ಮುಲಾಯಂ ಸಿಂಗ್ ಯಾದವ್ ರಿಂದ 4 ಲಕ್ಷ ರೂ. ವಿದ್ಯುತ್ ಬಿಲ್ ಬಾಕಿ

ಲಕ್ನೋ, ಎ.21: ಉತ್ತರ ಪ್ರದೇಶದ ಮಾಜಿ ಮುಖ್ಯ ಮಂತ್ರಿ ಮುಲಾಯಂ ಸಿಂಗ್ ಯಾದವ್ ಅವರು ನಾಲ್ಕು ಲಕ್ಷ ರೂ. ವಿದ್ಯುತ್ ಬಿಲ್  ಪಾವತಿಸದೆ ಬಾಕಿ ಉಳಿಸಿಕೊಂಡಿರುವ  ವಿಚಾರ ಬೆಳಕಿಗೆ ಬಂದಿದೆ.

ನೂತನ ಮುಖ್ಯ ಮಂತ್ತಿ ಯೋಗಿ ಆದಿತ್ಯನಾಥ್ ವಿಐಪಿ ವ್ಯಕ್ತಿಗಳ ಕೆಟ್ಟ ಸಂಸ್ಕೃತಿಯನ್ನು ತೊಡೆದು  ಹಾಕಲು ರೂಪಿಸಿರುವ ಯೋಜನೆಯಂತೆ ವಿದ್ಯುತ್ ಇಲಾಖೆಯ ಅಧಿಕಾರಿಗಳು ಮಾಜಿ ಮುಖ್ಯ ಮಂತ್ರಿ ಮುಲಾಯಂ ಸಿಂಗ್ ಯಾದವ್  ವಿದ್ಯುತ್ ಬಿಲ್ ಬಾಕಿ ಉಳಿಸಿರುವುದನ್ನು ಪತ್ತೆ ಹಚ್ಚಿದ್ದಾರೆ.

ಬಾಕಿ ಉಳಿಸಿಕೊಂಡಿರುವ ವಿದ್ಯುತ್ ಬಿಲ್ ಪಾವತಿಗೆ ಅಧಿಕಾರಿಗಳು  ಮುಲಾಯಂ ಸಿಂಗ್ ಯಾದವ್ ಅವರಿಗೆ ಒಂದು ತಿಂಗಳ ಕಾಲಾವಕಾಶ ನೀಡಿದ್ದಾರೆ ಎಂದು ತಿಳಿದು ಬಂದಿದೆ.