ಬೈಡನ್ ಜಯವನ್ನು ಪ್ರಥಮ ಬಾರಿಗೆ ಒಪ್ಪಿಕೊಂಡ ಟ್ರಂಪ್ ಹೇಳಿದ್ದೇನು?

ವಾಷಿಂಗ್ಟನ್: ಡೆಮಾಕ್ರಾಟ್ ಜೋ ಬೈಡನ್ ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಜಯ ಗಳಿಸಿರುವುದನ್ನು ರವಿವಾರ ಪ್ರಪ್ರಥಮವಾಗಿ ಟ್ರಂಪ್ ಒಪ್ಪಿಕೊಂಡಿದ್ದಾರೆ. ಆದರೆ ಚುನಾವಣೆಯಲ್ಲಿ ಅಕ್ರಮ ನಡೆದಿದೆ ಎಂದು ಅವರು ಇದೇ ಸಂದರ್ಭ ಹೇಳಿದ್ದಾರೆ.

ತಮ್ಮ ಟ್ವೀಟ್ ಒಂದರಲ್ಲಿ ಆಧಾರರಹಿತವಾಗಿ ‘ಚುನಾವಣೆಯಲ್ಲಿ ಅಕ್ರಮ ನಡೆದಿದೆ’ ಎಂದಿರುವ ಟ್ರಂಪ್, “ನಕಲಿ ಸುಳ್ಳುಗಳ ಮಾಧ್ಯಮದ ಕಣ್ಣಲ್ಲಿ ಮಾತ್ರ ಅವರು ಜಯ ಗಳಿಸಿದ್ದಾರೆ. ನಾನು ಏನನ್ನೂ ಒಪ್ಪಿಕೊಳ್ಳುವುದಿಲ್ಲ. ನಾವಿನ್ನೂ ತಲುಪಬೇಕಾದ ದಾರಿ ಇನ್ನೂ ದೂರ ಇದೆ. ಇದು ಅಕ್ರಮ ಚುನಾವಣೆ” ಎಂದಿದ್ದಾರೆ.

ಈ ಟ್ವೀಟ್ ನಿಂದಾಗಿ ಟ್ರಂಪ್ ಅವರು ಬಹಿರಂಗವಾಗಿ ಪ್ರಥಮ ಬಾರಿಗೆ ಬೈಡೆನ್ ಜಯ ಗಳಿಸಿರುವುದನ್ನು ಒಪ್ಪಿದಂತಾಗಿದೆ ಎಂದು ರಾಜಕೀಯ ವಿಶ್ಲೇಷಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

He only won in the eyes of the FAKE NEWS MEDIA. I concede NOTHING! We have a long way to go. This was a RIGGED ELECTION!

— Donald J. Trump (@realDonaldTrump) November 15, 2020