ಸುಂಕ ಕಡಿತಕ್ಕೆ ಅಮೆರಿಕ-ಚೀನಾ ಒಪ್ಪಿಗೆ

ವಾಶಿಂಗ್ಟನ್: ಚೀನಾ ಅಧ್ಯಕ್ಷ ಕ್ಸಿ ಜಿನ್‍ಪಿಂಗ್ ಅವರ ಮೂರು ದಿನಗಳ ವಾಷಿಂಗ್ಟನ್ ಭೇಟಿಯ ನಂತರ, ಚೀನಾ ಮತ್ತು ಅಮೆರಿಕ ಎಂಟು ಅಂಶಗಳ ಒಮ್ಮತವನ್ನು ತಲುಪಿವೆ. ಈ ಒಪ್ಪಂದಗಳು ಸುಂಕಗಳು, ಕೃತಕ ಬುದ್ಧಿಮತ್ತೆ (ಎಐ), ವ್ಯಾಪಾರ ಮತ್ತು ಅಂತರ್‍ರಾಷ್ಟ್ರೀಯ ವಿಷಯಗಳನ್ನು ಒಳಗೊಂಡಿವೆ.

ಉಭಯ ದೇಶಗಳು 30 ಶತಕೋಟಿ ಡಾಲರ್ ಪರಸ್ಪರ ಸುಂಕ-ಕಡಿತ ವ್ಯವಸ್ಥೆಗೆ ಒಪ್ಪಿಕೊಂಡಿವೆ ಮತ್ತು ಎಐ ಕುರಿತು ಅಧಿಕೃತ ಸಂವಾದವನ್ನು ಪ್ರಾರಂಭಿಸಲು ನಿರ್ಧರಿಸಿವೆ. ವ್ಯಾಪಾರ ಮಂಡಳಿಯನ್ನು ಸ್ಥಾಪಿಸಿ ಈ ಹಿಂದೆ ಕೌಲಾಲಂಪುರ್‌ನಲ್ಲಿ ನಡೆದ ಚರ್ಚೆಗಳ ಪ್ರಕ್ರಿಯೆಗಳನ್ನು ಮುಂದುವರಿಸಲು ನಿರ್ಧರಿಸಲಾಗಿದೆ ಎಂದು ಚೀನಾದ ವಿದೇಶಾಂಗ ಸಚಿವಾಲಯದ ಹೇಳಿಕೆ ತಿಳಿಸಿದೆ.