ಸಿನೆಮಾವೊಂದು ಆಸ್ಕರ್‌ ಪ್ರಶಸ್ತಿ ಗೆಲ್ಲಬೇಕಾದರೆ ದಾಟಬೇಕಾದ ವಿವಿಧ ಹಂತಗಳೇನು?

ಹೊಸದಿಲ್ಲಿ: ಪಾನ್‌ ನಳಿನ್‌ ಅವರ ಗುಜರಾತಿ ಚಲನಚಿತ್ರ ಛೆಲ್ಲೊ ಶೋ (Chhello Show) ಅಥವಾ ದಿ ಲಾಸ್ಟ್‌ ಫಿಲ್ಮ್‌ ಶೋ, ಆಸ್ಕರ್‌ (Oscars) 2023 ಗೆ ಭಾರತದ ಅಧಿಕೃತ ಎಂಟ್ರಿ ಎಂದು ಘೋಷಿಸಲ್ಪಟ್ಟಾಗ ಎಸ್‌ಎಸ್‌ ರಾಜಮೌಳಿ ಅವರ RRR ಚಿತ್ರದ ಅಭಿಮಾನಿಗಳಿಗೆ ನಿರಾಸೆಯಾಗಿತ್ತು.

ಆದರೆ ಇತ್ತೀಚೆಗೆ ಬಿಡುಗಡೆಗೊಂಡ  ಹಾಗೂ ಅಕಾಡೆಮಿ ಆಫ್‌ ಮೋಷನ್‌ ಪಿಕ್ಷರ್‌ ಆರ್ಟ್ಸ್‌ ಎಂಡ್‌ ಸಾಯನ್ಸಸ್‌ ಶೇರ್‌ ಮಾಡಿದ ಆಸ್ಕರ್‌ 2023 ರಿಮೈಂಡರ್‌ ಲಿಸ್ಟ್‌ ಈ ಅಭಿಮಾನಿಗಳ ನಿರೀಕ್ಷೆ ಗರಿಗೆದರುವಂತೆ ಮಾಡಿದೆ.

ಡಿಸೆಂಬರ್‌ 2022 ರಲ್ಲಿ ಶಾರ್ಟ್‌ಲಿಸ್ಟ್‌ಗೆ ಸ್ಥಾನ ಪಡೆದಿದ್ದ ರಾಜಮೌಳಿ ಅವರ ಆರ್‌ಆರ್‌ಆರ್‌ ರಿಮೈಂಡರ್‌ ಲಿಸ್ಟ್‌ ಸ್ಥಾನ ಪಡೆದಿವೆ. ಅಲ್ಲದೇ 'ಕಾಂತಾರ' (Kantara), 'ಗಂಗೂಬಾಯಿ ಕಥಿಯಾವಾಡಿ' ಮತ್ತು 'ದಿ ಕಾಶ್ಮೀರ್‌ ಫೈಲ್ಸ್‌ (The Kashmir Files)' ಆಸ್ಕರ್‌ 2023 ರಿಮೈಂಡರ್‌ ಲಿಸ್ಟ್‌ನಲ್ಲಿ ಸ್ಥಾನ ಪಡೆದಿವೆ ಎಂದು ವರದಿಯಾಗಿದೆ.

ಇದರರ್ಥ ಈ ಚಲನಚಿತ್ರಗಳಿಗೆ ಆಸ್ಕರ್‌ ಪ್ರಶಸ್ತಿ ಗೆಲ್ಲುವ ಅವಕಾಶವಿದೆಯೇ? ರಿಮೈಂಡರ್‌ ಲಿಸ್ಟ್, ಶಾರ್ಟ್‌ ಲಿಸ್ಟ್‌ ಮತ್ತು ಅಂತಿಮ ನಾಮಿನೇಶನ್ಸ್‌ ಲಿಸ್ಟ್‌ ಎಂದರೇನು?

ರಿಮೈಂಡರ್‌ ಲಿಸ್ಟ್

ಆಸ್ಕರ್‌ ಪ್ರಶಸ್ತಿ ನೀಡುವ ಅಕಾಡೆಮಿ ಆಫ್‌ ಮೋಷನ್‌ ಪಿಕ್ಚರ್‌ ಆರ್ಟ್ಸ್‌ ಎಂಡ್‌ ಸಾಯನ್ಸಸ್‌ ಜನವರಿ 10ರಂದು ರಿಮೈಂಡರ್‌ ಲಿಸ್ಟ್‌ ಬಿಡುಗಡೆಗೊಳಿಸಿದೆ. ವಿವಿಧ ವಿಭಾಗಗಳಲ್ಲಿ 95ನೇ ಅಕಾಡೆಮಿ ಪ್ರಶಸ್ತಿಗೆ ಅರ್ಹವಾಗಿರುವ  ಚಿತ್ರಗಳು, ಜೊತೆಗೆ ಅತ್ಯುತ್ತಮ ನಟ, ನಟಿ ಪ್ರಶಸ್ತಿಗೆ ಅರ್ಹರಾದವರನ್ನು ಈ ಪಟ್ಟಿ ಒಳಗೊಂಡಿದೆ.

ಈ ರಿಮೈಂಡರ್‌ ಪಟ್ಟಿಯಲ್ಲಿ 301 ಚಲನಚಿತ್ರಗಳಿವೆ ಇವುಗಳಲ್ಲಿ ಹಾಲಿವುಡ್‌ ಸೂಪರ್‌ ಹಿಟ್‌ ಚಿತ್ರ - ಅವತಾರ್:ದಿ ವೇ ಆಫ್‌ ವಾಟರ್‌, ಬ್ಲ್ಯಾಕ್‌ ಪ್ಯಾಂಥರ್‌: ವಕಂಡ ಫಾರೆವರ್‌ ಮತ್ತು ಟಾಪ್‌ ಗನ್: ಮಾವರಿಕ್‌ ಸೇರಿವೆ. ಮೇಲೆ ತಿಳಿಸಿದ ಭಾರತೀಯ ಸಿನೆಮಾಗಳ ಹೊರತಾಗಿ ಹಲವಾರು ಅಂತಾರಾಷ್ಟ್ರೀಯ ಒಟಿಟಿ ಬಿಡುಗಡೆಗಳೂ ಈ ಪಟ್ಟಿಯಲ್ಲಿವೆ.

ರಿಮೈಂಡರ್‌ ಪಟ್ಟಿಯಿಂದ ಅಂತಿಮ ನಾಮಿನೇಶನ್‌ ಪಟ್ಟಿಗೆ ಒಂದು ಸಿನೆಮಾ ಹೇಗೆ ಸಾಗುತ್ತದೆ?

ಅಕಾಡೆಮಿ ಅವಾರ್ಡ್ಸ್‌ ಅಧಿಕೃತ ಪುಟದಲ್ಲಿನ ಮಾಹಿತಿ ಪ್ರಕಾರ ಒಂದು ಚಿತ್ರ ಸಲ್ಲಿಕೆ ಅಗತ್ಯತೆಗಳಂತಗೆ ಒಂದು ಗೌಪ್ಯ ಅಕಾಡೆಮಿ ರೆಪ್ರಸೆಂಟೇಶನ್‌ ಎಂಡ್‌ ಇಂಕ್ಲೂಶನ್‌ ಸ್ಟಾಂಡರ್ಡ್ಸ್‌ ಎಂಟ್ರಿ ಕಳುಹಿಸಬೇಕಾಗುತ್ತದೆ. ನಂತರ ಬಹು ಮುಖ್ಯ ಮತದಾನ ಪ್ರಕಿಯೆ ಇರುತ್ತದೆ.ಈ ಮತದಾನ ಪ್ರಕ್ರಿಯೆ ಜನವರಿ 12 ರಂದು ಆರಂಭಗೊಂಡು ಜನವರಿ 17ಕ್ಕೆ ಮುಗಿಯುತ್ತದೆ.

ಜನವರಿ 24 ರಂದು 95ನೇ ಅಕಾಡೆಮಿ ಪ್ರಶಸ್ತಿಗಳಿಗಾಗಿ ಅಂತಿಮ ನಾಮಿನೇಶನ್‌ಗಳನ್ನು ಘೋಷಿಸಲಾಗುವುದು.

ಇದನ್ನೂ ಓದಿ: ತಮಿಳುನಾಡು ವಿಧಾನಸಭೆಯಿಂದ ಹೊರನಡೆದ ರಾಜ್ಯಪಾಲ: ಚೆನ್ನೈನಲ್ಲಿ ಪ್ರತ್ಯಕ್ಷವಾದ #GetOutRavi ಭಿತ್ತಿಪತ್ರಗಳು