ದಿಲ್ಲಿ ಗ್ಯಾಸ್ ಚೇಂಬರ್ ಆಗಿರುವಾಗ ಮರಣ ದಂಡನೆ ಯಾಕೆ ?: ನಿರ್ಭಯಾ ಅತ್ಯಾಚಾರ ಪ್ರಕರಣದ ದೋಷಿ

ಹೊಸದಿಲ್ಲಿ, ಡಿ. 10: ದಿಲ್ಲಿ ಗ್ಯಾಸ್ ಚೇಂಬರ್ ಆಗಿದೆ, ಜೀವಿತಾವಧಿ ಇಳಿಕೆಯಾಗುತ್ತಿದೆ. ಆದುದರಿಂದ ಮರಣ ದಂಡನೆ ಯಾಕೆ? ಎಂದು ನಿರ್ಭಯಾ ಅತ್ಯಾಚಾರ ಹಾಗೂ ಹತ್ಯೆ ಪ್ರಕರಣದ ದೋಷಿ ಅಕ್ಷಯ್ ಕುಮಾರ್ ಸಿಂಗ್ ಪ್ರಶ್ನಿಸಿದ್ದಾನೆ.

 ಪ್ರಕರಣದ ಎಲ್ಲ ನಾಲ್ವರು ಆರೋಪಿಗಳಿಗೆ ಮರಣ ದಂಡನೆ ವಿಧಿಸಿ 2017ರಲ್ಲಿ ನೀಡಿರುವ ತೀರ್ಪನ್ನು ಮರು ಪರಿಶೀಲಿಸುವಂತೆ ಕೋರಿ ಅಕ್ಷಯ್ ಕುಮಾರ್ ಸುಪ್ರೀಂ ಕೋರ್ಟ್‌ಗೆ ಮನವಿ ಸಲ್ಲಿಸಿದ್ದಾನೆ.

‘‘ದಿಲ್ಲಿ-ಎನ್‌ಸಿಆರ್‌ನಲ್ಲಿ ನೀರು ಹಾಗೂ ಗಾಳಿಗೆ ಸಂಬಂಧಿಸಿ ಏನಾಗುತ್ತಿದೆ ಎಂಬುದು ಪ್ರತಿಯೊಬ್ಬರಿಗೂ ಗೊತ್ತಿದೆ. ಜೀವಿತಾವಧಿ ಇಳಿಕೆಯಾಗುತ್ತಿದೆ. ಹಾಗಾದರೆ, ಮರಣ ದಂಡನೆ ಯಾಕೆ ?’’ ಎಂದು ನ್ಯಾಯವಾದಿ ಎ.ಪಿ. ಸಿಂಗ್ ಮೂಲಕ ಸಲ್ಲಿಸಿದ ಮರು ಪರಿಶೀಲನಾ ಅರ್ಜಿಯಲ್ಲಿ ಅಕ್ಷಯ್ ಕುಮಾರ್ ಸಿಂಗ್ ಪ್ರಶ್ನಿಸಿದ್ದಾನೆ.