ಜೆಪ್ಪಿನಮೊಗರು: ಬಸ್ಸಿನಿಂದ ಬಿದ್ದು ಗಾಯ

ಮಂಗಳೂರು: ನಗರದ ರಾ.ಹೆ.66ರ ಜೆಪ್ಪಿನಮೊಗರು ಮಹಾಕಾಳಿಪಡ್ಪು ಕ್ರಾಸ್ ಬಳಿ ವೃದ್ಧರೊಬ್ಬರು ಬಸ್ಸಿನಿಂದ ಬಿದ್ದು ಗಾಯಗೊಂಡ ಘಟನೆ ಗುರುವಾರ ನಡೆದಿದೆ.

ತೊಕ್ಕೊಟ್ಟುವಿನಿಂದ ಜೆಪ್ಪಿನಮೊಗರು ಮಹಾಕಾಳಿಪಡ್ಪು ಕ್ರಾಸ್ ಕಡೆಗೆ ರೂಟ್ ನಂಬ್ರ 43ನೇ ಸಿಟಿ ಬಸ್ಸಿನಲ್ಲಿ ಪ್ರಯಾಣಿಸುತ್ತಿದ್ದ ಭೋಜ (76)ಗಾಯಗೊಂಡವರು.

ಇವರು ಬಸ್ಸಿನಿಂದ ಇಳಿಯುವಾಗ ಅದರ ಚಾಲಕ ಜಗದೀಶ್ ಎಂಬಾತನು ಬಸ್ಸನ್ನು ಏಕಾಎಕಿ ಮುಂದಕ್ಕೆ ಚಲಾಯಿಸಿದ ಪರಿಣಾಮ ಭೋಜ ಅವರು ಬಿದ್ದು ಗಾಯಗೊಂಡಿದ್ದಾರೆ. ತಕ್ಷಣ ಗಾಯಾಳುವನ್ನು ತೊಕ್ಕೊಟ್ಟಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಬಸ್ ಚಾಲಕನ ವಿರುದ್ಧ ಸಂಚಾರ ದಕ್ಷಿಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.