ಗಾಂಜಾ ಮಾರಾಟ ಯತ್ನ: ಇಬ್ಬರ ಬಂಧನ

ಮಣಿಪಾಲ, ಜು.18: ಗಾಂಜಾ ಮಾರಾಟಕ್ಕೆ ಯತ್ನಿಸುತ್ತಿದ್ದ ಇಬ್ಬರನ್ನು ಮಣಿಪಾಲ ಪೊಲೀಸರು ಶೀಂಬ್ರಾ ಬ್ರಿಡ್ಜ್ ಬಳಿ ಜು.17ರಂದು ಬಂಧಿಸಿದ್ದಾರೆ.

ಮಲ್ಲಾರು ಕೋಟೆ ರಸ್ತೆಯ ಮುಝಾಮಿಲ್ (27) ಹಾಗೂ ಪಕೀರನಕಟ್ಟೆಯ ಮಹಮ್ಮದ್ ಫಾಝಿಲ್(19) ಬಂಧಿತ ಆರೋಪಿಗಳು. ಇವರಿಂದ 12ಸಾವಿರ ರೂ. ಮೌಲ್ಯದ 250 ಗ್ರಾಂ ಗಾಂಜಾ, 4,00,000ರೂ. ಮೌಲ್ಯದ ಕಾರು, 5ಸಾವಿರ ರೂ. ಮೌಲ್ಯದ ಮೊಬೈಲ್‌ಗಳನ್ನು ಪೊಲೀಸರು ವಶಪಡಿಸಿ ಕೊಂಡಿದ್ದಾರೆ.

ಇವರಿಗೆ ಗಾಂಜಾವನ್ನು ಮಂಗಳೂರಿನ ಮಾಣಿಯ ಶಿಯಾಬ್ ಹಾಗೂ ಉಡುಪಿ ಡಯಾನ ಟಾಕೀಸ್ ಬಳಿಯ ಸಾಹಿಲ್ ಮತ್ತು ಬೈಂದೂರಿನ ರಿಜ್ವಾನ್ ನೀಡಿರುವುದಾಗಿ ತನಿಖೆಯಿಂದ ತಿಳಿದುಬಂದಿದೆ. ಈ ಬಗ್ಗೆ ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.