"ಮೋದಿ ಆಡಳಿತದ ಅವಧಿಯಲ್ಲಿ 35,000 ಶ್ರೀಮಂತ ಉದ್ಯಮಿಗಳು ದೇಶ ತೊರೆದಿದ್ದಾರೆ": ಕೊಲ್ಕತ್ತಾ ಸಚಿವ
Update: 2021-10-21 12:06 GMT
ಕೊಲ್ಕತ್ತಾ: ಕೇಂದ್ರದಲ್ಲಿ ನರೇಂದ್ರ ಮೋದಿ ಸರಕಾರದ ಅವಧಿಯಲ್ಲಿ 2014ರಿಂದ 2020ರ ನಡುವೆ 35,000 ಶ್ರೀಮಂತ ಉದ್ಯಮಿಗಳು ದೇಶವನ್ನು ತೊರೆದಿದ್ದಾರೆ, ಎಂದು ಪಶ್ಚಿಮ ಬಂಗಾಳ ವಿತ್ತ ಸಚಿವ ಅಮಿತ್ ಮಿತ್ರ ಹೇಳಿದ್ದಾರೆ.
ಇದು "ಭೀತಿ" ಯಿಂದಾಗಿರಬಹುದೇ ಎಂದು ಪ್ರಶ್ನಿಸಿದ ಅವರು ಭಾರತೀಯ ಉದ್ಯಮಿಗಳು ಈ ರೀತಿ ದೇಶವನ್ನು ತೊರೆದಿರುವ ಕುರಿತಂತೆ ಪ್ರಧಾನಿ ಮೋದಿ ಸಂಸತ್ತಿನಲ್ಲಿ ಶ್ವೇತಪತ್ರ ಮಂಡಿಸಬೇಕು ಎಂದು ಟ್ವೀಟ್ ಮಾಡಿದ್ದಾರೆ.
ಅಧ್ಯಯನ ವರದಿಗಳನ್ನು ಉಲ್ಲೇಖಿಸಿದ ಮಿತ್ರ, "2014-18 ಅವಧಿಯಲ್ಲಿ 23,000 ಶ್ರೀಮಂತ ಉದ್ಯಮಿಗಳು ದೇಶವನ್ನು ತೊರೆದಿದ್ದಾರೆ (ಮೋರ್ಗನ್ ಸ್ಟೇನ್ಲಿ ವರದಿ) ಇದು ಜಗತ್ತಿನಲ್ಲಿಯೇ ಅತ್ಯಂತ ಹೆಚ್ಚು. 7,000 ಮಂದಿ ಭಾರತವನ್ನು 2019ರಲ್ಲಿ (ಆಫ್ರ್ಏಷ್ಯಾ ಬ್ಯಾಂಕ್) ಹಾಗೂ 5,000 ಮಂದಿ 2020ರಲ್ಲಿ ತೊರೆದಿದ್ದರು( ಜಿಡಬ್ಲ್ಯುಎಂ ರಿವೀವ್)'' ಎಂದು ಮಿತ್ರ ಟ್ವೀಟ್ ಮಾಡಿದ್ದಾರೆ.