ಬೋಟು ಮುಳುಗಿ ಐವರು ಪ್ರವಾಸಿಗರು ಮೃತ್ಯು

ಅಹ್ಮದಾಬಾದ್: ಗುಜರಾತ್ ನ ನವಸಾರಿ ಜಿಲ್ಲೆಯ ಸರೋವರವೊಂದರಲ್ಲಿ ದೋಣಿ ಅಪಘಾತಕ್ಕೀಡಾದ ನಂತರ ಮೂವರು ಮಕ್ಕಳು ಹಾಗೂ ಇಬ್ಬರು ವಯಸ್ಕರು ಮೃತಪಟ್ಟಿದ್ದಾರೆ.  ಹೆಚ್ಚಿನ ಪ್ರವಾಸಿಗರು ಬೋಟ್ ನಲ್ಲಿ ಪ್ರಯಾಣಿಸಲು ಯತ್ನಿಸಿದಾಗ ಈ ಘಟನೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ನವಸರಿಯ ಚಿಖ್ಲಿ ತಾಲೂಕಿನ ಪ್ರವಾಸಿ ತಾಣವಾದ ಸೋಲ್ದರಾ ಇಕೋ ಪಾಯಿಂಟ್ ನಲ್ಲಿರುವ ಸರೋವರದಲ್ಲಿ ಈ ಘಟನೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ರವಿವಾರ ಸಂಜೆ ಹೆಚ್ಚಿನ ಸಂಖ್ಯೆಯಲ್ಲಿದ್ದ ಪ್ರವಾಸಿಗರು ದೋಣಿಯಲ್ಲಿದ್ದವರು ದಡ ಸೇರುವ ಮೊದಲೇ ದೋಣಿ ಏರಲು ಯತ್ನಿಸಿದಾಗ ದೋಣಿ ಮುಳುಗಿತು. ಇದರ  ಪರಿಣಾಮ 15 ಮಂದಿ ಗಾಯಗೊಂಡಿದ್ದಾರೆ ಎಂದು ಚಿಖ್ಲಿ ಪೊಲೀಸ್ ಠಾಣೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.