ಉಡುಪಿ : ಮನೆಗೆ ನುಗ್ಗಿ ನಗ-ನಗದು ಕಳವು

ಉಡುಪಿ, ಆ.5: ಉಡುಪಿ ಕರಾವಳಿ ಜಂಕ್ಷನ್‌ನ ಶಾರದ ಹೋಟೇಲ್ ರಸ್ತೆಯಲ್ಲಿರುವ ಮನೆಯೊಂದಕ್ಕೆ ಜು.31ರಿಂದ ಆ.4ರ ಮಧ್ಯಾವಧಿಯಲ್ಲಿ ನುಗ್ಗಿದ ಕಳ್ಳರು ಲಕ್ಷಾಂತರ ರೂ. ಮೌಲ್ಯದ ಸೊತ್ತುಗಳನ್ನು ಕಳವು ಮಾಡಿರುವ ಬಗ್ಗೆ ವರದಿಯಾಗಿದೆ.

ಮನೆಯ ಮುಂದಿನ ಬಾಗಿಲು ಮುರಿದು ಒಳಪ್ರವೇಶಿಸಿದ ಕಳ್ಳರು, ಬೆಡ್ ರೂಮಿನ ಕಪಾಟಿನಲ್ಲಿದ್ದ 15,000 ರೂ. ನಗದು, 1 ಬೆಳ್ಳಿ ಚೆಂಬು, 4 ಬೆಳ್ಳಿ ಕಾಲು ದೀಪ, ಬೆಳ್ಳಿಯ ತಟ್ಟೆಯ ಮೇಲೆ ಬೆಳ್ಳಿಯ ದೀಪ, ಮಗುವಿನ 4 ಕಾಲುಗೆಜ್ಜೆ, ಬೆಳ್ಳಿಯ ಬಳೆ, 4 ಚಿನ್ನದ ಉಂಗುರಗಳನ್ನು ಕಳವು ಮಾಡಿಕೊಂಡು ಹೋಗಿದ್ದು, ಇವುಗಳ ಒಟ್ಟು ಮೌಲ್ಯ 1,20,000ರೂ. ಎಂದು ಅಂದಾಜಿಸ ಲಾಗಿದೆ.

ಈ ಬಗ್ಗೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.