ವಿಕಿಲೀಕ್ಸ್ ಸಂಸ್ಥಾಪಕ ಜೂಲಿಯನ್ ಅಸ್ಸಾಂಜ್ ಗೆ 50 ವಾರಗಳ ಜೈಲು ಶಿಕ್ಷೆ

ಲಂಡನ್, ಮೇ 1: ವಿಕಿಲೀಕ್ಸ್ ಸಹ ಸಂಸ್ಥಾಪಕ ಜೂಲಿಯನ್  ಅಸ್ಸಾಂಜ್ ಗೆ ಜಾಮೀನು ಕಾಯಿದೆ ಉಲ್ಲಂಘನೆ ಮಾಡಿದ ಆರೋಪದಲ್ಲಿ ಬ್ರಿಟನ್ ನ ನ್ಯಾಯಾಲಯ 50 ವಾರಗಳ ಜೈಲು ಶಿಕ್ಷೆ ವಿಧಿಸಿದೆ.

ಜೂಲಿಯನ್ ಅಸ್ಸಾಂಜ್  ಜಾಮೀನು ಕಾಯ್ದೆಯನ್ನು ಉಲ್ಲಂಘಿಸಿರುವುದು ಕಳೆದ ತಿಂಗಳು ದೃಢಪಟ್ಟಿತ್ತು.

 2012ರಿಂದ ಇಂಗ್ಲೆಂಡ್​ನಲ್ಲಿ ತಲೆಮರೆಸಿಕೊಂಡಿದ್ದ ಜೂಲಿಯನ್ ಅಸ್ಸಾಂಜ್ ಅವರನ್ನು ಎ.12ರಂದು  ಬಂಧಿಸಲಾಗಿತ್ತು.

ಜೂಲಿಯನ್ ಅಸ್ಸಾಂಜ್ ಅಮೆರಿಕ ಸರ್ಕಾರದ ಅತ್ಯಂತ ಮಹತ್ವದ ದಾಖಲೆಗಳನ್ನು ತನ್ನ ವೆಬ್​ಸೈಟ್​ನಲ್ಲಿ ಲೀಕ್ ಮಾಡಿ ಅಮೆರಿಕಕ್ಕೆ ತಲೆನೋವಾಗಿ ಪರಿಣಮಿಸಿದ್ದರು.