದೇಶದಲ್ಲಿ  ಸಂಭವಿಸಿದ  ಕಾದಾಟದಲ್ಲಿ 11 ಸಿಂಹಗಳು ಸಾವನ್ನಪ್ಪಿವೆ ಎಂದು  ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.
ಘಟನೆಯ ಬಗ್ಗೆ  ಸರಕಾರ ತನಿಖೆಗೆ ಆದೇಶ ನೀಡಿದೆ. ಕೆಲವು ದಿನಗಳ ಹಿಂದೆ  ಗಿರ್ ಅರಣ್ಯ ಪ್ರದೇಶದ ದಾಲ್ಕನಿಯಾ ರೇಂಜ್ ನಲ್ಲಿ 7 ಸಿಂಹಗಳ ಶವ ಪತ್ತೆಯಾಗಿತ್ತು. ಬುಧವಾರ ರಾಜುಲಾದಲ್ಲಿ  1 ಸಿಂಹದ ಕಳೇಬರ  ಕಂಡು ಬಂದಿತ್ತು ಅದೇ ದಿನ ದಾಲ್ಕನಿಯಾದಲ್ಲಿ  ಮತ್ತೆ 3 ಸಿಂಹಗಳು ಮೃತಪಟ್ಟಿರುವುದು ಬೆಳಕಿಗೆ ಬಂದಿದೆ.  ಇದರೊಂದಿಗೆ  ಸಿಂಹಗಳ ಸಾವಿನ ಸಂಖ್ಯೆ 11ಕ್ಕೆ ಏರಿಕೆಯಾಗಿದೆ ಎಂದು  ಮೂಲಗಳು ತಿಳಿಸಿವೆ.

 ಸಿಂಹಗಳ ಕಳೇಬರವನ್ನು  ಜುನಾಘಡ್ ನಲ್ಲಿರುವ ಪಶು ವೈದ್ಯಕೀಯ ಆಸ್ಪತ್ರೆಗೆ ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಸಿಂಹಗಳು  ಕಾದಾಟದಿಂದ ಸಾವಿಗೀಡಾಗಿದೆ  ಎಂದು ಹೇಳಲಾಗುತ್ತಿದ್ದರೂ  ತನಿಖೆ ಮುಂದುವರಿದಿದೆ.