ಅಂತಾರಾಷ್ಟ್ರೀಯ ಬೌದ್ಧಿಕ ಆಸ್ತಿ ಸೂಚ್ಯಂಕ: 42ನೇ ಸ್ಥಾನಕ್ಕೆ ಕುಸಿದ ಭಾರತ
Update: 2023-02-28 13:02 IST
ಹೊಸದಿಲ್ಲಿ: ಅಂತಾರಾಷ್ಟ್ರೀಯ ಬೌದ್ಧಿಕ ಆಸ್ತಿ ಸೂಚ್ಯಂಕದಲ್ಲಿ ಭಾರತ 55 ದೇಶಗಳ ಪಟ್ಟಿಯಲ್ಲಿ 42 ನೇ ಸ್ಥಾಕ್ಕೆ ಕುಸಿದಿದೆ. 2021 ರ ಸೂಚ್ಯಂಕದಲ್ಲಿ ಭಾರತ 40ನೇ ಸ್ಥಾನದಲ್ಲಿದ್ದರೆ 2014 ರಲ್ಲಿ 25 ದೇಶಗಳ ಪಟ್ಟಿಯಲ್ಲಿ ಭಾರತ 25 ನೇ ಸ್ಥಾನದಲ್ಲಿತ್ತು.
ವಾರ್ಷಿಕ ಅಂತಾರಾಷ್ಟ್ರೀಯ ಬೌದ್ಧಿಕ ಆಸ್ತಿ ಸೂಚ್ಯಂಕ 2023 ಅನ್ನು ಫೆಬ್ರವರಿ 21 ರಂದು ಪ್ರಕಟಿಸಲಾಗಿದ್ದು ಜಗತ್ತಿನ 55 ಮುಂಚೂಣಿಯಲ್ಲಿರುವ ಆರ್ಥಕತೆಗಳಲ್ಲಿ ಬೌದ್ಧಿಕ ಆಸ್ತಿಗಳ ಹಕ್ಕುಗಳ ರಕ್ಷಣೆಯನ್ನು ಅದು ಮೌಲ್ಯಮಾಪನ ಮಾಡುತ್ತದೆ. ಪೇಟೆಂಟ್ನಿಂದ ಹಿಡಿದು ಕಾಪಿರೈಟ್ ಕಾನೂನುಗಳು ಹಾಗೂ ಬೌದ್ಧಿಕ ಆಸ್ತಿಗಳ ನಗದೀಕರಣ ಮತ್ತು ಅಂತಾರಾಷ್ಟ್ರೀಯ ಒಪ್ಪಂದಗಳಿಗೆ ಬದ್ಧತೆಯ ಕುರಿತು ಪರಿಶೀಲಿಸಿ ಈ ಸೂಚ್ಯಂಕವನ್ನು ಸಿದ್ಧಪಡಿಸಲಾಗುತ್ತದೆ.
ಈ ವರದಿಯ ಪ್ರಕಾರ ಮೊರೊಕ್ಕೋ, ಥಾಯ್ಲಂಡ್ ಮತ್ತು ವಿಯೆಟ್ನಾಂ ತಮ್ಮ ಒಟ್ಟಾರೆ ಅಂಕಗಳಲ್ಲಿ ಸುಧಾರಣೆ ಕಂಡಿವೆ.