Dubai: 'ನ್ಯೂ ಸ್ಟಾರ್ ಮಂಗಳೂರು' ತಂಡದ ನೂತನ ಜೆರ್ಸಿ, ಮ್ಯಾಚ್ ಡೇ ಪೋಲೋ ಅನಾವರಣ

ದುಬೈ: ಕರಾವಳಿಯ ಪ್ರಮುಖ ಕ್ರೀಡಾ ತಂಡಗಳಲ್ಲಿ ಒಂದಾದ 'ನ್ಯೂ ಸ್ಟಾರ್ ಮಂಗಳೂರು' ಇದರ ನೂತನ ಜೆರ್ಸಿ ಹಾಗೂ ಮ್ಯಾಚ್ ಡೇ ಪೋಲೋ ಅನಾವರಣ ಕಾರ್ಯಕ್ರಮ ಸೆ. 27ರಂದು ದುಬೈನ ಝಬೀಲ್ ಪಾರ್ಕ್‌ನಲ್ಲಿ ಜರುಗಿತು.

ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿ ಶಂಸುದ್ದೀನ್ ಪಿಲಿಗುಡು ಹಾಗೂ ಗೌರವ ಅತಿಥಿಯಾಗಿ ಎಸ್.ಬಿ.ಮುನೀರ್ ಸುಂಕದಕಟ್ಟೆ ಭಾಗವಹಿಸಿದ್ದರು.

ಅನಾವರಣಗೊಂಡ ನೂತನ ಜೆರ್ಸಿಯು ತಂಡದ ಸಾಂಪ್ರದಾಯಿಕ ಕೆಂಪು ಮತ್ತು ನೀಲಿ ಬಣ್ಣಗಳಿಂದ ಕಂಗೊಳಿಸುತ್ತಿದ್ದು, ಆಕರ್ಷಕ ವಿನ್ಯಾಸದಿಂದ ಕೂಡಿದೆ. ಇದರ ಜೊತೆಗೆ ತಂಡದ ಮ್ಯಾಚ್ ಡೇ ಪೋಲೋವನ್ನೂ ಅನಾವರಣಗೊಳಿಸಲಾಯಿತು. ಇದು ಪಂದ್ಯ ದಿನಗಳು ಹಾಗೂ ಅಧಿಕೃತ ಕಾರ್ಯಕ್ರಮಗಳಲ್ಲಿ ತಂಡದ ಹೊಸ ಶೈಲಿಯನ್ನು ಪ್ರತಿಬಿಂಬಿಸಲಿದೆ.

ನ್ಯೂ ಸ್ಟಾರ್ ಮಂಗಳೂರು ತಂಡದ ಮಾಲಕ ರಯಾನ್ ಮೆಲ್ಚಿಯರ್ ಡಿಸೋಜರ ಅನುಪಸ್ಥಿತಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ತಂಡದ ಮ್ಯಾನೇಜರ್ ಶಾಫಿ ಕಲಂಜ ಮತ್ತು ಪ್ರವೀಣ್ ಅಲ್ಬುಕರ್ಕ್, ಕೋಚ್ ಸುಹೈಲ್ ಕಡಬ ಮತ್ತಿತರರು ಉಪಸ್ಥಿತರಿದ್ದರು.

ನ್ಯೂ ಸ್ಟಾರ್ ಮಂಗಳೂರು ತಂಡದ ಆಟಗಾರರು ಹಾಗೂ ಅಭಿಮಾನಿಗಳು ಸೇರಿದಂತೆ 60ಕ್ಕೂ ಹೆಚ್ಚು ಮಂದಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

ನ್ಯೂ ಸ್ಟಾರ್ ಮಂಗಳೂರಿನ ಹಿರಿಯ ಆಟಗಾರ ಸಿರಾಜ್ ಸ್ವಾಗತಿಸಿದರು.