ಬರಲಿದೆ ರವೀಶ್ ಕುಮಾರ್ ವೃತ್ತಿ ಜೀವನ ಆಧರಿತ ಸಿನಿಮಾ !
Update: 2022-09-06 10:04 GMT
ಹೊಸದಿಲ್ಲಿ: ಖ್ಯಾತ ಪತ್ರಕರ್ತ ರವೀಶ್ ಕುಮಾರ್ (Ravish Kumar) ಅವರ ವೃತ್ತಿಜೀವನ ಆಧರಿತ ಸಿನಿಮಾ ಶೀಘ್ರದಲ್ಲಿಯೇ ತೆರೆಗೆ ಬರಲಿದೆ. ಈ ಚಿತ್ರವು ಇದೇ ರವಿವಾರದ ಟೊರೊಂಟೊ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳಲಿದೆ.
ಈ ಬಗ್ಗೆ ಪತ್ರಕರ್ತ ರವೀಶ್ ಕುಮಾರ್ ಫೇಸ್ ಬುಕ್ ಪೋಸ್ಟ್ ಮಾಡಿ, "ಈ ಚಿತ್ರದ ಕಥೆ ನಿಮ್ಮೆಲ್ಲ ವೀಕ್ಷಕರದ್ದು. ಇದು ನಿಮ್ಮ ಚಿತ್ರ. ಅದು ನಿಮ್ಮ ಪ್ರೀತಿಯನ್ನು ಕಂಡುಕೊಳ್ಳುತ್ತದೆ ಎಂದು ಭಾವಿಸುತ್ತೇವೆ. ನಿನ್ನೆ ರಾತ್ರಿ ಪೋಸ್ಟರ್ ಬಿಡುಗಡೆಯಾದಾಗ ಇಲ್ಲಿಯೂ ಹಂಚಿಕೊಳ್ಳಬೇಕಿತ್ತು. ಬೇಕಿದ್ದರೆ ನಿಮ್ಮ ಗ್ರಾಮದಲ್ಲಿ ಅದರ ಪೋಸ್ಟರ್ ಹಾಕಬಹುದು. ಬಸ್ಸುಗಳು ಹಾಗೂ ಆಟೋಗಳ ಹಿಂದೆ ಪೋಸ್ಟರ್ ಗಳನ್ನು ಹಾಕುವ ಸಾಮರ್ಥ್ಯವನ್ನು ತಯಾರಕರು ವಿರಳವಾಗಿ ಹೊಂದಿರುತ್ತಾರೆ. ಆದ್ದರಿಂದ ನೀವು ಅವರ ಈ ಕೊರತೆಯನ್ನು ತುಂಬುತ್ತೀರಿ. ಅದನ್ನು ಹಂಚಿಕೊಳ್ಳುತ್ತಲೇ ಇರಿ" ಎಂದು ಹೇಳಿದ್ದಾರೆ.
"ನಾವು ಈ ಪೋಸ್ಟರ್ ಗಳನ್ನು ಬಸ್ ಗಳಲ್ಲಿ ಹಾಕಿದರೆ ಒಳ್ಳೆಯದು. ಭಾರತದಲ್ಲಿ ಯಾವಾಗ ಹಾಗೂ ಹೇಗೆ ಕಾಣಿಸುತ್ತದೆ ಎಂಬ ಈ ಪ್ರಶ್ನೆಗೆ ವಿನಯ್ ಬಳಿ ಉತ್ತರವಿದೆ. ಈ ಚಿತ್ರವು ಇನ್ಸ್ಟಾ ಪುಟವನ್ನು ಹೊಂದಿದೆ. ಅದೇ ರೀತಿ ಚಿತ್ರದ ಬಗ್ಗೆ ನನಗೆ ಮಾಹಿತಿ ಸಿಗುತ್ತದೆ ಹಾಗಾಗಿ ನೀವೂ ಫಾಲೋ ಮಾಡಿ. insta ಪುಟಕ್ಕೆ ಲಿಂಕ್ ಮಾಡಿ" ಎಂದು ರವೀಶ್ ಕುಮಾರ್ ಫೇಸ್ ಬುಕ್ ಪೇಜ್ ನಲ್ಲಿ ಬರೆದಿದ್ದಾರೆ.