ಮಹಾರಾಷ್ಟ್ರದ ಪಾಲ್ಗಾರ್ನಲ್ಲಿ 3.6 ತೀವ್ರತೆಯ ಲಘು ಕಂಪನ
Update: 2022-11-24 17:25 GMT
ಪಾಲ್ಘಾರ್, ನ. 24: ಮಹಾರಾಷ್ಟ್ರದ ಪಾಲ್ಘಾರ್ (Palghar)ಜಿಲ್ಲೆಯಲ್ಲಿ 3.6 ತೀವ್ರತೆಯ ಲಘು ಕಂಪನ ಸಂಭವಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಲಘು ಕಂಪನ ಬುಧವಾರ ಮುಂಜಾನೆ 4.04 ಗಂಟೆಗೆ ಸಂಭವಿಸಿತು. ಲಘು ಕಂಪನ ದಹಾನುನಿಂದ 24 ಕಿ.ಮೀ. ದೂರದಲ್ಲಿ 5 ಕಿ.ಮೀ. ಆಳದಲ್ಲಿ ಕೇಂದ್ರವನ್ನು ಹೊಂದಿತ್ತು ಎಂದು ಜಿಲ್ಲಾ ವಿಪತ್ತು ನಿಯಂತ್ರಣ ಕೊಠಡಿಯ ಅಧಿಕಾರಿಗಳು ತಿಳಿಸಿದ್ದಾರೆ. ಈ ಲಘು ಕಂಪನದಿಂದ ಯಾವುದೇ ಜೀವ ಹಾನಿ ಅಥವಾ ಗಾಯಗಳಾದ ಬಗ್ಗೆ ವರದಿಯಾಗಿಲ್ಲ ಎಂದು ಅವರು ತಿಳಿಸಿದ್ದಾರೆ.
2018 ನವೆಂಬರ್ನಿಂದ ಪಾಲ್ಘಾರ್ನ ದಹಾನು ತಾಲೂಕಿನಲ್ಲಿ ಹಲವು ಕಂಪನಗಳು ಸಂಭವಿಸಿವೆ. ಹೆಚ್ಚಿನ ಕಂಪನಗಳು ದುಂಡಲ್ವಾಡಿ ಗ್ರಾಮದ ಸುತ್ತಮುತ್ತ ಕೇಂದ್ರವನ್ನು ಹೊಂದಿದ್ದವು ಎಂದು ಅವರು ಹೇಳಿದ್ದಾರೆ.