ಕಾರ್ಕಳ: ಚಹಾ ಕುಡಿಯುತ್ತಿದ್ದ ಯುವಕ ಕುಸಿದು ಬಿದ್ದು ಮೃತ್ಯು

ಕಾರ್ಕಳ, ಅ.17: ಚಹಾ ಕುಡಿಯುತ್ತಿದ್ದ ಯುವಕನೋರ್ವ ಆಕಸ್ಮಿಕವಾಗಿ ಕುಸಿದು ಬಿದ್ದು ಮೃತಪಟ್ಟ ಘಟನೆ ಅ.16ರಂದು ಬೆಳಗ್ಗೆ ನೂರಾಳ್ಬೆಟ್ಟು ಗ್ರಾಮದ ಪೂಜಾಂಜೆ ಎಂಬಲ್ಲಿ ನಡೆದಿದೆ.

ಪೂಜಾಂಜೆ ನಿವಾಸಿ ಆನಂದ ಎಂಬವರ ಪುತ್ರ ವೇಣುಗೋಪಾಲ(31) ಮೃತಪಟ್ಟವರು. ಅವರು ಸಂಬಂಧಿಕರ ಮನೆಯಲ್ಲಿ ಇಂದು ಬೆಳಗ್ಗೆ ಚಹಾ ಕುಡಿಯುತ್ತಿದ್ದ ವೇಳೆ ಏಕಾಏಕಿ ಕುಸಿದು ಬಿದ್ದರೆನ್ನಲಾಗಿದೆ. ತೀವ್ರವಾಗಿ ಅಸ್ವಸ್ಥಗೊಂಡ ಅವರು ಆಸ್ಪತ್ರೆಗೆ ಸಾಗಿಸುವ ದಾರಿಮಧ್ಯ ಕೊನೆಯುಸಿರೆಳೆದರೆಂದು ತಿಳಿದುಬಂದಿದೆ.

ಈ ಬಗ್ಗೆ ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.