ಇರಾನ್: ಕೊರೋನವೈರಸ್ಗೆ ಬಲಿಯಾದವರ ಸಂಖ್ಯೆ 145ಕ್ಕೆ
Update: 2020-03-07 23:06 IST
ಟೆಹರಾನ್ (ಇರಾನ್), ಮಾ. 7: ಕಳೆದ 24 ಗಂಟೆಗಳ ಅವಧಿಯಲ್ಲಿ ಕೊರೋನವೈರಸ್ನಿಂದಾಗಿ 21 ಹೊಸ ಸಾವುಗಳು ಮತ್ತು 1,234 ಹೊಸ ಸೋಂಕುಗಳು ಸಂಭವಿಸಿವೆ ಎಂದು ಇರಾನ್ ಶನಿವಾರ ವರದಿ ಮಾಡಿದೆ.
ಇದರೊಂದಿಗೆ ದೇಶದಲ್ಲಿ ಮಾರಕ ಕಾಯಿಲೆಯಿಂದಾಗಿ ಸಾವಿಗೀಡಾದವರ ಒಟ್ಟು ಸಂಖ್ಯೆ 145ಕ್ಕೆ ಹಾಗೂ ಸೋಂಕಿಗೊಳಗಾದವರ ಒಟ್ಟು ಸಂಖ್ಯೆ 5,823ಕ್ಕೆ ಏರಿದೆ.
‘‘16,000ಕ್ಕೂ ಅಧಿಕ ಜನರು ಕೊರೋನವೈರಸ್ಗೆ ಒಳಗಾಗಿರುವ ಶಂಕೆಯಲ್ಲಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ’’ ಎಂದು ಆರೋಗ್ಯ ಸಚಿವಾಲಯದ ವಕ್ತಾರರೊಬ್ಬರು ತಿಳಿಸಿದ್ದಾರೆ.
ಸೋಂಕಿಗೊಳಗಾಗಿರುವರ ಪೈಕಿ 1,669 ಮಂದಿ ಚೇತರಿಸಿಕೊಂಡಿದ್ದಾರೆ ಎಂದರು.
ಮಾರಕ ವೈರಸ್ನ ಹರಡುವಿಕೆಯನ್ನು ನಿಯಂತ್ರಿಸುವುದಕ್ಕಾಗಿ ಇರಾನ್ನಲ್ಲಿ ಎಪ್ರಿಲ್ವರೆಗೆ ಎಲ್ಲ ಶಾಲೆಗಳು ಮತ್ತು ಕಾಲೇಜುಗಳನ್ನು ಮುಚ್ಚಲಾಗಿದೆ.
ಇರಾನ್ನ ಎರಡನೇ ಸಂಸದೆ ಸಾವು
ಇರಾನ್ನ ಸಂಸದರೊಬ್ಬರು ಶನಿವಾರ ನೂತನ-ಕೊರೋನವೈರಸ್ಗೆ ಬಲಿಯಾಗಿದ್ದಾರೆ ಎಂದು ಸರಕಾರಿ ಸುದ್ದಿ ಸಂಸ್ಥೆ ‘ಇರ್ನ’ ವರದಿ ಮಾಡಿದೆ. ಮೃತಪಟ್ಟವರು 55 ವರ್ಷದ ಫಾತಿಮಾ ರಹ್ಬರ್. ಇತ್ತೀಚೆಗೆ ನಡೆದ ಚುನಾವಣೆಯಲ್ಲಿ ಅವರು ಟೆಹರಾನ್ನಿಂದ ಸಂಸತ್ತಿಗೆ ಆಯ್ಕೆಯಾಗಿದ್ದರು.
ಅವರು ಇರಾನ್ನಲ್ಲಿ ಕೊರೋನವೈರಸ್ಗೆ ಬಲಿಯಾದ ಎರಡನೇ ಸಂಸದರಾಗಿದ್ದಾರೆ.