ಕೋಝಿಕ್ಕೋಡ್‌ ಬೀಚ್ ನಲ್ಲಿ ಹಿಂದೆ ಸರಿದ ಸಮುದ್ರದ ನೀರು, ಸ್ಥಳೀಯರಲ್ಲಿ ಆತಂಕ

ಕೋಝಿಕ್ಕೋಡ್: ಕೋಝಿಕ್ಕೋಡ್‌ನ ನೈನಂವಾಲಪ್ಪು ಬೀಚ್‌ನಲ್ಲಿ ಶನಿವಾರ ಸಂಜೆ ಸಮುದ್ರದ ನೀರು ಹಿಂದೆ ಸರಿದಿದ್ದು ಸ್ಥಳೀಯರಲ್ಲಿ ಆತಂಕ ಮೂಡಿಸಿದೆ.

ಆದರೆ ಸದ್ಯಕ್ಕೆ ಯಾವುದೇ ಸುನಾಮಿ ಎಚ್ಚರಿಕೆ ಇಲ್ಲ ಎಂದು ಜಿಲ್ಲಾಡಳಿತ ತಿಳಿಸಿದೆ.

ಜಿಲ್ಲಾಧಿಕಾರಿ ನರಸಿಂಹುಗರ್  ಟಿ.ಎಲ್. ರೆಡ್ಡಿ ಅವರು ಸಮುದ್ರದ ತಳಕ್ಕೆ ಇಳಿಯದಂತೆ ಸ್ಥಳೀಯರಿಗೆ ಎಚ್ಚರಿಕೆ ನೀಡಿದ್ದಾರೆ.

"ಸಮುದ್ರದ ನೀರು ಸಂಜೆ ಸುಮಾರು 30 ಮೀಟರ್ ಹಿಂದೆ ಸರಿಯಿತು. ನಂತರ, ಅದು ಕ್ರಮೇಣ 50-70 ಮೀಟರ್‌ಗೆ ಇಳಿಯಿತು. ಆದರೆ, ರಾತ್ರಿಯ ಸಮಯವಾಗಿರುವುದರಿಂದ, ನಾವು ಈಗ ದೂರವನ್ನು ಅಳೆಯಲು ಸಾಧ್ಯವಿಲ್ಲ" ಎಂದು ರೆಡ್ಡಿ ಪಿಟಿಐಗೆ ತಿಳಿಸಿದರು.

"ಅರೇಬಿಯನ್ ಸಮುದ್ರ ಅಥವಾ ಹಿಂದೂ ಮಹಾಸಾಗರದಲ್ಲಿ ಯಾವುದೇ ಭೂಕಂಪ ಅಥವಾ ಸುನಾಮಿ ಎಚ್ಚರಿಕೆಗಳನ್ನು ನೀಡಲಾಗಿಲ್ಲ, ಆದ್ದರಿಂದ ಸದ್ಯಕ್ಕೆ ಆತಂಕಪಡುವ ಅಗತ್ಯವಿಲ್ಲ. ಸಮುದ್ರದ ಸಮೀಪದಲ್ಲಿ ವಾಸಿಸುವವರು ಸಮುದ್ರಕ್ಕೆ ಇಳಿಯಬಾರದು ಎಂದು ಕೇರಳ ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರವು (ಕೆಎಸ್‌ಡಿಎಂಎ) ಪ್ರಕಟಣೆಯಲ್ಲಿ ತಿಳಿಸಿದೆ.