ಮತ್ತೆ ರೋಮ್ಯಾಂಟಿಕ್ ಪಾತ್ರದಲ್ಲಿ ಶಾರುಕ್

ಶಾರುಕ್ ಖಾನ್ ಬಹು ಮುಖ ಪ್ರತಿಭೆಯ ನಾಯಕ ನಟ ಎಂಬುದರಲ್ಲಿ ಸಂಶಯ ವಿಲ್ಲವಾದರೂ, ಅವರ ರೋಮ್ಯಾಂಟಿಕ್ ಪಾತ್ರಗಳು ಚಿತ್ರಪ್ರೇಮಿಗಳನ್ನು ಮಂತ್ರ ಮುಗ್ಧಗೊಳಿಸಿರು ವುದಂತೂ ನಿಜ. ದಿವಾನಾ,ದಿಲ್‌ವಾಲೆ ದುಲ್ಹನಿಯಾ ಲೇ ಜಾಯೆಂಗೇ, ಕುಚ್‌ಕುಚ್ ಹೋತಾ ಹೆ, ಕಬಿ ಖುಷಿ ಕಬಿ ಗಮ್ ಇತ್ಯಾದಿ ಪ್ರಣಯಕಥೆಯಾಧಾರಿತ ಅವರ ಚಿತ್ರಗಳು ಇಂದಿಗೂ ಬಾಲಿವುಡ್ ಪ್ರೇಕ್ಷಕರ ಮನದಂಗಳದಲ್ಲಿ ಚಿರಸ್ಥಾಯಿಯಾಗಿ ನೆಲೆಸಿವೆ.

   ಆದ್ಯಾಕೋ ಶಾರುಕ್ ಇತ್ತೀಚಿನ ವರ್ಷಗಳಲ್ಲಿ ರೋಮ್ಯಾಂಟಿಕ್ ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದೇ ಕಡಿಮೆ. ಇದೀಗ ಪ್ರೇಕ್ಷಕರ ಬಹುಕಾಲದ ಬೇಡಿಕೆಯನ್ನು ಈಡೇರಿಸ ಹೊರಟಿರುವ ಶಾರುಕ್ ಮತ್ತೆ ರೋಮ್ಯಾಂಟಿಕ್ ಸ್ಟಾರ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಹೌದು. ಹ್ಯಾರಿ ಮೆಟ್ ಸೆಜಾಲ್ ಒಂದು ಅಪ್ಪಟ ಪ್ರಣಯ ಕಥಾಪ್ರಧಾನ ಚಿತ್ರವಂತೆ. ಹಾಗಂತ ಇತ್ತೀಚೆಗೆ ಜಾಲತಾಣಗಳಲ್ಲಿ ಪ್ರಸಾರವಾಗಿರುವ ಆ ಚಿತ್ರದ ಟ್ರೇಲರ್ ತುಣುಕುಗಳೇ ಸಾಬೀತುಪಡಿಸಿವೆ. ಅನುಷ್ಕಾ ಶರ್ಮಾ ನಾಯಕಿಯಾಗಿ ನಟಿಸುತ್ತಿ ರುವ ಈ ಚಿತ್ರಕ್ಕೆ ಇಮ್ತಿಯಾಝ್ ಅಲಿ ನಿರ್ದೇಶಕ.

ರಬ್‌ನೇ ಬನಾ ದಿ ಜೋಡಿ ಹಾಗೂ ಜಬ್ ತಕ್ ಹೆ ಜಹಾನ್ ಚಿತ್ರದ ಬಳಿಕ ಅನುಷ್ಕಾ ಹಾಗೂ ಶಾರುಕ್ ಜೊತೆಯಾಗಿ ಅಭಿನಯಿಸುತ್ತಿರುವ ಮೂರನೆ ಚಿತ್ರ ಇದಾಗಿದೆ. ಮೊದಲ ಎರಡು ಚಿತ್ರಗಳಲ್ಲಿ ಗೆಲುವಿನ ನಗೆಬೀರಿದ್ದು, ಹ್ಯಾರಿ ಮೆಟ್ ಸೆಜಾಲ್ ಕೂಡಾ ಈ ಜೋಡಿಯ ಯಶಸ್ಸಿನ ಸರಣಿಯನ್ನು ಮುಂದುವರಿಸುವುದರಲ್ಲಿ ಸಂದೇಹವಿಲ್ಲ ಎಂಬ ಮಾತುಗಳು ಬಾಲಿವುಡ್‌ನಲ್ಲಿ ಕೇಳಿಬರುತ್ತಿವೆ. ಚಿತ್ರದಲ್ಲಿ ಶಾರುಕ್ ಓರ್ವ ಟೂರಿಸ್ಟ್ ಗೈಡ್ ಪಾತ್ರದಲ್ಲಿ ನಟಿಸುತ್ತಿದ್ದು, ಅನುಷ್ಕಾ ಪ್ರವಾಸಿಗಳಾಗಿ ಕಾಣಿಸಿಕೊಂಡಿದ್ದಾರೆ. ಪಂಜಾಬ್ ಹಾಗೂ ಯುರೋಪ್‌ನ ಹಲವೆಡೆ ಚಿತ್ರೀಕರಣ ನಡೆಯಲಿದ್ದು, ಎಲ್ಲಾ ಸರಿಹೋದಲ್ಲಿ ಮುಂದಿನ ವರ್ಷದ ಆರಂಭದಲ್ಲಿ ಚಿತ್ರ ಬೆಳ್ಳಿತೆರೆಯಲ್ಲಿ ಮೂಡಿಬರಲಿದೆ.