ಪುಷ್ಪ-3 ರ ಸುಳಿವು ನೀಡಿದ ಫಹದ್‌ ಫಾಸಿಲ್:‌ ಅಭಿಮಾನಿಗಳಲ್ಲಿ ತೀವ್ರಗೊಂಡ ನಿರೀಕ್ಷೆ

ಕೊಚ್ಚಿ: ತಮ್ಮ ಮುಂಬರುವ ʼಮಲಯಂಕುಂಜುʼ ಚಿತ್ರದ ಪ್ರಚಾರದ ನಡುವೆ ಬಹುಭಾಷಾ ನಟ ಫಹಾದ್ ಫಾಸಿಲ್ ಇತ್ತೀಚೆಗೆ ಬಿಡುಗಡೆಯಾದ ಪ್ಯಾನ್‌ ಇಂಡಿಯಾ ಪುಷ್ಪಾ ಚಿತ್ರದ ಕುರಿತು ಹೊಸ ಮಾಹಿತಿಯನ್ನು ಬಹಿರಂಗಪಡಿಸಿದ್ದಾರೆ. ಸಂದರ್ಶನವೊಂದರಲ್ಲಿ ಮಾತನಾಡಿರುವ ಫಾಸಿಲ್‌, ಪುಷ್ಪಾ 3 ಬರಬಹುದೆಂಬ ಸುಳಿವನ್ನು ನೀಡಿದ್ದಾರೆ. ನಿರ್ದೇಶಕರ ಬಳಿ ಪುಷ್ಪಾ ಚಿತ್ರವನ್ನು ವಿಸ್ತರಿಸುವಷ್ಟು ವಿಷಯಗಳು ಇವೆ ಎಂದು ಅವರು ಹೇಳಿದ್ದಾರೆ. ಈ ಸುದ್ದಿಯು ಚಿತ್ರದ ಅಭಿಮಾನಿಗಳಲ್ಲಿ ತೀವ್ರ ನಿರೀಕ್ಷೆಯನ್ನು ಹುಟ್ಟಿಸಿದೆ.

ನಿರ್ದೇಶಕ ಸುಕುಮಾರ್ ಅವರ ಪುಷ್ಪ ಚಿತ್ರದಲ್ಲಿ ಅಲ್ಲು ಅರ್ಜುನ್ ನಾಯಕನಾಗಿ ನಟಿಸಿದರೆ, ಖಡಕ್‌ ಖಲನಾಯಕನಾಗಿ ಫಹದ್ ಫಾಸಿಲ್ ಬಣ್ಣ ಹಚ್ಚಿದ್ದರು.  ಭಾಗ ಒಂದು ಮಾತ್ರ ಸದ್ಯ ಬಿಡುಗಡೆಯಾಗಿದ್ದು, ಸಾಕಷ್ಟು ಹಣವನ್ನು ಚಿತ್ರವು ಗಳಿಸಿದೆ.

 ಅಲ್ಲು ಅರ್ಜುನ್ ಮತ್ತು ಫಹಾದ್ ಫಾಸಿಲ್ ಮುಂಬರುವ ವಾರಗಳಲ್ಲಿ ಪುಷ್ಪ: ದಿ ರೂಲ್ ಅಥವಾ ಪುಷ್ಪ 2 ಚಿತ್ರೀಕರಣದಲ್ಲಿ ತೊಡಗಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗಿದ್ದು, ಚಿತ್ರವು 2023 ರಲ್ಲಿ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

ಮಲಯಂಕುಂಜು ಚಿತ್ರದ ಪ್ರಚಾರದ ವೇಳೆ ಫಹದ್ ಫಾಸಿಲ್ ಪುಷ್ಪ 3 ಕುರಿತು ಮಾತನಾಡಿದರು. ವಿಡಿಯೋ ಸಂದರ್ಶನವೊಂದರಲ್ಲಿ ಮಾತನಾಡಿದ ಫಹದ್‌, ಸುಕುಮಾರ್ ಸರ್ ಕಥೆಯನ್ನು ಹೇಳಿದಾಗ, ಪುಷ್ಪ ಒಂದು ಭಾಗದ ಚಿತ್ರವಾಗಬೇಕಿತ್ತು. ಪೊಲೀಸ್ ಠಾಣೆಯ ದೃಶ್ಯ ಮತ್ತು ನನ್ನ ಭಾಗದ ಧ್ವಿತೀಯಾರ್ಧದಲ್ಲಿ ಬರಬೇಕಿತ್ತು. ಆದರೆ, ನಂತರ, ದ್ವಿತೀಯಾರ್ಧವನ್ನೇ ಚಿತ್ರದ ಎರಡನೇ ಭಾಗವಾಗಿ ಚಿತ್ರೀಕರಿಸಲಾಗುತ್ತದೆ ಎಂದು ನಿರ್ಧರಿಸಲಾಯಿತು. ಇತ್ತೀಚೆಗೆ, ಅವರು ನನ್ನೊಂದಿಗೆ ಮಾತನಾಡುವಾಗ, ಅವರು ಪುಷ್ಪ 3 ಮಾಡಲು ಸಾಕಷ್ಟು ವಿಷಯಗಳನ್ನು ಹೊಂದಿರುವುದಾಗಿ ಹೇಳಿದ್ದಾರೆಂದು ತಿಳಿಸಿದ್ದಾರೆ.

ಡಿಸೆಂಬರ್ 2021 ರಲ್ಲಿ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಿದ್ದ ಪುಷ್ಪ: ದಿ ರೈಸ್ ಬ್ಲಾಕ್‌ಬಸ್ಟರ್ ಚಲನಚಿತ್ರವಾಗಿತ್ತು. ಚಿತ್ರವು ರಕ್ತ ಚಂದನದ ಕಳ್ಳಸಾಗಣೆದಾರ ಪುಷ್ಪರಾಜ್ ಮತ್ತು ಪೊಲೀಸ್ ಅಧಿಕಾರಿ ಭನ್ವರ್ ಸಿಂಗ್ ಶೆಕಾವತ್ ಅವರ ಕತೆಯನ್ನು ಹೇಳಿದೆ. ನಿರ್ದಿಷ್ಟವಾಗಿ ಅಲ್ಲು ಅರ್ಜುನ್‌ ನಿರ್ವಹಿಸಿದ ಪುಷ್ಪರಾಜ್‌ ಪಾತ್ರದ ಬೆಳವಣಿಗೆಯನ್ನು ಚಿತ್ರವು ತೋರಿಸಿತ್ತು. ಮುಂದಿನ ಭಾಗದಲ್ಲಿ ಫಹಾದ್‌ ಫಾಸಿಲ್‌ ನಿರ್ವಹಿಸಿದ ಪೊಲೀಸ್‌ ಅಧಿಕಾರಿ ಪಾತ್ರದೊಂದಿಗಿನ ಮುಖಾಮುಖಿಯನ್ನು ಚಿತ್ರವು ತೋರಿಸಲಿತ್ತು. ಈ ನಡುವೆ, ತಮಿಳಿನ ಖ್ಯಾತ ನಟ ವಿಜಯ್‌ ಸೇತುಪತಿ ಅವರು ಕೂಡಾ ಚಿತ್ರದ ಪ್ರಮುಖ ಪಾತ್ರವೊಂದರಲ್ಲಿ ನಟಿಸಲಿದ್ದಾರೆ ಎಂದು ವರದಿಯಾಗಿತ್ತು.

When Suku sir first told me the story, #Pushpa was only in one film, after the police station scene, my part in the second half, then it became two parts..

#Sukumar sir has enough materials to make #Pushpa3 - #FahadhFaasil said in interview of Manish Narayanan ‌ #AlluArjun pic.twitter.com/sng3mfPBai

— Mallu Arjun Army Kerala™ (@MalluArjun_Army) July 19, 2022

#Pushpa Big Breaking ..!!!

Pushpa 3rd part is possible #FahadhFaasil opened in his latest interview that director #Sukumar recently told him that we have scope for #Pushpa3 also .. #AlluArjun #PushpaTheRise #PushpaTheRule #PushpaTheRampage pic.twitter.com/0P6KlJOLT6

— Allu Arjun The Boss™ (@FanaticsofBunny) July 19, 2022