ಡಿಸೆಂಬರ್ ನಲ್ಲೇ ಕೊಹ್ಲಿ-ಅನುಷ್ಕಾ ಮದುವೆ?

ಹೊಸದಿಲ್ಲಿ, ಡಿ.6: ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಹಾಗು ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಡಿಸೆಂಬರ್ ನಲ್ಲಿ ಇಟಲಿಯಲ್ಲಿ ವಿವಾಹವಾಗಿಲಿದ್ದಾರೆ ಎಂದು hindustantimes.com ವರದಿ ಮಾಡಿದೆ.

ಡಿಸೆಂಬರ್ 9ರಿಂದ 11ರೊಳಗೆ ವಿವಾಹ ನಡೆಯಲಿದ್ದು, ಸದ್ಯದಲ್ಲೇ ಈ ಇಬ್ಬರು ಇಟಲಿಗೆ ಪ್ರಯಾಣಿಸಲಿದ್ದಾರೆ ಎನ್ನಲಾಗಿದೆ. ಟೀ ಇಂಡಿಯಾ ಕ್ಯಾಪ್ಟನ್ ಕೊಹ್ಲಿ ಸದ್ಯಕ್ಕೆ ಅಂತಾರಾಷ್ಟ್ರೀಯ ಕ್ರಿಕೆಟ್ ನಿಂದ ಸಣ್ಣ ಬ್ರೇಕ್ ಪಡೆದುಕೊಂಡಿದ್ದಾರೆ.

2013ರಲ್ಲಿ ಟಿವಿ ಜಾಹೀರಾತು ಒಂದರಲ್ಲಿ ನಟಿಸುವ ವೇಳೆ ಕೊಹ್ಲಿ ಹಾಗು ಅನುಷ್ಕಾ ಭೇಟಿಯಾಗಿದ್ದು, ನಂತರ  ಅವರಿಬ್ಬರು ಜೊತೆಯಾಗಿ ಕಾಣಿಸಿಕೊಳ್ಳುತ್ತಿದ್ದರು.