ಗಾನಲೋಕದ ದಿಗ್ಗಜ ಮುಹಮ್ಮದ್ ರಫಿಯವರಿಗೆ ಗೂಗಲ್ ನಿಂದ 'ಡೂಡಲ್' ಗೌರವ
Update: 2017-12-24 14:16 GMT
ಹೊಸದಿಲ್ಲಿ, ಡಿ.24: ಗಾನಲೋಕದ ದಿಗ್ಗಜ, ಗಾಯಕ ಮುಹಮ್ಮದ್ ರಫಿಯವರ 93ನೆ ಹುಟ್ಟುಹಬ್ಬದ ಸಂದರ್ಭ ಗೂಗಲ್ ತನ್ನ ಡೂಡಲ್ ಮೂಲಕ ಅವರಿಗೆ ಗೌರವ ಸಲ್ಲಿಸಿದೆ.
ಮುಂಬೈ ಮೂಲಕ ಇಲ್ಲಸ್ಟ್ರೇಟರ್ ಸಾಜಿದ್ ಶೈಖ್ ರಚಿಸಿರುವ ಈ ಡೂಡಲ್, “ಸ್ಟುಡಿಯೋದಿಂದ ಆರಂಭಗೊಂಡ ಮುಹಮ್ಮದ್ ರಫಿಯವರ ಹಾಡುಗಳು, ಬೆಳ್ಳಿತೆರೆಗೆ ತಲುಪಿ ಅಲ್ಲಿಂದ ಅಭಿಮಾನಿಗಳ ಹೃದಯದಲ್ಲಿ ನೆಲೆನಿಂತ ಪಯಣವನ್ನು ಬಿಂಬಿಸುತ್ತದೆ”
“ತನ್ನ ಹಾಡುಗಳ ಪದಗಳ ಮೂಲಕ ತನ್ನದೇ ಆದ ಪರಂಪರೆಯೊಂದನ್ನು ಬರೆದ ವ್ಯಕ್ತಿ” ಎಂದು ಗೂಗಲ್ ಇಂಡಿಯಾದ ಟ್ವಿಟರ್ ಹ್ಯಾಂಡಲ್ 5 ಸಾವಿರದಷ್ಟು ಹಾಡುಗಳನ್ನು ಹಾಡಿದ ರಫಿಯವರನ್ನು ಹೊಗಳಿದೆ.
1967ರಲ್ಲಿ ಭಾರತ ಸರಕಾರವು ರಫಿಯವರಿಗೆ ಪದ್ಮ ಶ್ರೀ ನೀಡುವ ಮೂಲಕ ಗೌರವಿಸಿದೆ. 1977ರಲ್ಲಿ ‘ಕಮ್ ಕಿಸೀಸೆ ಕಮ್ ನಹೀನ್’ ಚಿತ್ರದ ‘ಕ್ಯಾ ಹುವಾ ತೇರಾ ವಾದಾ’ ಹಾಡಿಗಾಗಿ ಮುಹಮ್ಮದ್ ರಫಿಯವರು ರಾಷ್ಟ್ರ ಪ್ರಶಸ್ತಿಯನ್ನು ಗೆದ್ದಿದ್ದಾರೆ.