ವಿಶ್ವಸಂಸ್ಥೆಯಲ್ಲಿ ಸ್ಥಗಿತಗೊಂಡ ಎಸ್ಕಲೇಟರ್‌ಗಳು, ಹೀಟರ್‌ಗಳು

ವಿಶ್ವಸಂಸ್ಥೆ, ಅ. 12: ವಿಶ್ವಸಂಸ್ಥೆ ಎದುರಿಸುತ್ತಿರುವ ಆರ್ಥಿಕ ಬಿಕ್ಕಟ್ಟಿನ ಪರಿಣಾಮಗಳು ಶುಕ್ರವಾರ ಎಲ್ಲರಿಗೂ ಕಾಣುವಂತೆ ಗೋಚರಿಸಿವೆ. ಎಸ್ಕಲೇಟರ್ (ಲಿಫ್ಟ್)ಗಳು ನಿಂತಿವೆ, ಉಷ್ಣತೆಯನ್ನು ಕಾಯ್ದುಕೊಳ್ಳುವ ಸಲಕರಣೆಗಳ (ಹೀಟರ್)ನ್ನು ಬಂದ್ ಮಾಡಲಾಗಿದೆ ಹಾಗೂ ರಾಜತಾಂತ್ರಿಕರ ಬಾರನ್ನು ಸಂಜೆ 5 ಗಂಟೆಗೇ ಮುಚ್ಚಲಾಗಿದೆ.

‘‘ನಮಗೆ ಬೇರೆ ಆಯ್ಕೆಯೇ ಇಲ್ಲ’’ ಎಂದು ವಿಶ್ವಸಂಸ್ಥೆಯ ನಿರ್ವಹಣಾ ಇಲಾಖೆಯ ಹಿರಿಯ ಅಧಿಕಾರಿ ಕ್ಯಾಥರೀನ್ ಪೊಲಾರ್ಡ್ ಹೇಳುತ್ತಾರೆ.

ನಮ್ಮ ಈಗಿನ ಪ್ರಮುಖ ಆದ್ಯತೆ ವಿಶ್ವಸಂಸ್ಥೆಯ 37,000 ಉದ್ಯೋಗಿಗಳಿಗೆ ಮುಂದಿನ ವೇತನ ಲಭಿಸುವಂತೆ ನೋಡಿಕೊಳ್ಳುವುದಾಗಿದೆ ಎಂದು ಅವರು ನುಡಿದರು.