ಇದು ಪಟಾಕಿ ಸಿಡಿಸುವ ಸಮಯವಲ್ಲ: ಬಿಜೆಪಿ ಸಂಸದ ಗೌತಮ್ ಗಂಭೀರ್

ಹೊಸದಿಲ್ಲಿ: ರವಿವಾರ ರಾತ್ರಿ 9 ಗಂಟೆಗೆ ಪಟಾಕಿ ಸಿಡಿಸಿರುವವರ ಬಗ್ಗೆ ಅಸಮಾದಾನ ವ್ಯಕ್ತಪಡಿಸಿರುವ ಮಾಜಿ ಕ್ರಿಕೆಟಿಗ, ಬಿಜೆಪಿ ಸಂಸದ ಗೌತಮ್ ಗಂಭೀರ್, 'ಮನೆಯಲ್ಲೇ ಇರಿ' ಎಂದು ವಿನಂತಿಸಿದ್ದಾರೆ.

ಒಗ್ಗಟ್ಟು ಪ್ರದರ್ಶನಕ್ಕೆ ಪ್ರಧಾನಿ ಕರೆ ನೀಡಿದ್ದರೆ, ಕೆಲವರು ಪಟಾಕಿಗಳನ್ನು ಸಿಡಿಸಿದ್ದರು. ಈ ಬಗ್ಗೆ ಟ್ವೀಟ್ ಮಾಡಿರುವ ಗಂಭೀರ್, "ಮನೆಯೊಳಗೆ ಇರಿ, ನಾವು ಹೋರಾಟದ ಅರ್ಧದಲ್ಲಿದ್ದೇವೆ. ಇದು ಪಟಾಕಿ ಸಿಡಿಸುವ ಸಮಯವಲ್ಲ " ಎಂದು ಹೇಳಿದ್ದಾರೆ.

ಪಟಾಕಿ ಸಿಡಿಸಿ ಮನೆಯೊಂದರಲ್ಲಿ ಬೆಂಕಿ ಅವಘಡ ಸಂಭವಿಸಿರುವ ಬಗ್ಗೆ ಪ್ರತಿಕ್ರಿಯಿಸಿರುವ ಮತ್ತೊಬ್ಬ ಕ್ರಿಕೆಟಿಗ ಹರ್ಭಜನ್ ಸಿಂಗ್, "ನಾವು ಕೊರೋನಗೆ ಮದ್ದು ಕಂಡು ಹಿಡಿಯಬಹುದು. ಆದರೆ ಮೂರ್ಖತನಕ್ಕೆ ಮದ್ದನ್ನು ಕಂಡು ಹಿಡಿಯುವುದು ಹೇಗೆ?" ಎಂದು ಪ್ರಶ್ನಿಸಿದ್ದಾರೆ.

INDIA, STAY INSIDE!

We are still in the middle of a fight
Not an occasion to burst crackers ! #IndiaFightsCorona

— Gautam Gambhir (@GautamGambhir) April 5, 2020