ಇನ್ನು ಮುಂದೆ ChatGPT ನಿಮಗೆ ಹಣ ಉಳಿಸಲು ಸಹಾಯ ಮಾಡಲಿದೆ!

ಬಳಕೆದಾರರು ತಮ್ಮ ಖಾತೆಗಳನ್ನು ಲಿಂಕ್ ಮಾಡಿದ ನಂತರ ಖರ್ಚು ಮಾಡುವ ಅಭ್ಯಾಸಗಳು, ಚಂದಾದಾರಿಕೆಗಳು, ಮುಂಬರುವ ಪಾವತಿಗಳು, ಉಳಿತಾಯ, ಪೋರ್ಟ್ಫೋಲಿಯೊ ಕಾರ್ಯಕ್ಷಮತೆ ಮತ್ತು ಇತರ ಹಣಕಾಸು ಮಾಹಿತಿಯನ್ನು ಒಂದೆಡೆ ನೋಡಬಹುದಾಗಿದೆ.

ಇನ್ನು ಮುಂದೆ ChatGPT ನಿಮಗೆ ಹಣ ಉಳಿಸಲು ಮತ್ತು ನಿಮ್ಮ ಹಣ ಪತ್ತೆ ಮಾಡಲು ಸಹಾಯ ಮಾಡಲಿದೆ. ಅಂದರೆ ಸಾಮಾನ್ಯ ದೈನಂದಿನ ಬಜೆಟ್ ಗೆ ಸಲಹೆ ನೀಡುವುದು ಅಲ್ಲ. OpenAI ಹೊಸ ವೈಯಕ್ತಿಕ ಹಣಕಾಸು ಫೀಚರ್ ಹೊರ ತರಲು ಸಿದ್ಧತೆ ನಡೆಸುತ್ತಿದೆ. ಈ ಫೀಚರ್ ಮೂಲಕ ಬಳಕೆದಾರರು ತಮ್ಮ ಬ್ಯಾಂಕ್ ಖಾತೆ, ಕ್ರೆಡಿಟ್ ಖಾತೆ ಮತ್ತು ಹೂಡಿಕೆ ಖಾತೆಗಳನ್ನು ನೇರವಾಗಿ ChatGPT ಗೆ ಸಂಪರ್ಕಿಸಲು ಅನುವು ಮಾಡಿಕೊಡುತ್ತದೆ. ಈ ಫೀಚರ್ ಅಪ್ಡೇಟ್ ನಂತರ ChatGPT ವೈಯಕ್ತಿಕವಾಗಿ ನಿಮ್ಮ ಆಪ್ತ ಸಹಾಯಕನಂತೆ ಹಣಕಾಸು ವ್ಯವಹಾರಗಳಲ್ಲಿ ನೆರವಾಗಲಿದೆ.

ಹೊಸ ಫೀಚರ್ ChatGPT ಒಳಗೆ ಮೀಸಲಾದ “ಹಣಕಾಸು” ವಿಭಾಗವನ್ನು ಸೇರಿಸುತ್ತದೆ. ಬಳಕೆದಾರರು ತಮ್ಮ ಖಾತೆಗಳನ್ನು ಲಿಂಕ್ ಮಾಡಿದ ನಂತರ ಅವರು ಖರ್ಚು ಮಾಡುವ ಅಭ್ಯಾಸಗಳು, ಚಂದಾದಾರಿಕೆಗಳು, ಮುಂಬರುವ ಪಾವತಿಗಳು, ಉಳಿತಾಯ, ಪೋರ್ಟ್ಫೋಲಿಯೊ ಕಾರ್ಯಕ್ಷಮತೆ ಮತ್ತು ಇತರ ಹಣಕಾಸು ಮಾಹಿತಿಯನ್ನು ಒಂದೆಡೆ ನೋಡಬಹುದಾಗಿದೆ. ನಿಮ್ಮ ಹಣ ಎಲ್ಲಿಗೆ ಹೋಗುತ್ತಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಬಹು ಬ್ಯಾಂಕಿಂಗ್ ಅಪ್ಲಿಕೇಶನ್ ಗಳು, ಸ್ಪ್ರೆಡ್ ಶೀಟ್ ಗಳು ಮತ್ತು ಹಣಕಾಸು ಸಾಧನಗಳ ನಡುವೆ ಬದಲಾಯಿಸುವ ಅಗತ್ಯವನ್ನು ಕಡಿಮೆ ಮಾಡುವ ಉದ್ದೇಶ ಹೊಂದಿದೆ.

ಪ್ರಸ್ತುತ ಅಮೆರಿಕದಲ್ಲಿ ಮಾತ್ರ ಲಭ್ಯ:

ಈ ಫೀಚರ್ ವೆಬ್ ಮತ್ತು iOS ನಲ್ಲಿ ಲಭ್ಯವಿದ್ದು, ಅಮೆರಿಕದ ChatGPT Pro ಬಳಕೆದಾರರಿಗೆ ಸೀಮಿತವಾಗಿದೆ. 12,000 ಗೂ ಹೆಚ್ಚು ಹಣಕಾಸು ಸಂಸ್ಥೆಗಳಿಗೆ ಬೆಂಬಲ ನೀಡಲಿದೆ. ಇದೀಗ ಅಮೆರಿಕದಲ್ಲಿ ಈ ಸೌಲಭ್ಯವನ್ನು ನೀಡುವ ಮೂಲಕ OpenAI ಫೀಚರ್ ಅನ್ನು ಜನರು ಹೇಗೆ ಬಳಸುತ್ತಾರೆ ಎಂದು ಅಧ್ಯಯನ ಮಾಡಲು ಯೋಜಿಸಿದೆ.

ChatGPT ಯಲ್ಲಿ ಹಣಕಾಸು ಬಳಸುವುದು ಹೇಗೆ?

ಈ ಫೀಚರ್ ಬಳಸುವುದು ಬಹಳ ಸುಲಭ. ಬಳಕೆದಾರರು ChatGPT ಸೈಡ್ಬಾರ್ನಿಂದ ಹಣಕಾಸು ಟ್ಯಾಬ್ ತೆರೆಯಬಹುದು ಮತ್ತು ‘ಪ್ರಾರಂಭಿಸಿ’ ಎಂದು ಟ್ಯಾಪ್ ಮಾಡಬಹುದು ಅಥವಾ "@Finances, ನನ್ನ ಖಾತೆಗಳನ್ನು ಸಂಪರ್ಕಿಸಿ” ಎಂದು ನೇರವಾಗಿ ಚಾಟ್ ಗೆ ಟೈಪ್ ಮಾಡಬಹುದು ನಂತರ ChatGPT ಯು ವೆನ್ಮೋ ಮತ್ತು ರಾಬಿನ್ ಹುಡ್ ನಂತಹ ಅಪ್ಲಿಕೇಶನ್ ಗಳು ಈಗಾಗಲೇ ಬಳಸುತ್ತಿರುವ ಹಣಕಾಸು ಸಂಪರ್ಕ ಸೇವೆಯಾದ Plaid ಬಳಸಿಕೊಂಡು ಸುರಕ್ಷಿತವಾಗಿ ಲಿಂಕ್ ಮಾಡುತ್ತದೆ. ಹಾಗೆ ಬಳಕೆದಾರರಿಗೆ ಮಾರ್ಗದರ್ಶನ ನೀಡುತ್ತದೆ.

ಒಮ್ಮೆ ಅಧಿಕಾರ ನೀಡಿದ ನಂತರ ChatGPT ನಿಮ್ಮ ವಹಿವಾಟುಗಳು ಮತ್ತು ಖಾತೆ ಡೇಟಾವನ್ನು ಸಿಂಕ್ ಮಾಡಲು ಮತ್ತು ವರ್ಗೀಕರಿಸಲು ಪ್ರಾರಂಭಿಸುತ್ತದೆ. ಅದಕ್ಕೆ ಕೆಲವು ನಿಮಿಷಗಳು ಹಿಡಿಯಬಹುದು. ಖಾತೆಗಳು ಸಂಪರ್ಕವಾದ ಮೇಲೆ ChatGPT ಸಾಮಾನ್ಯ ಬಜೆಟ್ ಸಲಹೆ ನೀಡುವ ಬದಲು ವ್ಯಕ್ತಿಯ ಆರ್ಥಿಕ ಸ್ಥಿತಿ ಅರ್ಥಮಾಡಿಕೊಂಡು ಹಣಕಾಸು ಸಂಬಂಧಿ ಪ್ರಶ್ನೆಗಳಿಗೆ ಉತ್ತರಿಸಬಹುದು.

ಬಳಕೆದಾರರು ಇತ್ತೀಚೆಗೆ ತಮ್ಮ ಖರ್ಚು ಏಕೆ ಹೆಚ್ಚಾಗಿದೆ? ದೊಡ್ಡ ಖರೀದಿ ಸಾಧ್ಯವೆ? ಪ್ರತಿ ತಿಂಗಳು ಎಷ್ಟು ಉಳಿತಾಯವಾಗುತ್ತಿದೆ ಅಥವಾ ಮುಂದಿನ ಕೆಲ ವರ್ಷಗಳಲ್ಲಿ ಮನೆ ಖರೀದಿ ಸಾಧ್ಯವೆ ಎಂಬ ಸಲಹೆಗಳನ್ನು ಕೇಳಬಹುದು.

ಹೊಸ ಫೀಚರ್ ಮೂಲಕ ChatGPT ನಿಮ್ಮ ಗುರಿ ಯೋಜಿಸುವುದು, ಪ್ರಯಾಣ ವೆಚ್ಚ ವಿಶ್ಲೇಷಣೆ, ಚಂದಾದಾರಿಕೆ ವಿಮರ್ಶೆಗಳು ಮತ್ತು ಸನ್ನಿವೇಶ ಯೋಜನೆಗೆ ಸಹಾಯ ಮಾಡಲು ಅನುಮತಿಸುತ್ತದೆ. ಕಂಪನಿ ಹಂಚಿಕೊಂಡ ಒಂದು ಉದಾಹರಣೆಯಲ್ಲಿ ಶಾಪಿಂಗ್, ದಿನಸಿ ಮತ್ತು ಊಟಕ್ಕಾಗಿ ಮಾಸಿಕ ಖರ್ಚು ಮಿತಿಗಳನ್ನು ಸೂಚಿಸಲು ChatGPT ಫೀಚರ್ ನೆರವು ಪಡೆಯಬಹುದು.

ಕಂಪನಿಯು “ಹಣಕಾಸು ನೆನಪುಗಳು” ಎನ್ನುವ ಫೀಚರ್ ಕೂಡ ಪರಿಚಯಿಸುತ್ತಿದೆ. ಈ ಫೀಚರ್ ChatGPT ಗೆ ಅಡಮಾನ, ಉಳಿತಾಯ ಗುರಿ ಅಥವಾ ಕುಟುಂಬ ಸದಸ್ಯರಿಗೆ ನೀಡಬೇಕಾದ ಹಣದಂತಹ ವಿವರಗಳನ್ನು ನೆನಪಿಡಲು ಅನುವು ಮಾಡಿಕೊಡುತ್ತದೆ.

ಗೌಪ್ಯತೆಯ ಸಮಸ್ಯೆ ಇದೆಯೆ?

ಗೌಪ್ಯತೆಯ ವಿಷಯಕ್ಕೆ ಬಂದರೆ ಖಾತೆಗಳನ್ನು ಸಂಪರ್ಕಿಸಿದ ನಂತರ ChatGPT ಬ್ಯಾಲೆನ್ಸ್, ವಹಿವಾಟುಗಳು, ಹೂಡಿಕೆಗಳು ಮತ್ತು ಹೊಣೆಗಾರಿಕೆಗಳನ್ನು ಪ್ರವೇಶಿಸಬಹುದು. ಪೂರ್ಣ ಖಾತೆ ಸಂಖ್ಯೆಗಳನ್ನು ನೋಡಲು ಅಥವಾ ಬ್ಯಾಂಕ್ ಖಾತೆ ಬದಲಾವಣೆ ಮಾಡಲು ಸಾಧ್ಯವಿಲ್ಲ. ಬಳಕೆದಾರರು ಯಾವುದೇ ಸಮಯದಲ್ಲಿ ಖಾತೆ ಸಂಪರ್ಕ ಕಡಿತಗೊಳಿಸಬಹುದು. ಸಂಪರ್ಕ ಕಡಿತಗೊಂಡ 30 ದಿನಗಳಲ್ಲಿ ಸಿಂಕ್ ಮಾಡಿದ ಹಣಕಾಸು ಡೇಟಾವನ್ನು ವ್ಯವಸ್ಥೆಯಿಂದ ಅಳಿಸಲಾಗುತ್ತದೆ.

ಕೃಪೆ: indiatoday.in