ಕಿರುತೆರೆಯಲ್ಲೂ ಸಲ್ಮಾನ್ ಹೊಸ ದಾಖಲೆ

ಸಲ್ಮಾನ್ ಖಾನ್ ಈಗ ಮುಟ್ಟಿದ್ದೆಲ್ಲ ಚಿನ್ನವಾಗುತ್ತಿದೆ. ಕಳೆದ ಕೆಲವು ವರ್ಷಗಳಿಂದ ಸಾಲುಸಾಲು ಹಿಟ್ ಚಿತ್ರಗಳನ್ನು ನೀಡುತ್ತಾ ಬಂದಿರುವ ಈ ಬಾಲಿವುಡ್ ಸುಲ್ತಾನ್‌ನ ಇತ್ತೀಚಿನ ಚಿತ್ರ ‘ಟೈಗರ್ ಜಿಂದಾ ಹೈ’ ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಯಶಸ್ವಿಯಾಗಿದೆ. ಈ ಮಧ್ಯೆ ಈ ವರ್ಷ ಸಲ್ಮಾನ್ ಕಿರುತೆರೆಯಲ್ಲೂ ಹೊಸ ದಾಖಲೆ ನಿರ್ಮಿಸಿದ್ದಾರೆ. ಅವರು ಆ್ಯಂಕರಿಂಗ್ ಮಾಡುತ್ತಿರುವ ಬಿಗ್‌ಬಾಸ್ ರಿಯಾಲಿಟಿ ಶೋ, ಕಿರುತೆರೆಯಲ್ಲಿ ಅತ್ಯಂತ ಗರಿಷ್ಠ ಸಂಖ್ಯೆಯ ವೀಕ್ಷಕರಿಂದ ವೀಕ್ಷಿಸಲ್ಪಡುತ್ತಿರುವ ಕಾರ್ಯಕ್ರಮವೆಂಬ ದಾಖಲೆಯನ್ನು ನಿರ್ಮಿಸಿದೆ. ಹೀಗೆ ಸಲ್ಮಾನ್ ಖಾನ್ ಬಿಗ್‌ಸ್ಕ್ರೀನ್‌ನಲ್ಲಿ ಮಾತ್ರವಲ್ಲ ಕಿರುತೆರೆಯಲ್ಲೂ ದಾಖಲೆಯನ್ನು ಪುಡಿಗಟ್ಟಿದ್ದಾರೆ. ಬಿಗ್‌ಬಾಸ್ ಸೀಸನ್ 11, ಗರಿಷ್ಠ 3.9 ಅಂಕಗಳ ಟಿವಿ ಪ್ರೈಮ್‌ಟೈಮ್ ರೇಟಿಂಗ್ ದೊರೆತಿದ್ದು, ಇದು ಅತ್ಯಧಿಕವೆನ್ನಲಾಗಿದೆ.

ಡಿಸೆಂಬರ್‌ನಲ್ಲಿ ತೆರೆಕಂಡ ‘ಟೈಗರ್ ಜಿಂದಾ ಹೈ’ ಬರೋಬ್ಬರಿ 338 ಕೋಟಿ ರೂ.ಗಳನ್ನು ಗಳಿಸಿದ್ದು, ತನ್ನ ಗೆಲುವಿನ ನಾಗಾಲೋಟವನ್ನು ಮುಂದುವರಿಸಿದೆ. ಇಷ್ಟೇ ಅಲ್ಲದೆ, ಕಿರುತೆರೆಯಲ್ಲಿ ಅತ್ಯಧಿಕವಾಗಿ ಪ್ರೇಕ್ಷಕರಿಂದ ವೀಕ್ಷಿಸಲ್ಪಟ್ಟ ವ್ಯಕ್ತಿಯೆಂಬ ದಾಖಲೆಯೂ ಅವರ ಪಾಲಾಗಿದೆ. ಬೆಳ್ಳಿತೆರೆಯಲ್ಲಾಗಲಿ,ಕಿರುತೆರೆಯಾಗಲಿ ಸಲ್ಮಾನ್‌ಖಾನ್ ಪ್ರೇಕ್ಷಕರ ಕಣ್ಮಣಿಯೆಂಬು ದನ್ನು ಈ ದಾಖಲೆಗಳು ಸಾಬೀತುಪಡಿಸಿವೆ. ಈಗ ಸಲ್ಮಾನ್ ರೆಮೊ ಡಿಸೋಜಾ, ನಿರ್ದೇಶಿಸುತ್ತಿರುವ ‘ರೇಸ್ 3’ಯ ಶೂಟಿಂಗ್‌ನಲ್ಲಿ ತನ್ನನ್ನು ತೊಡಗಿಸಿಕೊಂಡಿ ದ್ದಾರೆ. ಕಿಕ್ ಬಳಿಕ ಜಾಕ್ವೆಲಿನ್ ಡಿಸೋಜಾ ಮತ್ತೊಮ್ಮೆ ಈ ಚಿತ್ರದಲ್ಲಿ ಸಲ್ಮಾನ್‌ಗೆ ನಾಯಕಿಯಾಗಿ ನಟಿಸುತ್ತಿದ್ದಾ ರೆ. ಬಾಬಿ ಡಿಯೋಲ್, ಅನಿಲ್ ಕಪೂರ್, ಸಾಖಿಬ್ ಸಲೀಂ ಹಾಗೂ ಡೈಸಿ ಶಾ ಅವರ ಭರ್ಜರಿ ತಾರಾಗಣ ವಿರುವ ‘ರೇಸ್ 3’ ಈ ವರ್ಷದ ಬಹುನಿರೀಕ್ಷಿತ ಬಾಲಿವುಡ್ ಚಿತ್ರಗಳಲ್ಲೊಂದಾಗಿದೆ.

‘ರೇಸ್ 3’ ಚಿತ್ರೀಕರಣ ಪೂರ್ತಿಯಾಗುತ್ತಿ ದ್ದಂತೆಯೇ ಸಲ್ಮಾನ್ ‘ಭಾರತ್’ ಚಿತ್ರಕ್ಕಾಗಿ ಬಣ್ಣ ಹಚ್ಚ ಲಿದ್ದಾರೆ. ಕೊರಿಯನ್ ಭಾಷೆಯ ಚಿತ್ರವೊಂದರ ರಿಮೇಕ್ ಆಗಿರುವ ಈ ಸಿನೆಮಾದಲ್ಲಿ ಸಲ್ಮಾನ್ 70 ವರ್ಷದ ಮುದುಕನ ಅವತಾರದಲ್ಲೂ ಕಾಣಿಸಿಕೊಳ್ಳ ಲಿದ್ದಾರೆ.