ಮಂಗಳೂರು: ಸ್ಕೇಟಿಂಗ್ ನಲ್ಲಿ ಮುಹಮ್ಮದ್ ಅಯಾನ್ ರಾಷ್ಟ್ರ ಮಟ್ಟಕ್ಕೆ ಆಯ್ಕೆ

ಮಂಗಳೂರು:   ರಾಷ್ಟ್ರಮಟ್ಟದ ಸ್ಕೇಟಿಂಗ್ ಚಾಂಪಿಯನ್ ಶಿಪ್ ಗೆ ಮಂಗಳೂರಿನ ಮುಹಮ್ಮದ್ ಅಯಾನ್ ಆಯ್ಕೆಯಾಗಿದ್ದಾನೆ.

ಕರ್ನಾಟಕ ರೋಲರ್ ಸ್ಕೇಟಿಂಗ್ ಅಸೋಸಿಯೇಶನ್ ವತಿಯಿಂದ ಮಂಗಳೂರಿನ ಸ್ಕೇಟ್ ಸಿಟಿ ಸ್ಕೇಟಿಂಗ್ ರಿಂಕ್ ನಲ್ಲಿ ನಡೆದ  ರಾಜ್ಯಮಟ್ಟದ ಸ್ಕೇಟಿಂಗ್ ಚಾಂಪಿಯನ್ ಶಿಪ್ ನಲ್ಲಿ 7 ರಿಂದ 9 ವರ್ಷದೊಳಗಿನ ಬಾಲಕರ ವಿಭಾಗದ ಸ್ಕೇಟಿಂಗ್ ನಲ್ಲಿ ಅಯಾನ್ ಒಂದು ಚಿನ್ನ, 2 ಕಂಚಿನ ಪದಕ ಪಡೆದುಕೊಂಡಿದ್ದಾನೆ.

ಚೆನ್ನೈನ ಸ್ಪಾಟಿಫೈ ಸ್ಕೇಟಿಂಗ್ ರಿಂಕ್ ನಲ್ಲಿ ಡಿ15ರಿಂದ 25ರವರೆಗೆ ನಡೆಯಲಿರುವ 61ನೇ ರಾಷ್ಟ್ರ ಮಟ್ಟದ ರೋಲರ್ ಸ್ಕೇಟಿಂಗ್ ಚಾಂಪಿಯನ್ಶಿಪ್ ನಲ್ಲಿ ಅಯಾನ್ ಕರ್ನಾಟಕವನ್ನು ಪ್ರತಿನಿಧಿಸಲಿದ್ದಾನೆ.

ಈತ ಮಂಗಳೂರು ರೋಲಿಂಗ್ ಸ್ಕೇಟಿಂಗ್ ಕ್ಲಬ್ ನಲ್ಲಿ ತರಬೇತುದಾರ ಮಹೇಶ್ ಕುಮಾರ್, ಶ್ರವಣ್ ಮಹೇಶ್ ಅವರಿಂದ ತರಬೇತಿ ಪಡೆಯುತ್ತಿದ್ದಾನೆ.