ಈ ಬಾರಿ 23 ಮುಸ್ಲಿಂ ಅಭ್ಯರ್ಥಿಗಳು ಯುಪಿಎಸ್‌ಸಿ ಉತ್ತೀರ್ಣ: ಅರೀಬಾ ನೋಮಾನ್‌ಗೆ 109 ನೇ ರ‍್ಯಾಂಕ್

ಹೊಸದಿಲ್ಲಿ: ಕೇಂದ್ರ ಲೋಕಸೇವಾ ಆಯೋಗ (ಯುಪಿಎಸ್‌ಸಿ) ಸೋಮವಾರ ನಾಗರಿಕ ಸೇವಾ ಪರೀಕ್ಷೆ-2021 ಫಲಿತಾಂಶಗಳನ್ನು ಪ್ರಕಟಿಸಿದೆ. ಶ್ರುತಿ ಶರ್ಮಾ ಮೊದಲ ಸ್ಥಾನದಲ್ಲಿದ್ದರೆ, ಅಂಕಿತಾ ಅಗರ್ವಾಲ್ ಮತ್ತು ಗಾಮಿನಿ ಸಿಂಗ್ಲಾ ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಗಳಿಸಿದ್ದಾರೆ. 508 ಪುರುಷ ಹಾಗೂ 177 ಮಹಿಳೆ ಸೇರಿದಂತೆ ಒಟ್ಟು 685 ಅಭ್ಯರ್ಥಿಗಳು ಉತ್ತೀರ್ಣರಾಗಿದ್ದಾರೆ ಎಂದು ಆಯೋಗ ತಿಳಿಸಿದೆ. 685 ಅಭ್ಯರ್ಥಿಗಳ ಪೈಕಿ 23 ಮುಸ್ಲಿಂ ಅಭ್ಯರ್ಥಿಗಳು ಪರೀಕ್ಷೆಯಲ್ಲಿ ತೇರ್ಗಡೆಯಾಗಿ ಸಾರ್ವಜನಿಕ ಸೇವೆಗೆ ಅರ್ಹತೆ ಪಡೆದಿದ್ದಾರೆ. ಅರೀಬಾ ನೋಮಾನ್ 109 ರ್ಯಾಂಕ್ ಗಳಿಸಿದ್ದಾರೆ.

ಹಾಗಾಗಿ, ಅಖಿಲ ಭಾರತ ನಾಗರಿಕ ಸೇವೆಗಳಲ್ಲಿ ಮುಸ್ಲಿಮರ ಸಂಖ್ಯೆಯು ಸುಮಾರು ಮೂರು ಪ್ರತಿಶತಕ್ಕೆ ಇಳಿದಿದೆ. ಇದು ಕಳೆದ ದಶಕದಲ್ಲಿ ಮುಸ್ಲಿಂ ಅಭ್ಯರ್ಥಿಗಳ ಅತ್ಯಂತ ಕಳಪೆ ಸಾಧನೆಯಾಗಿದೆ. ಕಳೆದ ವರ್ಷ 31 ಮುಸ್ಲಿಮರು, ಅಂದರೆ ಸುಮಾರು 4.07 ಪ್ರತಿಶತ ಅಭ್ಯರ್ಥಿಗಳು ನಾಗರಿಕ ಸೇವೆಗಳಿಗೆ ಪ್ರವೇಶ ಪಡೆದಿದ್ದರು.

ನಾಗರಿಕ ಸೇವೆಗಳ ಇತ್ತೀಚಿನ ಬ್ಯಾಚ್‌ನಲ್ಲಿ ಅರ್ಹತೆ ಪಡೆದ ಮುಸ್ಲಿಂ ಅಭ್ಯರ್ಥಿಗಳ ಸಂಪೂರ್ಣ ಪಟ್ಟಿ ಈ ಕೆಳಗಿನಂತಿದೆ. ಅವರ ಹೆಸರಿನ ಮುಂದೆ ಅವರ ರ್ಯಾಂಕ್‌ಗಳನ್ನು ಉಲ್ಲೇಖಿಸಲಾಗಿದೆ;

1: ಅರಿಬಾ ನೋಮನ್, 109

2: ಮಹಮ್ಮದ್ ಸಬೂರ್ ಖಾನ್, 125

3: ಸೈಯದ್ ಮುಸ್ತಫಾ ಹಶ್ಮಿ, 162

4: ಅಫ್ನಾನ್ ಅಬ್ದುಸ್ ಸಮದ್, 274

5: ಅರ್ಷದ್ ಮಹಮ್ಮದ್, 276

6: ಮಹಮ್ಮದ್ ಸಾಕಿಬ್ ಆಲಂ, 279

7: ಅಸ್ರಾರ್ ಅಹ್ಮದ್ ಕಿಚ್ಲೆವ್, 287

8: ಮಹಮ್ಮದ್ ಅಬ್ದುಲ್ ರೌಫ್ ಶೇಕ್, 309

9: ನಾಝಿಶ್ ಉಮರ್ ಅನ್ಸಾರಿ, 344

10: ಫೈಸಲ್ ಖಾನ್, 364

11: ಶುಮೈಲಾ ಚೌಧರಿ, 368

12: ಮಾವಿಸ್ ವರೆಗೆ, 386

13: ಮಹಮ್ಮದ್ ಕಮರುದ್ದೀನ್ ಖಾನ್, 414

14: ಮಹಮ್ಮದ್ ಶಬ್ಬೀರ್ 419

15: ಫೈಸಲ್ ರಝಾ, 441

16: ಮಾಸೂಮ್ ರಝಾ ಖಾನ್, 457

17: ಆಸಿಫ್ ಎ, 464

18: ತೆಹಸೀನಬಾನು ದವಾಡಿ, 483

19: ಶೇಖ್ ಮಹಮ್ಮದ್ ಝೈಬ್ ಝಾಕಿರ್, 496

20: ಮಹಮ್ಮದ್ ಸಿದ್ದೀಕ್ ಷರೀಫ್, 516

21: ಮಹಮ್ಮದ್ ಶೌಕತ್ ಅಝೀಂ, 545

22: ಅನ್ವರ್ ಹುಸೇನ್, 600

ಕಳೆದ 12 ವರ್ಷಗಳಲ್ಲಿ ಅವರ ಫಲಿತಾಂಶಗಳಿಗೆ ಹೋಲಿಸಿದರೆ ನಾಗರಿಕ ಸೇವೆಗಳ 2021 ಪರೀಕ್ಷೆಗಳಲ್ಲಿ ಮುಸ್ಲಿಂ ಅಭ್ಯರ್ಥಿಗಳ ಕಾರ್ಯಕ್ಷಮತೆಯು ಕೆಟ್ಟದಾಗಿದೆ. 2010 ರಲ್ಲಿ ಮುಸ್ಲಿಮರು ಕೊನೆಯ ಬಾರಿಗೆ ಕಳಪೆ ಪ್ರದರ್ಶನ ನೀಡಿದ್ದರು, ಒಟ್ಟು 875 ತೇರ್ಗಡೆ ಹೊಂದಿದವರಲ್ಲಿ 21 ಮಂದಿ ಮಾತ್ರ ಮುಸ್ಲಿಮ್‌ ಅಭ್ಯರ್ಥಿಗಳಿದ್ದರು.  ಅದಾಗ್ಯೂ, ಡಾ. ಶಾ ಫೈಸಲ್ ಎಂಬ ಮುಸ್ಲಿಂ ಅಭ್ಯರ್ಥಿಯು ಆ ವರ್ಷದಲ್ಲಿ ಮೊದಲ ರ್ಯಾಂಕ್ ಗಳಿಸಿದ್ದರು.