ಉತ್ತರಪ್ರದೇಶದ ಫತೇಪುರ್‌ ನ ಗಂಗಾ ನದಿಯಲ್ಲಿ ಆರು ಮೃತದೇಹಗಳು ತೇಲುತ್ತಿರುವ ಸ್ಥಿತಿಯಲ್ಲಿ ಪತ್ತೆ

ಫತೇಪುರ ಜಿಲ್ಲೆಯ ಗಂಗಾ ನದಿಯಿಂದ ಉತ್ತರ ಪ್ರದೇಶದ ಪೊಲೀಸರು ಕೊರೋನ ವೈರಸ್ ರೋಗಿಗಳೆಂದು ಶಂಕಿಸಲಾಗಿರುವ ಆರು ಮೃತದೇಹಗಳನ್ನು ವಶಪಡಿಸಿಕೊಂಡಿದ್ದಾರೆ ಎಂದು PTI ಸೋಮವಾರ ವರದಿ ಮಾಡಿದೆ. ಉತ್ತರ ಪ್ರದೇಶ, ಮಧ್ಯಪ್ರದೇಶ ಮತ್ತು ಬಿಹಾರ ಜಿಲ್ಲೆಗಳಿಂದ ಇತ್ತೀಚೆಗೆ ಮೃತದೇಹಗಳನ್ನು ನದಿಗೆ ಎಸೆಯುತ್ತಿರುವ ಮತ್ತು ನದಿ ದಡಗಳಲ್ಲಿನ ಮರಳಿನಲ್ಲಿ ಹೂಳಲಾದ ವಿವಿಧ ಘಟನೆಗಳು ವರದಿಯಾಗಿತ್ತು.

ಮೃತದೇಹಗಳ ಬಗ್ಗೆ ಭಾನುವಾರ ಮಾಹಿತಿ ನೀಡಿದ ನಂತರ ಶವಗಳನ್ನು ಹಿಂಪಡೆಯಲು ಶೋಧ ಕಾರ್ಯಾಚರಣೆ ಆರಂಭಿಸಲಾಗಿದೆ ಎಂದು ಫತೇಪುರ ಉಪ ವಿಭಾಗೀಯ ಮ್ಯಾಜಿಸ್ಟ್ರೇಟ್ ಪ್ರಮೋದ್ ಝಾ ತಿಳಿಸಿದ್ದಾರೆ. ನಂತರ ಸೋಮವಾರ, ಕರೋನವೈರಸ್ ಪ್ರೋಟೋಕಾಲ್‌ ಗಳಿಗೆ ಅನುಸಾರವಾಗಿ ಶವಗಳನ್ನು ದಹನ ಮಾಡಲಾಯಿತು ಎಂದು ಝಾ ಹೇಳಿದರು. ಶವಗಳು ಹೆಚ್ಚು ಕೊಳೆತು ಹೋಗಿದ್ದರಿಂದ ಅವುಗಳನ್ನು ಗುರುತಿಸಲು ಸಾಧ್ಯವಿಲ್ಲ ಎಂದು ಅವರು ಈ ವೇಳೆ ತಿಳಿಸಿದರು.

ಈ ತಿಂಗಳ ಆರಂಭದಲ್ಲಿ ಇದೇ ರೀತಿಯ ಹಲವಾರು ಘಟನೆಗಳು ವರದಿಯಾಗಿವೆ. ಗಂಗಾ ಮತ್ತು ಅದರ ಉಪನದಿಗಳಲ್ಲಿ ಶವಗಳನ್ನು ವಿಲೇವಾರಿ ಮಾಡುವುದನ್ನು ತಡೆಯಲು ಕೇಂದ್ರವು ಮೇ 16 ರಂದು ಉತ್ತರ ಪ್ರದೇಶ ಮತ್ತು ಬಿಹಾರದಲ್ಲಿ ಅಧಿಕಾರಿಗಳಿಗೆ ನಿರ್ದೇಶನ ನೀಡಿತ್ತು.

ಇದರ ಬೆನ್ನಲ್ಲೇ, ರಾಷ್ಟ್ರೀಯ ಮಾನವ ಹಕ್ಕುಗಳ ಆಯೋಗವು ಕೇಂದ್ರ ಸರ್ಕಾರಕ್ಕೆ, ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಸಲಹೆಯನ್ನು ಬಿಡುಗಡೆ ಮಾಡಿ, ಸತ್ತವರ ಘನತೆಯನ್ನು ಎತ್ತಿ ಹಿಡಿಯಲು ವಿಶೇಷ ಕಾನೂನು ರೂಪಿಸಬೇಕೆಂದು ಒತ್ತಾಯಿಸಿತ್ತು.ತೇಲುತ್ತವೆ ಅಥವಾ ಹೂಳಲ್ಪಟ್ಟವು.