ಸಯೀದಾ ರಝಾಕ್

ಮಂಗಳೂರು: ನಗರದ ಪ್ರಮುಖ ಉದ್ಯಮಿಗಳಾಗಿದ್ದ ಮರ್ಹೂಂ ಹಂಝ ಬಾವಾ ಅವರ ಪುತ್ರಿ ಹಾಗೂ ಮರ್ಹೂಂ ಎಂ.ಎಸ್. ಅಬ್ದುಲ್ ರಝಾಕ್ ಅವರ ಪತ್ನಿ ಸಯೀದಾ ರಝಾಕ್ (65) ಇಂದು ಬೆಳಗ್ಗೆ ನಗರದ ಖಾಸಗಿ ಆಸ್ಪತ್ರೆಯಲ್ಲಿ ಅಲ್ಪಕಾಲದ ಅಸೌಖ್ಯದಿಂದ ನಿಧನರಾದರು.

ನಗರದ ವಾಸ್‌ಲೇನ್ ನಿವಾಸಿಯಾಗಿದ್ದ ಅವರು ಇಬ್ಬರು ಪುತ್ರರು ಮತ್ತು ಅಪಾರ ಬಂಧುಬಳಗವನ್ನು ಅಗಲಿದ್ದಾರೆ.

ಮೃತರ ದಫನ ಕಾರ್ಯವು ಇಂದು ಸಂಜೆ ಬಂದರ್‌ನಲ್ಲಿರುವ ಕೇಂದ್ರ ಜುಮ್ಮಾ ಮಸೀದಿಯ ಬಳಿ ನಡೆಯಲಿದೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ‌.