ನಾನು ಕ್ರಿಮಿನಲ್ ಅಲ್ಲ.. ಅಪರಾಧಿಯಲ್ಲ: ಸಚಿವೆ ಉಮಾಭಾರತಿ

  ಹೊಸದಿಲ್ಲಿ, ಮೇ 30: ನಾನು ಕ್ರಿಮಿನಲ್ ಅಲ್ಲ: ನಾನು ಅಪರಾಧಿಯಲ್ಲ. ಯಾವುದೇ ತಪ್ಪನ್ನು ಮಾಡಿಲ್ಲ. ಈ ಪ್ರಕರಣ ದೇವರಿಗೆ ಸಂಬಂಧಿಸಿದ್ದು ಎಂದು ಬಾಬರಿ ಮಸೀದಿ ಧ್ವಂಸ ಪ್ರಕರಣದ ಆರೋಪಿ ಕೇಂದ್ರ ಸಚಿವೆ ಉಮಾಭಾರತಿ  ಅಭಿಪ್ರಾಯಪಟ್ಟಿದ್ದಾರೆ.
1992ರಲ್ಲಿ ಬಾಬ್ರಿ ಮಸೀದಿ ಧ್ವಂಸ ಪ್ರಕರಣಕ್ಕೆ ಸಂಬಂಧಿಸಿ ಆರೋಪ ಎದುರಿಸುತ್ತಿರುವ ಕೇಂದ್ರ ಸಚಿವೆ ಉಮಾಭಾರತಿ , ಮಾಜಿ ಉಪಪ್ರಧಾನಿ ಎಲ್‌.ಕೆ. ಅಡ್ವಾಣಿ,  ಮುರಳೀ ಮನೋಹರ್ ಜೋಶಿ ಮೊದಲ ಬಾರಿ ಈ ಪ್ರಕರಣಕ್ಕೆ ಸಂಬಂಧಿಸಿ ಮಂಗಳವಾರ ಲಕ್ನೋದ ಸಿಬಿಐ ನ್ಯಾಯಾಲಯದ ಮುಂದೆ ಹಾಜರಾದರು.

ಬಾಬರಿ ಮಸೀದಿ ಧ್ವಂಸ   ಮತ್ತು  ಬಾಬರಿ ಧ್ವಂಸ ಮಾಡಲು ಕರಸೇವಕರಿಗೆ ಪ್ರಚೋದನೆ ನೀಡಿದ  ಆರೋಪದಲ್ಲಿ ಅಡ್ವಾಣಿ  , ಜೋಶಿ , ಉಮಾಭಾರತಿ ಮತ್ತಿತರ ನಾಯಕರು ನ್ಯಾಯಾಲಯದಲ್ಲಿ ವಿಚಾರಣೆ ಎದುರಿಸುತ್ತಿದ್ದಾರೆ.