ಇಳಿಯುವ ಏಳು ನಿಮಿಷಗಳ ಮೊದಲು ಜನರಲ್ ಬಿಪಿನ್ ರಾವತ್ ಹೆಲಿಕಾಪ್ಟರ್ ಪತನ: ರಾಜನಾಥ್ ಸಿಂಗ್

ಹೊಸದಿಲ್ಲಿ: ರಕ್ಷಣಾ ಪಡೆಗಳ ಮುಖ್ಯಸ್ಥರಾದ  ಜನರಲ್ ಬಿಪಿನ್ ರಾವತ್, ಅವರ ಪತ್ನಿ ಹಾಗೂ  ಇತರ 11 ಜನರನ್ನು ಹೊತ್ತ ಹೆಲಿಕಾಪ್ಟರ್ ನಿನ್ನೆ ಟೇಕ್ ಆಫ್ ಆದ 20 ನಿಮಿಷಗಳ ನಂತರ ಅದು ಇಳಿಯಲು ಕೇವಲ ಏಳು ನಿಮಿಷಗಳ ಮೊದಲು ನೀಲಗಿರಿಗೆ ಅಪ್ಪಳಿಸಿತು.  ವಾಯುಪಡೆಯ Mi-17V-5 ಹೆಲಿಕಾಪ್ಟರ್ ಸೂಲೂರು ವಾಯುನೆಲೆಯಿಂದ ಬೆಳಿಗ್ಗೆ 11:48 ಕ್ಕೆ ಟೇಕ್ ಆಫ್ ಆಗಿದ್ದು, ವೆಲ್ಲಿಂಗ್ಟನ್‌ನಲ್ಲಿ ಮಧ್ಯಾಹ್ನ 12:15 ಕ್ಕೆ ಇಳಿಯುವ ನಿರೀಕ್ಷೆಯಿತ್ತು. ಹೆಲಿಕಾಪ್ಟರ್‌ನೊಂದಿಗೆ ಕೊನೆಯ ರೇಡಿಯೋ ಸಂಪರ್ಕವು ಮಧ್ಯಾಹ್ನ 12:08 ಕ್ಕೆ ನಡೆದಿತ್ತು  ಎಂದು ಕೇಂದ್ರ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಇಂದು ಸಂಸತ್ತಿಗೆ ತಿಳಿಸಿದರು.

ಜನರಲ್ ರಾವತ್ ಅವರು ವಿದ್ಯಾರ್ಥಿ ಅಧಿಕಾರಿಗಳೊಂದಿಗೆ ಸಂವಾದ ನಡೆಸಲು ರಕ್ಷಣಾ ಸೇವೆಗಳ ಸಿಬ್ಬಂದಿ ಕಾಲೇಜಿಗೆ ಭೇಟಿ ನೀಡಬೇಕಿತ್ತು.

ಸೂಲೂರು ವಾಯುನೆಲೆಯಲ್ಲಿನ ಏರ್ ಟ್ರಾಫಿಕ್ ಕಂಟ್ರೋಲ್ ಸುಮಾರು ಮಧ್ಯಾಹ್ನ 12:08 ಕ್ಕೆ ಹೆಲಿಕಾಪ್ಟರ್ ಸಂಪರ್ಕ ಕಳೆದುಕೊಂಡಿತು.