ಮೊದಲ ಟೆಸ್ಟ್: ಭಾರತದ ಗೆಲುವಿಗೆ 420 ರನ್ ಗುರಿ ನೀಡಿದ ಇಂಗ್ಲೆಂಡ್
Update: 2021-02-08 10:54 GMT
ಚೆನ್ನೈ: ಇಂಗ್ಲೆಂಡ್ ತಂಡ ಇಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತದ ಗೆಲುವಿಗೆ 420 ರನ್ ಕಠಿಣ ಗುರಿ ನೀಡಿದೆ.
ನಾಲ್ಕನೇ ದಿನವಾದ ಸೋಮವಾರ ಭಾರತವನ್ನು ಮೊದಲ ಇನಿಂಗ್ಸ್ ನಲ್ಲಿ 337 ರನ್ ಗೆ ನಿಯಂತ್ರಿಸಿದ ಇಂಗ್ಲೆಂಡ್ 241 ರನ್ ಇನಿಂಗ್ಸ್ ಮುನ್ನಡೆ ಪಡೆಯಿತು. ಬಳಿಕ ಎರಡನೇ ಇನಿಂಗ್ಸ್ ಆರಂಭಿಸಿದ ಇಂಗ್ಲೆಂಡ್ ತಂಡ ಸ್ಪಿನ್ನರ್ ಆರ್.ಅಶ್ವಿನ್(6-61)ಸ್ಪಿನ್ ಮೋಡಿಗೆ ಸಿಲುಕಿ 46.3 ಓವರ್ ಗಳಲ್ಲಿ ಕೇವಲ 178 ರನ್ ಗಳಿಸಿ ಆಲೌಟಾಯಿತು. ಮೊದಲ ಇನಿಂಗ್ಸ್ ನಲ್ಲಿ ಭರ್ಜರಿ ಮುನ್ನಡೆ ಪಡೆದಿದ್ದ ಕಾರಣ ಭಾರತದ ಗೆಲುವಿಗೆ 420 ರನ್ ನಿಗದಿಪಡಿಸಿತು.
ಎರಡನೇ ಇನಿಂಗ್ಸ್ ನಲ್ಲಿ ಇಂಗ್ಲೆಂಡ್ ನ ಪರವಾಗಿ ನಾಯಕ ಜೋ ರೂಟ್ ಗರಿಷ್ಠ ವೈಯಕ್ತಿಕ ಸ್ಕೋರ್ (40)ಗಳಿಸಿದರು.