ಬಾಟ್ಲಾಹೌಸ್ ನಲ್ಲಿ ಜಾನ್ ಅಬ್ರಹಾಂ

ಬಾಲಿವುಡ್‌ನಲ್ಲಿ ನೈಜ ಘಟನೆಗಳನ್ನು ಆಧರಿಸಿದ ಕಥಾವಸ್ತುವಿರುವ ಚಿತ್ರಗಳ ಮಹಾಪೂರವೇ ಈಗ ಹರಿದುಬರುತ್ತಿದೆ. ನಿಖಿಲ್ ಅಡ್ವಾಣಿ ನಿರ್ದೇಶನದ ಬಾಟ್ಲಾ ಹೌಸ್ ಕೂಡಾ ಆ ಸಾಲಿಗೆ ಸೇರುತ್ತದೆ. 2008ರ ಸೆಪ್ಟಂಬರ್ 19ರಂದು ಹೊಸದಿಲ್ಲಿಯ ಬಾಟ್ಲಾಹೌಸ್ ಪ್ರದೇಶದಲ್ಲಿ ನಡೆದ ಎನ್‌ಕೌಂಟರ್ ಘಟನೆಯ ಕುರಿತಾದ ಕಥಾವಸ್ತುವನ್ನು ಹೊಂದಿರುವ ಈ ಚಿತ್ರದಲ್ಲಿ ಜಾನ್ ಅಬ್ರಹಾಂ ನಾಯಕನಾಗಿ ಅಭಿನಯಿಸುತ್ತಿದ್ದಾರೆ. 9 ಶೌರ್ಯ ಪುರಸ್ಕಾರಗಳನ್ನು ಪಡೆದಿರುವ ಡಿಸಿಪಿ ಸಂಜೀವ್ ಕುಮಾರ್ ಯಾದವ್ ಪಾತ್ರದಲ್ಲಿ ಅವರು ಕಾಣಿಸಿಕೊಳ್ಳಲಿದ್ದಾರೆ. ಕುತೂಹಲಕರವೆಂದರೆ ಇನ್ನಷ್ಟೇ ತೆರೆಕಾಣಬೇಕಿರುವ ಸೂಪರ್30 ಚಿತ್ರದ ನಾಯಕಿ ಮೃಣಾಲ್ ಥಾಕೂರ್, ಬಾಟ್ಲಾ ಹೌಸ್‌ನಲ್ಲಿ ಮುಖ್ಯ ಪಾತ್ರದಲ್ಲಿ ನಟಿಸಲಿದ್ದಾರೆ. ಚಿತ್ರದಲ್ಲಿ ಆಕೆ, ಡಿಸಿಪಿ ಸಂಜೀವ್ ಕುಮಾರ್‌ರ ಪತ್ನಿಯ ಪಾತ್ರವನ್ನು ನಿರ್ವಹಿಸಲಿದ್ದಾರೆ.

ಯಾವುದೇ ನಿರ್ದಿಷ್ಟವಾದ ಇಮೇಜ್ ಹೊಂದಿರದ ಅದರೆ ಅತ್ಯಂತ ಪ್ರತಿಭಾವಂತ ಳಾದ ನಟಿಯನ್ನೇ ಈ ಚಿತ್ರದ ನಾಯಕಿ ಪಾತ್ರಕ್ಕೆ ತೆಗೆದುಕೊಳ್ಳಲು ನಿಖಿಲ್ ಅಡ್ವಾಣಿ ಬಯಸಿದ್ದರು. ಈ ಪಾತ್ರಕ್ಕೆ ಮೃಣಾಲ್ ಚೆನ್ನಾಗಿ ಒಪ್ಪುತ್ತಾರೆ. ಈ ಕಾರಣದಿಂದಲೇ ಆಕೆನ್ನು ನಾಯಕಿ ಪಾತ್ರಕ್ಕೆ ಆಯ್ಕೆ ಮಾಡಲಾಗಿದೆ. ಚಿತ್ರದ ಶೂಟಿಂಗ್ ಅಕ್ಟೋಬರ್ 20ರಂದು ನಡೆಯಲಿದ್ದು, ಮೃಣಾಲ್ ನವೆಂಬರ್ 1ರಂದು ಶೂಟಿಂಗ್‌ಗೆ ಸೇರ್ಪಡೆಗೊಳ್ಳಲಿದ್ದಾರೆ ಡಿಸಿಪಿ ಸಂಜೀವ್ ಕುಮಾರ್ ಯಾದವ್ ಹಾಗೂ ಪ್ರಸಿದ್ಧ ಹಿಂದಿ ಸುದ್ದಿವಾಹಿನಿಯೊಂದರ ನಿರೂಪಕಿಯಾದ ಅವರ ಪತ್ನಿ ಶೋಭನಾ ನಡುವಿನ ಬಾಂಧವ್ಯವು ಈ ಚಿತ್ರದ ಕಥೆಯಲ್ಲಿ ಮಹತ್ವದ ಭಾಗವಾಗಿದೆ.

 ಲಕ್ನೋದಲ್ಲಿ 30 ದಿನಗಳ ಚಿತ್ರೀಕರಣ ಪೂರ್ಣಗೊಳಿಸಿದ ಬಳಿಕ ಬಾಟ್ಲಾಹೌಸ್ ಮುಂಬೈನಲ್ಲೂ ಬಿರುಸಿನ ಶೂಟಿಂಗ್ ನಡೆಸಲಿದೆ. ಪ್ರಸಕ್ತ ಲವ್ ಸೋನಿಯಾ ಚಿತ್ರವನ್ನು ವಿಶ್ವಸಂಸ್ಥೆಯಲ್ಲಿ ಪ್ರದರ್ಶಿಸುವ ತರಾತುರಿಯಲ್ಲಿರುವ ಮುಕುಲ್‌ಗೆ,ತನಗೆ ನಿಖಿಲ್ ಅಡ್ವಾಣಿ ನಿರ್ದೇಶನದಲ್ಲಿ ನಟಿಸುವ ಅವಕಾಶ ದೊರೆತಿರುವುದು ತುಂಬಾ ಸಂತಸ ತಂದಿದೆ. ಈಗಾಗಲೇ ತಾನು ಟಿವಿ ಸುದ್ದಿ ನಿರೂಪಕಿಯರ ಮ್ಯಾನರಿಸಂ ಗಳನ್ನು ಚೆನ್ನಾಗಿ ಅಧ್ಯಯನ ಮಾಡಿದ್ದಾಗಿ ಆಕೆ ಹೇಳುತ್ತಾರೆ. ಈಗಾಗಲೇ ತಾನು ಕೆಲವು ಟಿವಿ ನಿರೂಪಕಿಯರನ್ನು ಭೇಟಿಯಾಗಿ ಚರ್ಚಿಸಿದ್ದಾಗಿಯೂ ಆಕೆ ಹೇಳುತ್ತಾರೆ.