ಟಿ.ಎಸ್.ಸಾದಿಕ್ ಅಝ್ಮುದ್ದೀನ್ ನಿಧನ

ಉಡುಪಿ, ಅ.2: ತೋನ್ಸೆ ಗ್ರಾಮ ಪಂಚಾಯತ್ ಮಾಜಿ ಸದಸ್ಯ, ಹೂಡೆ ನಿವಾಸಿ ಟಿ.ಎಸ್.ಸಾದಿಕ್ ಅಝ್ಮುದ್ದೀನ್(65) ಇಂದು ಬೆಳಗ್ಗೆ ಹೃದಯಾಘಾತದಿಂದ ಸ್ವಗೃಹದಲ್ಲಿ ನಿಧನರಾದರು.

ತೋನ್ಸೆ ಹೂಡೆಯ ದಾರುಸ್ಸಲಾಂ ಎಜುಕೇಶನ್ ಸೊಸೈಟಿಯ ಮಾಜಿ ಅಧ್ಯಕ್ಷ, ಕದೀಂ ಜಾಮಿಯಾ ಮಸೀದಿಯ ಮಾಜಿ ಉಪಾಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ ಇವರು, ಸಮಾಜ ಸೇವೆ ಜೊತೆ ಸರ್ವಧರ್ಮೀಯರೊಡನೆ ಉತ್ತಮ ಬಾಂಧವ್ಯವನ್ನು ಬೆಳೆಸಿ ಕೋಮು ಸೌಹಾರ್ದಕ್ಕೆ ಸಾಕ್ಷಿಯಾಗಿದ್ದರು. ಮೃತರು ಪತ್ನಿ, ಇಬ್ಬರು ಪುತ್ರಿಯರು ಹಾಗೂ ಓರ್ವ ಪುತ್ರ ಮತ್ತು ಅಪಾರ ಬಂಧು ಮಿತ್ರರನ್ನು ಅಗಲಿದ್ದಾರೆ.