ಸ್ಕೂಟರ್ ಸಹಿತ ದನದ ಮಾಂಸ ವಶ

ಕುಂದಾಪುರ : ಸ್ಕೂಟರ್‌ನಲ್ಲಿ ಅಕ್ರಮವಾಗಿ ಸಾಗಿಸುತ್ತಿದ್ದ ದನದ ಮಾಂಸವನ್ನು ಕುಂದಾಪುರ ಪೊಲೀಸರು ಅ.7ರಂದು ಮಧ್ಯಾಹ್ನ ವೇಳೆ ಆನಗಳ್ಳಿ ಗ್ರಾಮದ ನಂದಿಕೇಶ್ವರ ದೇವಸ್ಥಾನದ ಹತ್ತಿರ ವಶಪಡಿಸಿಕೊಂಡಿದ್ದಾರೆ.

ಆರೋಪಿ ಪೊಲೀಸರನ್ನು ಕಂಡು ಸ್ಕೂಟರ್ ನಿಲ್ಲಿಸಿ ಓಡಿಹೋಗಿದ್ದು, ಬಳಿಕ ವಾಹನದ ಬಳಿ ಹೋಗಿ ಪರಿಶೀಲಿಸಿದಾಗ ದನದ ಮಾಂಸ ಕಂಡುಬಂದಿದೆ. ವಶಪಡಿಸಿಕೊಂಡ ಸ್ಕೂಟರ್ ಹಾಗೂ ದನದ ಮಾಂಸದ ಒಟ್ಟು ಮೌಲ್ಯ 27ಸಾವಿರ ರೂ. ಎಂದು ಅಂದಾಜಿಸಲಾಗಿದೆ.

ಈ ಬಗ್ಗೆ ಕುಂದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.