ಭಾರತದ ಈಶಾನ್ಯ ರಾಜ್ಯಗಳಲ್ಲಿ ಮೂರು ಹೊಸ ಕ್ಯಾಸ್ಕೇಡ್ ಕಪ್ಪೆ ಪ್ರಭೇದಗಳು ಪತ್ತೆ!

ಈ ದಾಖಲಾತಿಯು 15 ವರ್ಷಗಳ ಕಾಲ ಈಶಾನ್ಯ ಭಾರತದ ರಾಜ್ಯಗಳಲ್ಲಿ ನಡೆಸಿದ ವ್ಯಾಪಕ ಕ್ಷೇತ್ರವಾರು ಸಂಶೋಧನೆಯ ಪ್ರತಿಫಲವಾಗಿದೆ.

ವಿಜ್ಞಾನಿಗಳು ಈಶಾನ್ಯ ಭಾರತದ ಜೀವವೈವಿಧ್ಯ-ಸಮೃದ್ಧ ಕಾಡುಗಳಲ್ಲಿ ಮೂರು ಹೊಸ ಜಾತಿಯ ಕ್ಯಾಸ್ಕೇಡ್ ಕಪ್ಪೆಗಳನ್ನು ಕಂಡುಹಿಡಿದಿದ್ದು, ದೇಶದ ಇತರ ಭಾಗಗಳಲ್ಲಿ ಐದು ಇತರ ಪ್ರಭೇದಗಳನ್ನು ದಾಖಲಿಸಿದ್ದಾರೆ. ಮ್ಯೂಸಿಯಂ ಆಫ್ ಕಂಪೇರೇಟಿವ್ ಜ್ಯೂವಲಜಿಯಲ್ಲಿ ಪ್ರಕಟವಾದ ಈ ದಾಖಲಾತಿಯ ವಿವರಗಳು 15 ವರ್ಷಗಳ ಕಾಲ ಈಶಾನ್ಯ ಭಾರತದ ರಾಜ್ಯಗಳಲ್ಲಿ ನಡೆಸಿದ ವ್ಯಾಪಕ ಕ್ಷೇತ್ರವಾರು ಸಂಶೋಧನೆಯ ಪ್ರತಿಫಲವಾಗಿದೆ.

ದಿಲ್ಲಿ ವಿಶ್ವವಿದ್ಯಾಲಯದ ಪರಿಸರ ಅಧ್ಯಯನ ವಿಭಾಗದ ಪ್ರೊಫೆಸರ್ ಎಸ್ ಡಿ ಬಿಜು ನೇತೃತ್ವದಲ್ಲಿ ನಡೆದ ಸಂಶೋಧನೆಯಲ್ಲಿ ಅರಣ್ಯದಲ್ಲಿ ವೇಗವಾಗಿ ಹರಿಯುವ ತೊರೆಗಳಲ್ಲಿ ವಾಸಿಸುವ ಕ್ಯಾಸ್ಕೇಡ್ ಕಪ್ಪೆಗಳ 300ಕ್ಕೂ ಹೆಚ್ಚು ಭೌಗೋಳಿಕ ಸಂಖ್ಯೆಯನ್ನು ದಾಖಲಿಸಲಾಗಿದೆ. ವಯಸ್ಕ ಕಪ್ಪೆಗಳು ಮತ್ತು ಗೊದಮೊಟ್ಟೆಗಳ (tadpole) ವಿವರವಾದ ರೂಪವಿಜ್ಞಾನದ ಹೋಲಿಕೆಗಳ ಜೊತೆಗೆ ಡಿಎನ್ಎ ವಿಶ್ಲೇಷಣೆ ಬಳಸಿ ವಿಜ್ಞಾನಿಗಳು ತ್ರಿಪುರ, ನಾಗಾಲ್ಯಾಂಡ್ ಮತ್ತು ಪಶ್ಚಿಮ ಬಂಗಾಳದ ಕಪ್ಪೆಗಳ ಜನಸಂಖ್ಯೆಯಲ್ಲಿ ಈ ಹಿಂದೆ ವಿಜ್ಞಾನಕ್ಕೆ ಅರಿವಿರದ ಮೂರು ಹೊಸ ಜಾತಿಯ ಕಪ್ಪೆಗಳನ್ನು ಪತ್ತೆ ಮಾಡಿರುವುದು ದೃಢಪಡಿಸಿದ್ದಾರೆ.

ಹೊಸದಾಗಿ ಪತ್ತೆಯಾದ ಪ್ರಭೇದಗಳೆಂದರೆ ತ್ರಿಪುರಾದ ಜಂಪುಯಿ ಬೆಟ್ಟಗಳಲ್ಲಿ ಪತ್ತೆಯಾದ ಅಮ್ಮಾಚಿಯ ಕ್ಯಾಸ್ಕೇಡ್ ಕಪ್ಪೆ (Amolops ammachi), ನಾಗಾಲ್ಯಾಂಡ್ ನಲ್ಲಿ ಪತ್ತೆಯಾದ ಸೆಂಡೆನ್ಯು ಗ್ರಾಮದ ಕಾಸ್ಕೇಡ್ ಕಪ್ಪೆ (Amolops sendenyu) ಮತ್ತು ಪಶ್ಚಿಮ ಬಂಗಾಳದಲ್ಲಿ ಪತ್ತೆಯಾದ ಮತ್ತು ಹಳದಿ-ಹಸಿರು ಅಥವಾ ಕೆಂಪು ಕಂದು ಬಣ್ಣದ ಮೊಸಾಯಿಕ್ ಮಾದರಿಗಳಿಂದ ಗುರುತಿಸಲಾದ ಗಮನಾರ್ಹ ಹಸಿರು ದೇಹಕ್ಕೆ ಹೆಸರಾದ ಸುಂದರವಾದ ಕ್ಯಾಸ್ಕೇಡ್ ಕಪ್ಪೆ (Amolops bella) ಸೇರಿವೆ.

ಎ ಅಮ್ಮಾಚಿ ಎಂದರೆ ಕೇರಳದ ದಿವಂಗತ ಸಮಾಜ ಸೇವಕಿ ಮತ್ತು ಲೋಕೋಪಕಾರಿ ಪದ್ಮಿನಿ ವರ್ಕಿಯವರನ್ನು ಪ್ರೀತಿಯಿಂದ ಕರೆಯುವ ‘ಅಮ್ಮಾಚಿ’ ಎನ್ನುವ ಹೆಸರು. ಅಗತ್ಯವಿರುವ ಜನರಿಗೆ ಅವರು ತೋರಿದ ಕರುಣೆ ಮತ್ತು ಜೀವಮಾನದ ಸೇವೆಯನ್ನು ಗಮನಿಸಿ ಕಪ್ಪೆಗೆ ಅವರ ಹೆಸರು ಇಟ್ಟು ಗೌರವಿಸಲಾಗಿದೆ.

ದೇಶದಲ್ಲಿ ಅಮೊಲೋಪ್ಸ್ ಕುಲದ ವೈವಿಧ್ಯತೆ ಮತ್ತು ಹಂಚಿಕೆಯನ್ನು ವಿಸ್ತರಿಸುವ ನಿಟ್ಟಿನಲ್ಲಿ ಭಾರತದಲ್ಲಿ ಹಿಂದೆಂದೂ ದಾಖಲಾಗದ ಇತರ ಐದು ಕ್ಯಾಸ್ಕೇಡ್ ಕಪ್ಪೆ ಪ್ರಭೇದಗಳನ್ನೂ ಅಧ್ಯಯನ ವರದಿ ಮಾಡಿದೆ. ಅವುಗಳೆಂದರೆ ಮಾರ್ಬಲ್ಡ್ ಕ್ಯಾಸ್ಕೇಡ್ ಕಪ್ಪೆ (Amolops afghanus), ನೇಪಾಳ್ ಕ್ಯಾಸ್ಕೇಡ್ ಕಪ್ಪೆ (Amolops nepalicus), ವಾಂಗ್ಯಾಲ್ಸ್ ಕ್ಯಾಸ್ಕೇಡ್ ಕಪ್ಪೆ (Amolops wangyali), ಮೆಡಾಗ್ ಕ್ಯಾಸ್ಕೇಡ್ ಕಪ್ಪೆ (A. medogensis), ಪಿಯಾನ್ಮಾ ಕ್ಯಾಸ್ಕೇಡ್ ಕಪ್ಪೆ (Amolops bellulus).

“ಭಾರತದ ಕ್ಯಾಸ್ಕೇಡ್ ಕಪ್ಪೆಗಳನ್ನು ಸಮಗ್ರವಾಗಿ ಅಧ್ಯಯನ ಮಾಡಲು 15 ವರ್ಷಗಳಿಗೂ ಹೆಚ್ಚು ಕಾಲ ಈ ಸಂಶೋಧನೆಯನ್ನು ನಡೆಸಲಾಗಿದೆ. ಇದು ಟ್ಯಾಕ್ಸೋನೊಮಿಗೆ ಸಂಬಂಧಿಸಿ ಬಹಳ ಸವಾಲಿನ ವರ್ಗವಾಗಿದೆ. ಆದರೆ ಇದೀಗ ನಾವು ಜೀವಶಾಸ್ತ್ರದ ಅನೇಕ ಗೊಂದಲಮಯ ಅಂಶಗಳನ್ನು ಸ್ಪಷ್ಟಪಡಿಸಿದ್ದೇವೆ. ಹೀಗಾಗಿ ಜಾತಿಗಳನ್ನು ಸರಿಯಾಗಿ ಗುರುತಿಸುವುದು ಮತ್ತು ಸಂರಕ್ಷಣೆಗೆ ಸಹಾಯವಾಗಲಿದೆ. ಭಾರತದ ಅನೇಕ ಪ್ರಾಣಿಗಳ ವರ್ಗಗಳನ್ನು ಕಳಪೆಯಾಗಿ ಅಧ್ಯಯನ ಮಾಡಲಾಗಿದೆ ಮತ್ತು ಪತ್ತೆಯಾಗದ ಜೀವವೈವಿಧ್ಯತೆಗಳು ಇನ್ನೂ ಇವೆ ಎನ್ನುವುದನ್ನು ನಮ್ಮ ಅಧ್ಯಯನ ದೃಢೀಕರಿಸಿದೆ. ವಿಶೇಷವಾಗಿ ಅಂತರರಾಷ್ಟ್ರೀಯವಾಗಿ ಗುರುತಿಸಲಾಗಿರುವ ಎರಡು ಜೀವವೈವಿಧ್ಯದ ಹೃದಯಭಾಗವಾಗಿರುವ ಈಶಾನ್ಯ ರಾಜ್ಯಗಳಲ್ಲಿ ಸಂಶೋಧನೆಯ ಕೊರತೆಯಿದೆ” ಎಂದು ಬಿಜು ಹೇಳಿದ್ದಾರೆ.

ಕ್ಯಾಸ್ಕೇಡ್ ಕಪ್ಪೆಗಳ ವಿಕಸನೀಯ ಇತಿಹಾಸ ಪುನರ್ನಿರ್ಮಿಸಲು ಸಂಶೋಧಕರು ಡಿಎನ್ಎ ಆಧಾರಿತ ಡೇಟಿಂಗ್ ಅನಾಲಿಸಿಸ್ ಬಳಸಿದ್ದಾರೆ. ಅಧ್ಯಯನದಲ್ಲಿ 32 ದಶಲಕ್ಷ ವರ್ಷಗಳ ಹಿಂದೆ ಕಪ್ಪೆಗಳು ವ್ಯಾಪಕ ವೈವಿಧ್ಯತೆಗೆ ಒಳಗಾಗಿರುವುದು ಪತ್ತೆಯಾಗಿದೆ. ಈ ಅವಧಿ ವ್ಯಾಪಕ ಜೈವಿಕ ಬದಲಾವಣೆಗಳಿಗೆ ಗುರುತಿಸಲ್ಪಟ್ಟಿದೆ.

ಈ ಅಧ್ಯಯನವು ಏಷ್ಯಾದಿಂದ ಪೂರ್ವದಿಂದ ಪಶ್ಚಿಮಕ್ಕೆ ವಸಾಹತುಶಾಹಿಯ ಬಹು ಅಲೆಗಳನ್ನು ಸೂಚಿಸುತ್ತದೆ. ಹಿಮಾಲಯದ ಆರಂಭಿಕ ನಿರ್ಮಾಣವು ಈ ಉಭಯಚರಗಳ ಇಂದಿನ ಹಂಚಿಕೆ ಮತ್ತು ವೈವಿಧ್ಯತೆ ರೂಪಿಸುವ ಪ್ರಮುಖ ಅಂಶವೆಂದು ಗುರುತಿಸಲಾಗಿದೆ.

ಕೃಪೆ: thehindu.com