ಜೂ.10ರಂದು ಪಿಂಚಣಿ ಅದಾಲತ್

ಉಡುಪಿ, ಜೂ.9: ಪಿಎಫ್ ಹಾಗೂ ಪೆನ್ಶನ್ ಅದಾಲತ್ ನಾಳೆ ಜೂ.10ರಂದು ಪೂರ್ವಾಹ್ನ 11:30ಕ್ಕೆ ಉಡುಪಿ ತುಳುನಾಡು ಟವರ್ಸ್‌ನಲ್ಲಿರುವ ಪ್ರಾದೇಶಿಕ ಪಿಎಫ್ ಕಮಿಷನರ್-11 ಕಚೇರಿಯಲ್ಲಿ ನಡೆಯಲಿದೆ.

ಈ ಸಂಬಂಧ ಯಾವುದೇ ದೂರುಗಳಿದ್ದಲ್ಲಿ ಉಡುಪಿ ಜಿಲ್ಲೆಯ ಇಪಿಎಫ್ ಪಿಂಚಣಿದಾರರು ಈ ಅದಾಲತ್‌ನಲ್ಲಿ ಭಾಗವಹಿಸಬಹುದು. ದೂರಿಗೆ ಸಂಬಂಧಿಸಿದಂತೆ ಎಲ್ಲಾ ಮೂಲ ದಾಖಲೆ ಪ್ರತಿಗಳನ್ನು ಅವರು ತರಬೇಕು. ಉಡುಪಿ, ಕುಂದಾಪುರ ಹಾಗೂ ಕಾರ್ಕಳ ತಾಲೂಕಿನ ಉದ್ಯೋಗಿಗಳು, ಉದ್ಯೋಗದಾತರು ಹಾಗೂ ಪಿಂಚಣಿ ದಾರರು ಇದರ ಪ್ರಯೋಜನ ಪಡೆಯ ಬಹುದು ಎಂದು ಪ್ರಾದೇಶಿಕ ಪಿಎಫ್ ಆಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.