ಮನೆಗೆ ನುಗ್ಗಿ ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ಕಳವು

ಬೈಂದೂರು, ಸೆ.15: ಸಂಬಂಧಿಯೊಬ್ಬ ಮನೆಗೆ ನುಗ್ಗಿ ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ಕಳವು ಮಾಡಿರುವ ಘಟನೆ ಆ.15ರಿಂದ ಸೆ.7ರ ಮಧ್ಯಾವಧಿಯಲ್ಲಿ ಕಂಬದಕೋಣೆ ಗ್ರಾಮದ ಕೋಣ್‌ಕಳಿ ಎಂಬಲ್ಲಿ ನಡೆದಿದೆ.

ಕೋಣ್‌ಕಳಿಯ ಸೂರು ಎಂಬವರ ಅಕ್ಕನ ಮಗ ಕಿರಣ್ ಎಂಬಾತ ಮನೆಗೆ ನುಗ್ಗಿ ಕಪಾಟಿನಲ್ಲಿ ಇಟ್ಟಿದ್ದ ಚಿನ್ನದ ನಕ್ಲೆಸ್, 2 ಚಿನ್ನದ ಬಳೆ, ಚಿನ್ನದ ಕನಕ ಹಾರ, 2 ಮಕ್ಕಳ ಚಿನ್ನದ ಚೈನ್, ಒಂದು ಜೊತೆ ಚಿನ್ನದ ಬೆಂಡೋಲೆ, ಚಿನ್ನದ ಮಕ್ಕಳ ಕಿವಿ ರಿಂಗ್, ಲೇಡಿಸ್ ಉಂಗುರ ಸೇರಿದಂತೆ ಒಟ್ಟು 114 ಗ್ರಾಂ ತೂಕದ 6,21,300ರೂ. ಮೌಲ್ಯದ ಚಿನ್ನಾಭರಣಗಳನ್ನು ಕಳವು ಮಾಡಿಕೊಂಡು ಹೋಗಿ ರುವುದಾಗಿ ದೂರಲಾಗಿದೆ.

ಬಳಿಕ ಆತ ಕಳವು ಮಾಡಿದ ಬಗ್ಗೆ ತಪ್ಪನ್ನು ಒಪ್ಪಿಕೊಂಡು ಒಂದು ತಿಂಗಳ ಕಾಲಾವಕಾಶ ಕೇಳಿ ಚಿನ್ನದ ಒಡವೆಗಳನ್ನು ಹಿಂತಿರುಗಿಸುವುದಾಗಿ ತಿಳಿಸಿದ್ದನು. ಆದರೆ ನಂತರ ಮನೆಗೂ ಬಾರದೇ ಸಂಪರ್ಕಕ್ಕೆ ಸಿಕ್ಕಿರುವುದಿಲ್ಲ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಈ ಬಗ್ಗೆ ಬೈಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.