ಮಳೆ ಬರುವ ಮೊದಲು ನವಿಲು ಕೂಗುವುದೇಕೆ? ವಿಜ್ಞಾನ ಏನು ಹೇಳುತ್ತದೆ?

ಭಾರತೀಯ ನವಿಲು ಬಹಳ ಧ್ವನಿ ಮಾಡುತ್ತದೆ ಮತ್ತು ವಿಭಿನ್ನ ಉದ್ದೇಶಗಳಿಗೆ ಕೂಗುತ್ತವೆ. ಆದರೆ ಮಳೆ ಬರುವ ಸಮಯದಲ್ಲಿಯೇ ಹೆಚ್ಚು ಕೂಗಲು ಕಾರಣವೇನು?

ಮಳೆ ಬರುವ ಮೊದಲು ನವಿಲು ಜೋರಾಗಿ ಕೂಗುವುದನ್ನು ಬಹಳ ಸಲ ಕೇಳಿರಬಹುದು. ಇದರಿಂದಲೇ ನವಿಲುಗಳು ಮಳೆ ಸಮೀಪಿಸುವುದನ್ನು ಗ್ರಹಿಸಿ ಕೂಗುಗಳ ಮೂಲಕ ಘೋಷಿಸುತ್ತವೆ ಎನ್ನುವ ಜನಪ್ರಿಯ ನಂಬಿಕೆಯಿದೆ. ಆದರೆ ನವಿಲುಗಳ ಕೂಗು ಮತ್ತು ಮಳೆಯ ನಡುವೆ ಸಂಬಂಧವಿದೆಯೆ?

ನವಿಲುಗಳು ಸ್ವಾಭಾವಿಕವಾಗಿ ಕೂಗುವ ಪಕ್ಷಿಗಳು. ಭಾರತೀಯ ನವಿಲುಗಳು ಬಹಳ ಧ್ವನಿ ಮಾಡುತ್ತವೆ ಮತ್ತು ವಿಭಿನ್ನ ಉದ್ದೇಶಗಳಿಗೆ ಕೂಗುತ್ತವೆ. ಗಂಡು ನವಿಲಿನ ಜೋರಾದ, ಪುನರಾವರ್ತಿತ ಕೂಗನ್ನು ದೂರದವರೆಗೆ ಕೇಳಬಹುದು. ಆದರೆ ಹೆಣ್ಣು ನವಿಲುಗಳು ಎಚ್ಚರಿಕೆ ನೀಡಲು ಕೂಗುತ್ತವೆ. ನವಿಲಿನ ಕೂಗು ಋತು ಮತ್ತು ದಿನದ ಸಮಯದೊಂದಿಗೆ ಬದಲಾಗುತ್ತವೆ. ಬೆಳಿಗ್ಗೆ ಮತ್ತು ಸಂಜೆ ಕೂಗುಗಳು ಹೆಚ್ಚಾಗಿ ಕಂಡುಬರುತ್ತದೆ. ಸಂತಾನೋತ್ಪತ್ತಿ ಅವಧಿಯಲ್ಲಿ ಹೆಚ್ಚು ಕೂಗು ಕೇಳಿಬರುತ್ತದೆ.

ಭಾರತೀಯ ಉಪಖಂಡದ ಹೆಚ್ಚಿನ ಭಾಗಗಳಲ್ಲಿ ನವಿಲಿನ ಸಂತಾನೋತ್ಪತ್ತಿಯೂ ಮುಂಗಾರು ಋತುವಿನಲ್ಲೇ ಆಗಿರುತ್ತದೆ. ಬೇರೆ ರೀತಿಯಲ್ಲಿ ಹೇಳುವುದಾದರೆ, ಮಳೆ ಸಾಮಾನ್ಯವಾಗಿರುವ ಋತುವಿನಲ್ಲಿ ಪಕ್ಷಿ ಕೂಗುತ್ತಿರಬಹುದು. ಇನ್ನೊಂದು ರೀತಿಯಲ್ಲಿ ಅದನ್ನು ಸಂತಾನೋತ್ಪತ್ತಿ ಮತ್ತು ಮುಂಗಾರು ನಡುವೆ ಸಂಪರ್ಕವೂ ಇದೆ ಎನ್ನಬಹುದು. ಇದೇ ಅವಧಿಯಲ್ಲಿ ಗಂಡು ನವಿಲುಗಳು ಹೆಚ್ಚು ಸಕ್ರಿಯವಾಗಿದ್ದು ಕೂಗುತ್ತಿರುತ್ತವೆ. ಭಾರತೀಯ ನವಿಲುಗಳು ಸಮೀಪಿಸುತ್ತಿರುವ ಮಳೆಯನ್ನು ಊಹಿಸಬಲ್ಲವು ಎಂಬ ಕಾರಣದಿಂದಾಗಿ ಅವು ನಿರ್ದಿಷ್ಟವಾಗಿ ಕೂಗುತ್ತವೆ ಎನ್ನುವುದಕ್ಕೆ ಸದ್ಯ ಯಾವುದೇ ವೈಜ್ಞಾನಿಕ ಪುರಾವೆಗಳು ಇಲ್ಲ.

ಜನರು ಪಕ್ಷಿಗಳ ನಡವಳಿಕೆಯನ್ನು ಬದಲಾಗುತ್ತಿರುವ ಹವಾಮಾನದ ಜೊತೆಗೆ ಸಮಯೋಜಿಸಲು ವಿಶಾಲವಾದ ವೈಜ್ಞಾನಿಕ ಕಾರಣವಿದೆ. ಪಕ್ಷಿಗಳು ತಾಪಮಾನ, ಆರ್ದ್ರತೆ, ಗಾಳಿ ಮತ್ತು ವಾತಾವರಣದ ಒತ್ತಡದಂತಹ ಪರಿಸರ ಬದಲಾವಣೆಗಳಿಗೆ ಪ್ರತಿಕ್ರಿಯಿಸಬಹುದು ಮತ್ತು ಈ ಅಂಶಗಳು ನಡವಳಿಕೆ ಮತ್ತು ಕೂಗಿನ ಚಟುವಟಿಕೆಯ ಮೇಲೆ ಪ್ರಭಾವ ಬೀರಬಹುದು.

ಇತರ ಪಕ್ಷಿ-ಪ್ರಭೇದಗಳ ಮೇಲಿನ ಸಂಶೋಧನೆಯು ಹವಾಮಾನ ಸಂಬಂಧಿತ ಕರೆಗಳು ಪರಿಸರ ಬದಲಾವಣೆಗಳೊಂದಿಗೆ ಸಂಬಂಧ ಹೊಂದಿವೆಯೇ ಎಂದು ಪರಿಶೀಲಿಸಿದೆ. ಉದಾಹರಣೆಗೆ ಅನಿಮಲ್ ಬಿಹೇವಿಯರ್ ಜರ್ನಲ್ನ 2024ರ ಸಲ್ಫರ್ ಕ್ರೆಸ್ಟೆಡ್ ಕಾಕಟೂಗಳನ್ನು ಅಧ್ಯಯನವನ್ನೇ ಗಮನಿಸಬಹುದು. ಹೆಚ್ಚಿನ ಆರ್ದ್ರತೆ ಮತ್ತು ಸ್ವಲ್ಪ ಕಡಿಮೆ ತಾಪಮಾನದ ಸ್ಥಿತಿಗಳಲ್ಲಿ ಅವುಗಳ ‘ಮಳೆ ಕರೆಗಳು’ ಎಂದು ಕರೆಯಲಾಗುವ ವರ್ತನೆ ಹೆಚ್ಚು ಸಾಮಾನ್ಯವಾಗಿದ್ದವು. ಆದರೆ ಸಂಶೋಧಕರಿಗೆ ಕರೆಗಳು ಆಗಿನ ವಾತಾವರಣದ ಒತ್ತಡದಿಂದ ಬಂದಿವೆ ಎನ್ನುವುದಕ್ಕೆ ಪುರಾವೆಗಳು ಸಿಗಲಿಲ್ಲ.

ಮಳೆಯಲ್ಲಿ ನರ್ತಿಸುವ ನವಿಲಿನ ಜನಪ್ರಿಯ ಚಿತ್ರಣದ ಹಿಂದೆಯೂ ಮುಂಗಾರು ಸಂಬಂಧವಿದೆ. ಗಂಡು ನವಿಲುಗಳು ಹೆಣ್ಣು ನವಿಲನ್ನು ಆಕರ್ಷಿಸುವ ಸಾಮಾಜಿಕ ಸಂವಹನದ ಭಾಗವಾಗಿ ಸಂತಾನೋತ್ಪತ್ತಿ ಅವಧಿಯಲ್ಲಿ ತಮ್ಮ ವಿಸ್ತಾರವಾದ ಬಾಲ ಗರಿಗಳನ್ನು ಪ್ರದರ್ಶಿಸುತ್ತವೆ. ಸಂತಾನೋತ್ಪತ್ತಿ ಚಟುವಟಿಕೆಯ ಸಮಯವು ಮುಂಗಾರಿನಲ್ಲೇ ಬರುವ ಕಾರಣದಿಂದ ಮಳೆ ನೃತ್ಯದ ಕಲ್ಪನೆ ಬಂದಿರಬಹುದು.

ನವಿಲಿನ ಕೂಗು ಕೆಲವೊಮ್ಮೆ ಮಳೆ ಬರುತ್ತಿದೆ ಎಂಬ ಎಚ್ಚರಿಕೆಯಂತೆ ಕಾಣಿಸಬಹುದು. ಆದರೆ ಪಕ್ಷಿಯು ಉದ್ದೇಶಪೂರ್ವಕವಾಗಿ ಮಳೆಯನ್ನು ಊಹಿಸುತ್ತದೆ ಎಂಬ ಕಲ್ಪನೆಯನ್ನು ವಿಜ್ಞಾನವು ಬೆಂಬಲಿಸುವುದಿಲ್ಲ. ಸರಳವಾಗಿ ಹೇಳುವುದಾದಲ್ಲಿ ನವಿಲುಗಳು ಸ್ವಾಭಾವಿಕವಾಗಿ ಧ್ವನಿಸುತ್ತವೆ. ಅವುಗಳ ಕೂಗು ದಿನದ ಋತು ಮತ್ತು ಸಮಯದ ಜೊತೆಗೆ ಬದಲಾಗುತ್ತದೆ.

ಕೃಪೆ: indianexpress.com