ಇಂಡಿಯಾ ಓಪನ್: ರಾಜವತ್, ಪ್ರಣಯ್ 2ನೇ ಸುತ್ತಿಗೆ
Update: 2024-01-17 00:10 IST
ಹೊಸದಿಲ್ಲಿ: ಇಲ್ಲಿ ನಡೆಯುತ್ತಿರುವ ಇಂಡಿಯಾ ಓಪನ್ ಸೂಪರ್ 750 ಬ್ಯಾಡ್ಮಿಂಟನ್ ಪಂದ್ಯಾವಳಿಯ ಪುರುಷರ ಸಿಂಗಲ್ಸ್ ಮೊದಲ ಸುತ್ತಿನಲ್ಲಿ ಮಂಗಳವಾರ ಭಾರತದ ಪ್ರಿಯಾಂಶು ರಾಜವತ್ ತನ್ನದೇ ದೇಶದವರಾದ ಕಾಮನ್ವೆಲ್ತ್ ಗೇಮ್ಸ್ ಚಾಂಪಿಯನ್ ಲಕ್ಷ್ಯ ಸೇನ್ರನ್ನು 16-21, 21-16, 21-13 ಗೇಮ್ಗಳಿಂದ ಸೋಲಿಸಿದ್ದಾರೆ.
ವಿಶ್ವದ 30ನೇ ರ್ಯಾಂಕಿಂಗ್ನ ಆಟಗಾರ ರಾಜವತ್ ಮತ್ತು 19ನೇ ರ್ಯಾಂಕಿಂಗ್ನ ಸೇನ್ ನಡುವಿನ ಆಟ 75 ನಿಮಿಷಗಳ ಕಾಲ ಸಾಗಿತು. ಇದು ಸೇನ್ರ ಸತತ ಎರಡನೇ ಮೊದಲ ಸುತ್ತಿನ ಸೋಲಾಗಿದೆ.
ಇನ್ನೊಂದು ಮೊದಲ ಸುತ್ತಿನ ಪುರುಷರ ಸಿಂಗಲ್ಸ್ ಪಂದ್ಯದಲ್ಲಿ ಒಂಭತ್ತನೇ ರ್ಯಾಂಕಿಂಗ್ನ ಭಾರತದ ಎಚ್.ಎಸ್. ಪ್ರಣಯ್ ಚೈನೀಸ್ ತೈಪೆಯ ಚೌ ಟಿಯನ್ ಚೆನ್ರನ್ನು 21-6, 21-19 ಗೇಮ್ಗಳಿಂದ ಹಿಮ್ಮೆಟ್ಟಿಸಿದರು.
ಎರಡನೇ ಸುತ್ತಿನಲ್ಲಿ ಪ್ರಣಯ್, ರಾಜವತ್ರನ್ನು ಎದುರಿಸಲಿದ್ದಾರೆ.