Afzalpur | ಅಕ್ಕಮಹಾದೇವಿ ಪತ್ತಿನ ಸಹಕಾರ ಸಂಘದ ಪ್ರಥಮ ವಾರ್ಷಿಕೋತ್ಸವ ಸಂಭ್ರಮ

ಅಫಜಲಪುರ: ಅಕ್ಕಮಹಾದೇವಿ ಪತ್ತಿನ ಸಹಕಾರ ಸಂಘ ನಿಯಮಿತದ ಪ್ರಥಮ ವಾರ್ಷಿಕೋತ್ಸವವನ್ನು ಸಂಘದ ಕಚೇರಿಯಲ್ಲಿ ಸಂಭ್ರಮದಿಂದ ಆಚರಿಸಲಾಯಿತು.

ಕಾರ್ಯಕ್ರಮದಲ್ಲಿ ಸಮಾಜದ ಪ್ರಧಾನ ಕಾರ್ಯದರ್ಶಿ ಮುರಗೆಂದ್ರ ಮಸಳಿ ಮಾತನಾಡಿ, ಸಮಾಜ ಸ್ಥಾಪನೆಯಾದ ಕೇವಲ ಒಂದು ವರ್ಷದೊಳಗೆ ಸಹಕಾರ ಸಂಘವನ್ನು ಆರಂಭಿಸಿರುವುದು ಹೆಮ್ಮೆಯ ಸಾಧನೆಯಾಗಿದೆ. ಈ ಯಶಸ್ಸಿಗೆ ಎಲ್ಲ ಸದಸ್ಯರ ಸಹಕಾರ ಕಾರಣವಾಗಿದ್ದು, ಸಮಾಜದ ಅಧ್ಯಕ್ಷ ಬಸಣ್ಣ ಎಂ. ಗುಣಾರಿ ಅವರ ಕೊಡುಗೆ ಮಹತ್ವದ್ದಾಗಿದೆ. ಸದಸ್ಯರೆಲ್ಲರೂ ಒಗ್ಗಟ್ಟಿನಿಂದ ಸಂಘವನ್ನು ಇನ್ನಷ್ಟು ಅಭಿವೃದ್ಧಿಪಡಿಸಬೇಕು ಎಂದು ಕರೆ ನೀಡಿದರು.

ಸಹಕಾರ ಸಂಘದ ಪ್ರಧಾನ ಕಾರ್ಯದರ್ಶಿ ವಿನಯ ಗುಣಾರಿ ವಾರ್ಷಿಕ ವರದಿ ಹಾಗೂ ಲೆಕ್ಕಪತ್ರಗಳನ್ನು ಸಭೆಯಲ್ಲಿ ಮಂಡಿಸಿ, ಸಂಘದ ಪ್ರಗತಿ ಕುರಿತು ಮಾಹಿತಿ ನೀಡಿದರು.

ಪ್ರಸ್ತುತ ಸಂಘದಲ್ಲಿ 425 ಸದಸ್ಯರಿದ್ದು, 20,08,460 ರೂ. ಷೇರು ಬಂಡವಾಳ, 1,16,30,000 ರೂ. ದುಡಿಯುವ ಬಂಡವಾಳ ಹಾಗೂ 5,88,000 ರೂ. ಬ್ಯಾಂಕ್ ಶಿಲ್ಕು ಇದೆ ಎಂದು ತಿಳಿಸಿದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸಂಘದ ಅಧ್ಯಕ್ಷ ಸಂತೋಷ್ ದಾಮ ವಹಿಸಿದ್ದರು.

ಈ ಸಂದರ್ಭದಲ್ಲಿ ರಾಜ್ಯ ಕಾರ್ಯದರ್ಶಿ ಪ್ರಶಾಂತ್ ನಿಗಡಿ, ಉಪಾಧ್ಯಕ್ಷ ರವಿಂದ್ರ ನಂದಿಗೌಡ, ನಿರ್ದೇಶಕರಾದ ಶಂಕರ ಸೋಬಾಣಿ, ಬಸವರಾಜ ಬುಶಟ್ಟಿ, ಶರಣು ಶೆಟ್ಟಿ, ಶರಣು ನೂಲಾ, ಧಾನು ನೂಲಾ ಹಾಗೂ ಸಂತೋಷ ಗುಣಾರಿ ಸೇರಿದಂತೆ ಸಂಘದ ಸದಸ್ಯರು ಮತ್ತು ಸಮಾಜದ ಮುಖಂಡರು ಉಪಸ್ಥಿತರಿದ್ದರು. ಶೈಲೇಶ್ ಗುಣಾರಿ ಸ್ವಾಗತಿಸಿದರು.